போஹா-வேர்க்கடலை ஃபட்ஜ்

என்னென்ன தேவை?

அவல் (போஹா) - 1 கப்(கெட்டியாகவோ அல்லது நீர்க்கவோ),
வேர்க்கடலை - 1/2 கப்,
வெல்லம் - 4 டீஸ்பூன் (தூளாக்கியது அல்லது உருக்கியது),
தேங்காய்த் துருவல் - 1 டீஸ்பூன்,
ஏலக்காய் தூள் - 1 டீஸ்பூன்,
நெய் - சிறிதளவு.  

எப்படிச் செய்வது?  

அவலை தண்ணீரில் 5 நிமிடம் ஊற வைக்கவும். பிறகு தண்ணீரை வடித்துவிட்டு தனியே எடுத்து வைக்கவும். வெறும் கடாயில் வேர்க்கடலை பொன்னிறமாகும் வரை வறுக்கவும். அதன் தோலை எடுத்து விட்டு இதை அவலுடன் கரகரப்பாக அரைக்கவும். (பிரெட் தூள் போல இருக்கலாம்). இத்துடன் வெல்லம், தேங்காய்த் துருவல், ஏலக்காய் தூள் சேர்த்து அரைத்துக் கொள்ளவும். அரைத்த கலவையை சிறு உருண்டையாகவோ அல்லது விருப்பமான வடிவிலோ செய்து கொள்ளவும். மாவு ஒட்டாமல் இருக்க நெய் சேர்த்துக் கொள்ளவும்.

- தினகரன்

சூப்பர் செய்து பார்க்கிறேன்