முந்திரி காளான் மசாலா

தேவையான பொருட்கள்:

பட்டன் காளான் - 1 கப்
வெங்காய பேஸ்ட் - 2 டேபிள் ஸ்பூன்
இஞ்சி பூண்டு பேஸ்ட் - 1 டீஸ்பூன்
மிளகாய் தூள் - 1 டீஸ்பூன்
மஞ்சள் தூள் - 1 டீஸ்பூன்
தயிர் - 1/2 கப்
முந்திரி பேஸ்ட் - 2 டேபிள் ஸ்பூன்
சீரகப் பொடி - 1 டீஸ்பூன்
கரம் மசாலா - 1 டீஸ்பூன்
உப்பு - தேவையான அளவு
சீரகம் - 1 டீஸ்பூன்
பட்டை - 1
ஏலக்காய் - 4
எண்ணெய் - 2 டேபிள் ஸ்பூன்

செய்முறை:

முதலில் காளானை சுடுநீரில் போட்டு அலசி, தனியாக ஒரு தட்டில் வைத்துக் கொள்ள வேண்டும்.

பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கீரம், பட்டை, ஏலக்காய் சேர்த்து 1 நிமிடம் தாளிக்க வேண்டும்.

பின்பு அதில் வெங்காய பேஸ்ட் சேர்த்து 3-4 நிமிடம் மிதமான தீயில் வதக்க வேண்டும்.

பின் இஞ்சி பூண்டு பேஸ்ட் சேர்த்து 2-3 நிமிடம் வதக்க வேண்டும்.

அடுத்து அதில் மஞ்சள் தூள், மிளகாய் தூள், சீரகப் பொடி மற்றும் முந்திரி பேஸ்ட் சேர்த்து 3-4 நிமிடம் கிளறி விட்டு, பின் அதில் தயிரை நன்கு அடித்து சேர்த்து கிளறி விட வேண்டும்.

பிறகு காளானை சேர்த்து, மூடி வைத்து 6-8 நிமிடம் குறைவான தீயில் வேக வைத்து, பின் மூடியை திறந்து, வேண்டுமானால் சிறிது தண்ணீர் ஊற்றி மிதமான தீயில் சிறிது நேரம் கொதிக்க விட்டு, அடுத்து கரம் மசாலா சேர்த்து கிளறி இறக்கினால், முந்திரி காளான் மசாலா ரெடி!!!

http://tamil.boldsky.com/recipes/veg/kaju-mushroom-masala-raksha-bandhan-006337.html