காலம் என்பது ஆறாவது பூதம்

by முழுமுதலோன் Tue Apr 07, 2015 10:45 am

காலம் ஒரு நாள் மாறும் நம்
கவலைகள் யாவும் தீரும்
காலம் என்பது ஆறாவது பூதம்
பஞ்ச பூதங்கள் எனும் அற்புத சக்திகள் அய்ந்து
ஆறாவதாக ஒரு மகோன்னத சக்தி அது காலம்.
சுற்றி வரும் பஞ்சபூதங்களிலும் பல மாறுதல்களை பிரசவிக்கிறது
அவை வெறும் பருவநிலை மாற்றங்கள் மட்டுமல்ல‌
அவை பூமியின் ஒவ்வொரு ஜிவராசிக்குள்ளும் மாறுதலை தோற்றுவிக்கிற‌து
உடல், உள்ளமென்பதோடு அவற்றின் வாழ்வு சக்கரத்திலும்
மாறுதல்களை உருவாக்குகின்றன‌
இந்த மாறுதல்கள்தான் நம் மானுட இனத்திற்கு ஆறுதல்கள்
காலம் என்பது தேர் போல ஓடிக்கோண்டேயிருக்கிறது
காலமெனும் தேரின் கால்களாக சக்கரங்கள் சுழன்றுகொண்டிருக்கிறது
சக்க‌ரக் கால்களின் அதிட்டம் போல‌
மனிதரின் உயர்வும் தாழ்வும் ஏறி இற்ங்குகிறது
வாழ்ந்தவர் வீழ்வதும்
வீழ்ந்தவர் எழுவதுமாக இறைவனின் நாடகம் நடக்கிறது
இருபத்தியேழ வருடங்கள் சிகரத்தில் சிம்மசனத்தில் இருந்தவரில்லை
பிறந்தவர் இறக்கும்வரை
ஒருநொடியேனும் அதிட்டத்தின் பார்வை படாதவருமில்லை
ஒரு கதவை மூடும் காலம் மறுகதவை திறக்காமலிருப்பதில்லை
ஒரு காலை உடைத்தாலும் ஒருகை தந்து தூக்கிவிடும் காலம்
காலத்தால் ஆறாத காயங்களும் இல்லை
காலத்தால் மாறாத ஆயுதங்களும் இல்லை
பசி பிணி துயரம் துக்கம்
தோல்வி இழப்பு
அழுகை அவமானம்
அத்தனைஇன்னல்களுக்கும் ஆயுள் குறைவு
காலம் எனும் மருந்திலே அவை கரைந்து போகும்.
உதய சூர்யன் எழும் போது ஒரு புதிய வெற்றி பிறக்கும்
புதிய சந்திரன் விளையும் போது ஒரு புதிய உணர்வு பிறக்கும்
ஒரு சுற்று பூமி சுழலும் போது அரண்ட மனங்கள் தெளிவாகும்
ஒரு சுற்று சூர்யன் சுற்றும்போது வறண்ட நிலங்கள் வளமாகும்
கண்ணுக்கு தெரிகின்ற காலம் சுழலும் போது சிறியது,
கண்ணுக்கு தெரியாத‌காலத்தின் பயணம் மிகமிக நீண்டது
அதனை அளவிட மனிதனிடம் அளவீடுகள் இல்லை
அது ஒரணு ஜீவனைஉன்னத மனிதனாக்கியது
மரம் தாவிய மந்தியைமானுட பிறவியாக மலர வைத்தது
காலமெனும் மந்திர சக்தி என்பது பரிணாமம்
அது அங்கங்கே சில நஞ்சு கக்கினாலும்
நீண்ட நெடிய பயண ஓட்டத்தில் அழகு ஆறாக ஒடுகிறது
காலமெனும் கப்பலேறி
பிறவியெனும் கடலோடி
நம்பிக்கையே நமது வாழ்வாக நலமுடன் வாழ்வோம்

Sakthivel Balasubramanian