சிதம்பரத்தில் தேர் தரிசன விழா

பொதுவாக கோயில்களில் உற்சவர்களை சுமக்க கோயில்
ஆட்களே நியமிக்கப்படுவர்
(ஸ்ரீபாதம் என்று அழைப்பர்) ஆனால் சிதம்பரத்தில் தேர்
தரிசன விழாவின்போது மூலவரான நடராஜரின் மஞ்சத்தை
யார் வேண்டுமானாலும் சுமக்கலாம்.
–
இங்கே எந்த ஜாதி வேறுபாடும் இல்லை, உயந்த ஜாதி தாழ்ந்த
ஜாதி இவர் தூக்கலாம் இவர் தூக்க கூடாது என்று எதுவும் இல்லை.
அதற்கு தேவையான தகுதி நடராஜரின் மீது பற்றும் மேல் சட்டை
அணியாமல் இடுப்பில் வேட்டியும் அணிந்திருக்க வேண்டும்.
–

அதே போன்று தேர் அன்று மதியம் கஞ்சி தொட்டி என்ற இடத்தில்
தேரை நிப்பாட்டி பின் மாலை மீனவ சமுதாயத்திடமிருந்து சீர்
வரிசை வந்து பூஜை செய்த பிறகே தேர் அவ்விடத்தை விட்டு
புறப்படும்.
–
நடராஜர் கோயிலில் ஜாதி வேறுபாடு இல்லை என்பதற்கு
இதெல்லாம் உதாரணம்.

பார்வதி தேவி மீனவ சமுதாயத்தில் பிறந்து
பின் சிவபெருமான் அவரை திருமணம் செய்து கொண்டார் என்று நாம்
அறிவோம் அதன் காரணமாகவே இன்றும் தாய் வீட்டு சீதனமாக
ஒவ்வொரு தேர் திருவிழாவின் போதும் அவர்கள் சார்பாக சீர் அளிப்பது
வழக்கமாக உள்ளது.
–
இதற்கு செம்படவர் மண்டகப்படி என்று பெயர். மீனவர்கள் எடுத்துவரும்
மண்டகப்படி எனும் மரியாதைகளை நடராஜர் ஏற்று பிறகு தேர் மறுபடி
கிளம்பி செல்லும். ஜூலை 3(நாளை) மாலை 4 மணிக்கு இந்த
மண்டகப்படி முறையை காணலாம்.

இது சம்பந்தமாக ஒரு நிகழ்வை
பலர் கூறவர். ஒரு முறை மண்டகப்படி செலுத்தும் மீனவ குடும்பத்தினர்
வீட்டில் ஒருவர் இறந்த விட்ட காரணத்தினால் சீர் செய்யவில்லை
அதனால் மண்டகப்படி செய்யாமலே தேரை கஞ்சி தொட்டி முனையிலிருந்து
திருப்ப முயற்சித்துள்ளனர்.
–
எவ்வளவோ முயன்றும் தேரை திருப்ப முடியாமல் போனதாகவும்
அதன் பின் சம்பிரதாயமாக சீர் செய்த பிறகே தேர் கிளம்பி சென்றதாகவும்
கூறுவர். அதனால் இன்று வரை எக்காரணம் கொண்டும் மீனவ சமுதாயத்தில்
இருந்து பெறப்படும் சீரை நிறுத்துவது கிடையாது.

26 டிசம்பர் 2004 அன்று
மார்கழி ஆருத்ரா தேர் உற்சவம், அன்று காலை நடராஜ பெருமான் தேர்
புறப்பாட்டை காண சிதம்பரத்தை சுற்றி உள்ள மீனவர்கள் பலர் தங்கள்
குடும்பத்துடன் கோயிலில் இருந்த காரணத்தினால் ஆழிப்பேரலையில்
இருந்து தப்பித்த நிகழ்வும் உண்டு.
–
—————————
வாட்ஸ் அப் பகிர்வு

-