புத்தரின் சிந்தனைகள்

புத்தரின் சிந்தனைகள் -

கெளதமபுத்தர் ஒரு வழியில் நடந்து சென்றார்.. அப்போது எதிரே வந்த ஒருவன் மிகுந்த கோபத்துடன் புத்தர் முகத்தில் காறி எச்சிலை துப்பினான்.. தன் மேல்துண்டால் துடைத்து விட்டு.. "இன்னும் எதாவது சொல்ல விரும்புகிறாயா..?" என்றார் புத்தர். அருகில் நின்ற ஆனந்தாவுக்கு கோபம் வந்தது. புத்தர் ஆனந்தாவை பார்த்து சொன்னார் "ஆனந்தா.. இவர் ஏதோ சொல்ல விரும்புகிறார்.. ஆனால் அவருக்கு வார்த்தைகள் இல்லாததால் இந்த செயலை செய்து விட்டார்.. வார்த்தைகள் பலவீனமானவை இவர் என்ன செய்ய முடியும்..?" என்று கூறிவிட்டு சென்று விட்டார்.


துப்பியவனுக்கு அன்று முழுவதும் குற்றஉணர்வால் நித்திரையே வரவில்லை. அடுத்த நாள் காலை புத்தரை தேடியலைந்து கண்டு அவரது காலில் விழுந்து அழுதான்.. அப்போதும் புத்தர் ஆனந்தாவை பார்த்து சென்னார்.. "இன்றும் இவர் ஏதோ சொல்ல விரும்புகிறார் ஆனந்தா..! ஆனால் வார்த்தைகள் பலவீனமானதால் இச்செயலை செய்துவிட்டார்..!" என்றார். அவன் எழுந்து கேட்டான் "நான் துப்பிய போது நீங்கள் ஏன் திருப்பி ஒரு வார்த்தைகூட ஏசவில்லை..?" என்று. அப்போது புத்தர் அழகான பதில் சொன்னார்.. "நீ எண்ணியது போல் நடக்க நான் என்ன உன் அடிமையா.. ?"

உலக வாழ்க்கையின் நோக்கம் பிறருக்கு உதவி செய்வதே ஆகும்.

2. ஒன்றும் தெரியாது என்று நினைப்பவனுக்கு கொஞ்சமாவது அறிவு உண்டு. ஆனால், எல்லாம் தெரியும் என்று நினைப்பவன் முழு மூடன்.

3. நம் எண்ணங்கள் யாவும், பிறருக்கு எந்த வகையிலும் துன்பம் தருவதாக இருக்கக்கூடாது. பிறருக்கு நன்மையையும் ஆறுதலையும் தரக்கூடியதாக இருக்கவேண்டும்.

4. அறிஞன் விழிப்படைந்து தன் வாழ்வில் கருத்துடனும் ஒழுக்கத்துடனும் வாழ்ந்து, வெள்ளத்தால் சேதம் அடையாத ஒரு தீவைப்போல தன்னைப் பலப்படுத்திக்கொள்கிறான்.

5. ஒருவன் என்ன செயல் செய்கிறானோ, அதுவாகவே அவன் ஆகிவிடுகிறான். ஆதலால், ஒவ்வொருவனும் தன்னைத்தானே உருவாக்கிக்கொள்கிறான். ஆகவே, நம் செயல்களிலிருந்து நாம் தப்பிக்க முடியாது.

6. ஒருவனுக்கு அவனேதான் தலைவனாக இருக்க முடியும். வேறு ஒருவன் அவனுக்குத் தலைவனாக இருக்க முடியாது. தன்னைத் தானே அடக்கி கட்டுப்படுத்தத் தெரிந்த மனிதனே பெறுதற்கரிய தலைமையைப் பெற முடியும்.

7.கையில் புண் இல்லையென்றால் ஒருவன் தன் கையில் நஞ்சையும் எடுக்கலாம். நஞ்சு அவனைப் பாதிப்பதில்லை. அதுபோல தீங்கு செய்யாத ஒருவனுக்குத் தீங்கு நேர்வதில்லை.

8. ஆகாயத்திற்குச் சென்றாலும், நடுக் கடலுக்குச் சென்றாலும், மலையின் இடுக்கில் மறைந்துகொண்டாலும், எங்கு சென்று ஒளிந்துகொண்டாலும், தீய செயலைச் செய்தவர் அதன் விளைவுக்குத் தப்பவே முடியாது.

9. எந்தச் செயலையும் நன்கு ஆராய்ந்து, எது நன்மைக்கு உகந்தது என்று காண்கிறீர்களோ, அதையே நம்பி உறுதியாகப் பற்றுங்கள்.

10. பகையைத் தீர்ப்பது நட்பு ஒன்றுதான். அமைதிக்கான உறுதியும் அதுவே

உங்கள் பதிவுகள் அனைத்தும் மிகவும் அருமை நண்பரே..

எப்பேற்பட்ட புனித வாசகங்களை படித்தாலும், எப்படிப் பட்ட நல்ல கருத்துக்களை கூறினாலும், அதன்படி நீ நடக்காவிட்டால் அதனால் விளையும் நன்மை ஏது?

என்ன நடந்தது என்பதைப் பற்றி நான் கவலைப் பட்டதே இல்லை, எது இன்னும் நடக்கவேண்டி உள்ளது என்பதைப் பற்றி மட்டுமே நான் சிந்திக்கிறேன்.

கோபம் என்பது சூடான துண்டுக்கரியை கையால் தூக்கி இனோருவர் மேல் எறிவதற்கு சமமானது, சூடான கரியை தூக்கியதால் நீங்களே உங்கள் கையை சுட்டுக்கொள்வீர்கள்.

நீங்கள் உங்கள் கோபத்திட்காக தண்டிக்கப்படமாட்டீர்கள், உங்கள் கோபத்தாலே தண்டிக்கப்படுவீர்கள்.

ஒரு பூ பூத்துக்குலுங்கி காய்த்துப்பழமாகுவது போல, பிறை போன்ற நிலவு பூரனமாகி முழு நிலவாகுவது போல, மங்கும் விளக்கொளி எண்ணை ஊற்ற எவ்வாறு பிரகாசமாகுமோ, மழையை கண்டு எவ்வாறு மரங்களும் செடிகளும் மகிழுமோ, அதே போல மனிதனும் அவனது நல்ல செயல்களும் அவனுக்குரிய நன்மைகளை அவனிடம் கொண்டுவந்து சேரும்.

தீயோ, புயல் காற்றோ, பிறப்போ இறப்போ நீ செய்த நன்மைகளை என்றும் அழிக்காது.

புத்தரின் சிந்தனைகள் அனைத்தும் நம் வாழ்க்கைக்கான வழிகாட்டுதல்கள்
மிகவும் நன்றி ஜோப்ரா

ஆசிய ஜோதி புத்தரின் சிந்தனைகள் அனைத்தும் அருமையிலும் அருமை.

தொடர்ந்து எழுதுங்கள் ஜோர்பா.