அரை மணி நேரத்தில் சென்னையிலிருந்து திருநெல்வேலி போகலாம்!

[You must be registered and logged in to see this image.]
தலைப்பைப் பார்த்ததும், ‘இது சாத்தியமா’ என்ற அவநம்பிக்கை எழக் கூடும்! ஆனால் மனித குலத்தின் ஒவ்வொரு டெக்னாலஜி முன்னேற்றமும், சாத்தியம் ஆகாதவற்றை சாத்தியம் ஆக்கியதில்தானே முடிந்திருக்கிறது. சென்னையிலிருந்து திருநெல்வேலி 630 கிலோமீட்டர். ரயிலில் சுமார் 12 மணி நேரம் ஆகிறது. விமானத்தில் தூத்துக்குடி போய்ச் சென்றாலும் நான்கு மணி நேரம் ஆகும். அரை மணி

நேரத்தில் எப்படி சாத்தியம்?
‘ஹைபர்லூப்’ பயணத்தில் இது முடியும்! மணிக்கு 1220 கி.மீ தூரப் பயணம் இதில் சாத்தியம். ‘‘கப்பல், விமானம், ரயில், ஆட்டோமொபைல் வண்டிகள் ஆகிய நான்கு மட்டுமே இதுவரை இருக்கும் பயண

வழிகள். இது எதிலும் சேராத புதுமையான கண்டுபிடிப்பே ஹைபர்லூப்’’ என்கிறார் இதன் பிதாமகர் இலான் மஸ்க்.

‘பஞ்ச தந்திரம்’ படத்தில் பார்த்திருப்பீர்கள்... ஸ்டார் ஹோட்டலின் ஏதோ ஒரு தளத்திலிருந்து சலவை செய்ய வேண்டிய துணிகளை மூட்டையாக ஒரு டியூபில் போடுவார்கள். அது வழுக்கிக் கொண்டு பயணித்து, தரைத் தளத்தில் இருக்கும் சலவையகத்தை அடையும். (இந்த டியூப் வழியாக சடலத்தை அனுப்பும் காமெடி காட்சியை மறக்க முடியுமா?)
சில துணிக்கடைகளில் நீங்கள் ஐந்தாவது மாடியில் பர்ச்சேஸ் செய்யும் டிரஸ்களை ஒரு கவரில் போட்டு, அங்கிருக்கும் ஒரு துவாரத்தில் திணிப்பார்கள். அது வழுவழு டியூபில் வந்து டெலிவரி கவுன்ட்டரில் விழும். இதே டெக்னாலஜியில் மனிதர்களை அனுப்பினால்... அதுதான் ஹைபர்லூப்! ஆனால் இதேபோல மூட்டை கட்டி அனுப்பாமல் மிகுந்த பாதுகாப்போடு அனுப்புகிறார்கள்.
[You must be registered and logged in to see this image.]பொதுவாக அதிவேக ரயில்களுக்கு இரண்டு பிரச்னைகள்தான்... ஒன்று தண்டவாளத்தோடு ஏற்படும் உராய்வால் வேகம் தடைபடும்; இன்னொன்று, காற்றின் எதிர்ப்பால் வேகம் தடைபடுவது! இந்த இரண்டையும் தவிர்த்துவிட்டு வேகப் பயணத்தை சாத்தியமாக்க உலகெங்கும் ஆராய்ச்சிகள் நடந்து வருகின்றன. அதில் முக்கியமான ஒரு மைல்கல்லைத் தொட்டிருக்கிறார் இலான் மஸ்க்.

