பெங்களூருவில் சர்வதேச விமான கண்காட்சி இன்று துவக்கம்

பெங்களூரு: --
பெங்களூருவில் இன்று(பிப்.,14) சர்வதேச விமான கண்காட்சி துவங்குகிறது. இக்கண்காட்சியில் 51 நாடுகளைச் சேர்ந்த அதிநவீன போர் விமானங்கள் இடம்பெறுகின்றன.

சார்பில் பெங்களூருவில் 2 ஆண்டுகளுக்கு ஒருமுறை சர்வதேச விமான கண்காட்சி நடத்தப்படும். இந்நிலையில் 'ஏரோ இந்தியா 2017' பெங்களூருவில் உள்ள எலஹங்கா விமானப்படை தளத்தில் இன்று(பிப்.,14) துவங்கி வரும் 18-ம்(பிப்.,18) தேதி வரை நடைபெற உள்ளது. இதனை மத்திய பாதுகாப்புத் துறை அமைச்சர் மனோகர் பாரிக்கர் துவக்கி வைக்கிறார். கர்நாடக முதல்வர் சித்தராமையா தலைமையேற்கிறார்.

இக்கண்காட்சியில் அமெரிக்கா, ஐரோப்பா, ரஷ்யா, பிரான்ஸ், இஸ்ரேல், ஜெர்மனி, பெல்ஜியம் உட்பட 51 நாடுகளின் அதிநவீன போர் விமானங்கள் இடம்பெறவுள்ளது. இந்திய விமானப் படையின் முக்கிய போர் விமானங்களும் காட்சிக்காக வைக்கப்படவுள்ளன. விமானப் படையின் சாகச நிகழ்ச்சியும் நடைபெறுகிறது.
-
தினமலர்