நயன்தாரா, அனுஷ்காவுடன் நான் ஜோடி சேரக்கூடாதா?

பவர்ஸ்டார் திகில் பேட்டி

அவரை நீங்கள் கிண்டலடிக்கலாம். காரசாரமாக விமர்சிக்கலாம்.
எப்படியிருந்த தமிழ் சினிமா இப்படி ஆகிவிட்டதே என்று நொந்து
கொள்ளலாம்.ஆனால்-கோலிவுட்டின் தவிர்க்க முடியாத
ஆளுமையாக உருவெடுத்து விட்டார் பவர்ஸ்டார் சீனிவாசன்.

இளம் இயக்குநர்கள் சீன் யோசிக்கும்போதே, ‘இந்த கேரக்டர் பவர்
ஸ்டாருக்கு’ என்று முடிவெடுத்துவிட்டுத்தான் யோசிக்கிறார்கள்.

‘கச்சேரி ஆரம்பம்’ இயக்குநர் திரைவண்ணனின் இயக்கத்தில்
‘அட்ரா மச்சான் விசிலு’ படத்தில் மீண்டும் ஹீரோவாக கூத்து
கட்டுகிறார். “அண்ணே ஒரு பேட்டி…” என்றதுமே ஆரவாரமாக
அவருடைய டிரேட்மார்க் சிரிப்பு ஒன்றை உதிர்த்துவிட்டு,
“ஓ… யெஸ்” என்று தயாரானார்.“படம் எப்படி வந்திருக்கு?”

“மொதல்லேயே சொல்லிடறேன். இந்தப் படத்தோட ஹீரோ நான்
கிடையாது. தம்பி சிவாதான் ரியல் ஹீரோ. ஆனா, படத்துக்குள்ள
நான் ஹீரோ. இருந்தாலும் டைரக்டர் பெரிய மனசு பண்ணி எங்க
ரெண்டு பேருக்கும் ஃபிப்டி – ஃபிப்டி சீன்ஸ் வெச்சிருக்காரு. சிவா,
என்னோட தீவிர ரசிகரா நடிச்சிருக்காரு.

-
அவருக்கும், எனக்கும் எப்பவுமே கெமிஸ்ட்ரி பக்காவா ஒர்க்கவுட்
ஆகும். இதில் கொஞ்சம் ஓவர்டோஸாவே ஒர்க்கவுட் ஆகியிருக்கு.
‘பவர்ஸ்டார் பிறந்தநாளை தேசியநாளாக அறிவிக்கணும்’ என்கிற
வேண்டுகோளை இந்தப் படம் மூலமா மத்திய அரசுக்கு முன்
வைக்கிறார் சிவா. எனக்காக வாய்ஸ் கொடுத்த அவருக்கு ஸ்பெஷல்
நன்றி. எங்க கெத்துக்கு ஏத்த மாதிரி பிரும்மாண்டமா செலவு பண்ணி
படத்தை தயாரிச்சிருக்காங்க அரசு பிலிம்ஸ்.”

“அப்படியென்ன பிரும்மாண்டம்?”
-
“முதல் காட்சியே அவ்வளவு ஆடம்பரமா இருக்கும். ‘தலைவன்
பொறந்தநாளு, தரையிலே காலு, நீ ஆட்டாதடா வாலு, நான்
தொட்டதெல்லாம் தூளு’ன்னு செம்ம பஞ்ச் பாட்டு. என்னோட அறுபதடி
கட்டவுட்டு, அதுக்கு பால் அபிஷேகம்னு செஞ்சிருக்கிற செலவுக்கு ஒரு
லோபட்ஜெட் படமே எடுத்துடலாம். அதுபோல எனக்கு பாட்டு இதுவரை
அமைஞ்சதில்லை.

இனி அமையப் போறதும் இல்லை. பிற்காலத்துலே நம்ம இயக்கத்தோட
கொள்கைப்பாடலா அதை வெச்சுக்கலாம்னு முடிவு பண்ணியிருக்கேன்.
சும்மா ஜிவ்வுன்னு இருக்கு. டெய்லி அந்த பாட்டை நாலு வாட்டியாவது
கேட்குறேன். அதை கேட்டுதான் பவருக்கு இப்போ எக்ஸ்ட்ரா பவர்
கிடைக்க ஆரம்பிச்சிருக்கு.”

“உங்களுக்கு என்ன சார் கேரக்டர்?”
-
“ரியல் லைஃப் கேரக்டர்தான். சூப்பர் ஸ்டாரா நடிக்கிறேன்.
கோடம்பாக்கத்துக்கு வருகிற எல்லாருக்குமே சூப்பர் ஸ்டார்
ஆகணுங்கிறதுதான் ஆசை. அந்த வாய்ப்பு எல்லாருக்கும் அமைஞ்சிடாது.
எனக்கு அமைஞ்சிருக்கு.

‘லத்திகா’வுக்கு அப்புறம் ஹாலிவுட்டுக்கு போயிருக்க வேண்டியவன்
நான். ஆனா சில தீயசக்திகளால் திகார் ரேஞ்சு லொக்கேஷன்களுக்கு
போயிட்டு வர வேண்டிய நிலைமை ஏற்பட்டுடிச்சி. அதனால என்ன?
மக்கள் மத்தியில் எனக்கு ஏற்பட்டிருக்கிற செல்வாக்கை எந்த
சக்தியாலும் சீர்குலைக்க முடியாது.