அமெரிக்காவைச் சேர்ந்த கோடீஸ்வர தொழிலதிபரான இவர், ‘பே பால்’ வர்த்தக இணையதளத்தை ஆரம்பித்து, புகழ்பெறச் செய்து, அதை பெரும் லாபத்துக்கு விற்றவர். கிடைத்த பணத்தை வைத்து, ரஸ்க் சாப்பிடாமல் ஏகப்பட்ட ரிஸ்க் எடுத்துக் கொண்டிருக்கிறார். உலகின் மிகச் சிறந்த எலெக்ட்ரிக் காரில் ஆரம்பித்து ராக்கெட் வரை தயாரித்துக் கொண்டிருப்பவர். சயின்ஸ் ஃபிக்ஷன் கதைகளில் வரும் சகல கற்பனைகளையும் நிஜமாக்கும் சாத்தியங்களை ஆராய்ந்து கொண்டிருப்பவர். அப்படித்தான் இதையும் சாத்தியமாக்கும் திட்டத்தை கடந்த மாதம் அறிவித்திருக்கிறார். முதல் கட்டமாக லாஸ்
ஏஞ்சல்ஸ் நகரத்தையும் சான் ஃபிரான்சிஸ்கோவையும் இணைக்கும் பாதையை ரெடி செய்ய பிளான் ரெடி!
இதன் டெக்னாலஜி கொஞ்சம் புதுமையானது. சென்னையில் மெட்ரோ ரயிலுக்காக தூண்களின் மீது பாலங்கள் கட்டி, உயரத்தில் ரயிலுக்குப் பாதை இருக்கிறதே... அது போல தூண்களின் மீதுதான் இந்தப் பாதையும் அமையும். ஆனால், அவ்வளவு பெரும் பொருட்செலவு தேவையில்லை. 40 முதல் 100 அடி உயரத் தூண்களை ஒவ்வொன்றும் 300 அடி இடைவெளியில் நிறுவினால் போதும். அதன்மீது உறுதியான, ஆனால் எடை அதிகமில்லாத உலோகத்தில் குழாய்கள் பதிக்கப்பட்டிருக்கும். பிரமாண்ட தண்ணீர்க் குழாய்கள் போல இரண்டரை மீட்டர் அகலத்தில் இவை இருக்கும். இரண்டு குழாய்கள் அருகருகே... ஒன்று போகும் வழிக்கு; இன்னொன்று திரும்பும் வழிக்கு! இவற்றுக்கு மேலே சூரிய சக்தி தகடுகள் பதித்து மின்சாரம் தயாரிக்கப்படும்.
கேப்ஸ்யூல் மாத்திரைகள் சாப்பிடுவீர்களே... அதை பிரமாண்ட சைஸில் உறுதியான அலுமினியத்தில் உருவாக்குவதாக கற்பனை செய்யுங்கள். அப்படிப்பட்ட கேப்ஸ்யூல்கள்தான் இந்தக் குழாயில்

பயணிக்கும் வாகனங்கள். விமானத்தில் இருப்பது போல இருக்கையில் பயணிகளை வரிசையாக உட்கார வைத்து, சீட் பெல்ட் போட்டுக் கொள்ளச் சொல்வார்கள். அதன்பிறகு இந்த கேப்ஸ்யூல்

மூடப்பட்டு, குழாய்க்கு அனுப்பப்படும். கேப்ஸ்யூலின் முன்பக்கம் இருக்கும் ஏர் கம்ப்ரஸ்ஸர் இயங்க ஆரம்பித்ததும், அந்த விசையில் அது வேகமாகப் பயணிக்கும். குழாயின் உள்புறத்தில் அழுத்தம்

குறைவாக இருப்பதாலும், கேப்ஸ்யூல் அதற்குள் காற்றில் மிதந்தபடி பறப்பதாலும், உராய்வோ, தீ விபத்தோ ஏற்படும் ஆபத்து இல்லை. தரையை விட உயரமான இடத்தில், குழாய்க்குள் பயணிப்பதால்

வேறு மாதிரியான விபத்துகளும் நிகழாது. ஒரு நிமிடத்துக்கு ஒரு கேப்ஸ்யூல் என குழாய்க்குள் அனுப்பிக் கொண்டே இருக்கலாம். அடுத்த கேப்ஸ்யூல் பயணத்தை ஆரம்பிப்பதற்குள், முதல் கேப்ஸ்யூல்

25 கி.மீ தூரம் போயிருக்கும். அதனால் ஒன்றோடு ஒன்று மோதிக் கொள்ளாது. பாதுகாப்புக்காக எமர்ஜென்சி பிரேக்கும் கேப்ஸ்யூலில் இருக்கும்.

‘‘விமானப் பயணத்தை விட, ரயில் பயணத்தைவிட குறைந்த கட்டணத்தில் இதில் பயணம் சாத்தியம். லேபாரட்டரி பரிசோதனைகளில் வெற்றி பெற்றுவிட்டோம். அடுத்து ஆரம்பிக்க வேண்டியதுதான்’’
என்கிறார் மஸ்க்.

அவர் இதற்கு காப்புரிமை வாங்கவில்லை. யாரும் எங்கு வேண்டுமானாலும் இதை முயற்சிக்கலாம் என்கிறார். இங்கே யாராவது ரெடியா?

[You must be registered and logged in to see this image.]
நன்றி -http://www.kungumam.co.in/Articalinnerdetail.aspx?id=6107&id1=4&issue=20131028

அடேங்கப்பா !!!!

வெளிநாட்டில் வருவதை வரவேற்கலாம்.

நம்நாட்டிற்கு வந்தால் நம்மவர்கள் விக்ரம், விஜய், அஜீத், போன்றவர்களுடைய காலைகாட்சிக்கும், டாஸ்மாக்குக்கும், அரசியல் மீட்டிங்குகளுக்கும் வந்துபோவதற்குதான் பயன்படுத்துவார்கள்.  

(இப்பவே ரிசர்வ் பண்ணப்பட்ட பகுதியில் அரசியல் மீட்டிங் செல்கிற தொண்டர்கள் ஆக்ரமித்து பயணிகளுக்கு தருகிற தொல்லை இருக்கிறதே...) 

சரிதான் ஜேக்