விண்ணைத் தொட்ட மனிதர்கள் - ராகேஷ் ஷர்மா

[You must be registered and logged in to see this image.]
-
[You must be registered and logged in to see this image.]

-
விண்வெளிக்குச் சென்ற முதல் இந்திய வீரர் ரகேஷ் சர்மா, இப்போது எங்கு வாழ்ந்துகொண்டிருக்கிறார் தெரியுமா? ஊட்டிக்கு அருகில் உள்ள குன்னூரில்தான்.

ஆறு வயதிலேயே உறவினர் ஒருவருடன் இந்திய விமானப் படை கண்காட்சிக்குப் போய் விமானங்களைப் பார்த்தபோது ராகேஷ் சர்மாவுக்குப் பறக்க வேண்டும் என்ற ஆசை துளிர்விட்டது. 35 வயதில் அவர் விண்ணுக்குச் சென்றார்.

இந்திய விமானப் படையில் விங் கமாண்டராக இருந்த ராகேஷ் சர்மா, உலக அளவில் விண்வெளிக்குச் சென்ற 128-வது மனிதர். தற்போது கஸகஸ்தானில் உள்ள பைகானூர் ஏவுதளத்தில் இருந்து 1984 ஏப்ரல் 2-ம் தேதி விண்ணுக்குப் பாய்ந்தார். பைகானூர்தான் உலகின் முதலாவது மற்றும் மிகப் பெரிய விண் ஏவுதளம். யூரி ககாரின் விண்ணுக்குச் சென்றதும் இங்கிருந்துதான்.

சோயுஸ் டி 11 என்ற விண்கலத்தில் இரண்டு ரஷ்ய விண்வெளி வீரர்களுடன் ராஜேஷ் விண்ணுக்குச் சென்றார். சால்யுட் 7 என்ற விண்வெளி நிலையத்தில் ஏழு நாள் 21 மணி 40 நிமிடங்கள் இருந்த பின் அவர் பூமி திரும்பினார்.

நாடு திரும்பிய பிறகு பெங்களூரில் உள்ள இந்துஸ்தான் ஏரோநாட்டிக்ஸ் நிறுவனத்தில் தலைமை பரிசோதனை விமானியாகப் பணிபுரிந்த அவர், இலகு ரகப் போர் விமானமான தேஜஸை மேம்படுத்தும் திட்டத்திலும் இருந்தார்.

சரி, விண்வெளிக்குப் பறந்தபோது அவருக்குப் பயமாக இருக்கவில்லையா? “விண்வெளியில் பறப்பதைவிடவும் இந்திய விமானப் படையில் பயங்கரமான ஆபத்துகளை எல்லாம் ஏற்கெனவே எதிர்கொண்டிருந்தேன். அதனால், விண்வெளியில் பறந்தது பெரிய விஷயமாக இல்லை” - இதுதான் ராகேஷ் சர்மாவின் பதில்.
==
தமிழ் தி இந்து காம்

[You must be registered and logged in to see this image.]

சிறப்பான பகிர்வுக்கு நன்றி அண்ணா.

[You must be registered and logged in to see this image.]

[You must be registered and logged in to see this link.]