-
வெளியே வந்தப்புறம் மறுபடியும் முதலில் இருந்து ஆரம்பிச்சேன். தம்பி ச
ந்தானம் சரியான நேரத்தில் கைகொடுத்தார். மறுபடியும் சூப்பர் ஸ்டாரா
ஆயிட்டேன். இப்போ திரைவண்ணன் அந்த இமேஜை இன்னும் பூஸ்ட்
பண்ணுற மாதிரி எனக்காக ஸ்பெஷலா ‘அட்ரா மச்சான் விசிலு’
ஸ்க்ரிப்டை ரெடி பண்ணிட்டு வந்தார். ஷூட்டிங்கிலே என்னோட மொத்த
திறமையை இறக்கி வெச்சாலும், அதுலே அவருக்கு வேண்டியதை மட்டும்
பக்காவா எடுத்துக்கிறார். இந்தப் படம் வெளியே வந்ததும் என்னோட
ரசிகர்களுக்கு திரையரங்கில் தினம் தினம் திருவிழாதான்.”
“சிவா?”

“திரையுலகில் அவருக்கு டஃப் காம்பெடிஷன் கொடுக்கிற யூத் ஹீரோவா
நான் இருந்தாலும், ஈகோ பார்க்காமல் ஒத்துக்கிட்டு நடிச்சிருக்காரு.
‘கண்ணா லட்டு தின்ன ஆசையா’வில் சந்தானம் & கோ-வோடு நடிச்சப்போ எ
ன்னோட காலேஜ் டேஸ் நினைவுக்கு வந்தது. அதே ஃபீல்தான் இப்பவும்
சிவாவோடு கிடைக்குது.

படத்திலே மட்டுமில்லை. நேரிலும் அவர் என்னை அசராம கலாய்ப்பாரு.
நானும் டக்கு டக்குன்னு கவுன்டர் கொடுப்பேன். எங்க ரெண்டு பேராலே
ஷூட்டிங் ஸ்பாட்டே சும்மா அதிரும். இந்தப் படத்தோட மெயின் கேரக்டர்
நானா இருந்தாலும், அவர்தான் ஹீரோ. நான் வழக்கம்போல காமெடிபீஸ்தான்.”

“நிறைய டேக் வாங்குறீங்கன்னு ஒரு பேச்சு நிலவுதே?”
“மை காட். இது என் வளர்ச்சியிலே பொறாமை பிடிச்சவங்க கிளப்பிவிடற
வதந்தி. நானெல்லாம் சிங்கிள் டேக் ஆர்ட்டிஸ்ட். பக்கம் பக்கமா டயலாக்
கொடுத்தாலும் ஒரே டேக்கில் ஓக்கே வாங்கிடுவேன். என்னடா இது பவர்
பேச்சு ஓவரா இருக்கேன்னு நினைக்காதீங்க. தம்பி, எனக்கு தன்னம்பிக்கை
எக்கச்சக்கம்.”

அண்ணே, அப்படியே தலையெல்லாம் சுத்தி மயக்கமா வருது. இந்த மாதிரி
டயலாக் எழுதறதுக்கு தனி டீம் வெச்சிருக்கீங்களா?”“எழுதறவங்க நம்ம மேலே
இருக்கிற அன்பாலே அப்படி இப்படி இமேஜ் பில்டப் பண்ணுறாங்க.
தனி டீம் வெச்சிக்கிற லெவலுக்கு இன்னும் வளரலை. கூடிய சீக்கிரம் தமிழின்
சிறந்த படைப்பாளிகளை திரட்டி அப்படியொரு டீம் அமைப்பேன்.”
–
“அடுத்த அதிரடி?”

“இந்தப் படத்தோட தயாரிப்பாளர் கோபி தயாரிக்கிற அடுத்த படத்திலும்
ஐ ஆம் த ஹீரோ. அதுலே ஹீரோயின் நிச்சயம்னு கேரண்டி கொடுத்திருக்கறதாலே
மொத்தமா கால்ஷீட் கொடுத்துட்டேன்.

அனுஷ்கா, நயன்தாரா, திரிஷான்னு என் அழகுக்கு ஒத்துவர ஹீரோயின்களிடம்
பேசிக்கிட்டிருக்காங்க. அவங்க ஒத்துக்கலைன்னா குறைந்தபட்சம் அவங்க
ஜாடையிலே யாராவது புதுமுகங்களையாவது தேடிப்புடிச்சி போடுங்கன்னு
கேட்டிருக்கேன். பார்ப்போம், நம்மோட கன்னிராசி எப்படி வேலை செய்யப்
போவுதுன்னு…”
–
“மறுபடியும் சொந்தப் படம் எடுப்பீங்களா?”

“இப்போ ஆக்டிங்கிலே ஃபுல் கான்சன்ட்ரேசன் பண்ணுறதாலே தயாரிப்பு
பத்தியெல்லாம் யோசிக்கலை. அப்படி தயாரிக்கிறதா இருந்தா தமிழ் சினிமாவின்
மகத்தான வெற்றிப்படமான ‘லத்திகா’வின் இரண்டாம் பாகத்தைத்தான்
எடுப்பேன்.”
–
————————————————-

– சுரேஷ் ராஜா
வண்ணத்திரை