இருக்கை ஒதுக்குவதில் ஏற்பட்ட தகராறில், ஓடும் ரயிலில் இருந்து ஒரு பயணியை கீழே தள்ளிவிட்டார் டிக்கெட்

இருக்கை ஒதுக்குவதில் ஏற்பட்ட தகராறில்,
ஓடும் ரயிலில் இருந்து ஒரு பயணியை கீழே தள்ளிவிட்டார்
டிக்கெட் பரிசோதகர்.

இதுகுறித்து கடப்பா ரயில்வே போலீஸார் வழக்கு பதிவு
செய்து விசாரணை மேற்கொண்டு வருகின்றனர்.

திருப்பதி-கோலாப்பூர் இடையே செல்லும் ஹரிப் பிரியா
எக்ஸ்பிரஸ் ரயில் நேற்று காலை திருப்பதி யிலிருந்து
புறப்பட்டது. அப்போது இருக்கை ஒதுக்குவது தொடர்பாக
திருப்பதியைச் சேர்ந்த கிரி பிரசாத் என்பவருக்கும்,
டிக்கெட் பரிசோதகருக்கும் தகராறு ஏற்பட்டுள்ளது.

இருவரையும் பயணிகள் சமாதானப்படுத்தி உள்ளனர்.
எனினும், வழிநெடுகிலும் இவர்களுக்கிடையே வாய்த்
தகராறு இருந்துள்ளது.

இந்நிலையில், கடப்பா மாவட்டம், ஓபுலாபுரம் எனும் இடத்தில்
ரயில் வேகமாக சென்றுகொண்டிருந்தது. அப்போது
ஆத்திரமடைந்த டிக்கெட் பரிசோதகர், பயணி கிரி பிரசாத்திடம்
மீண்டும் வந்து தகராறில் ஈடுபட்டுள்ளார்.

பதிலுக்கு அவரும் பதில் கூறியுள்ளார். ஒரு கட்டத்தில்
ஆத்திரமடைந்த டிக்கெட் பரிசோதகர் கிரி பிரசாத்தை திடீரென
கீழே தள்ளிவிட்டார்.

உடனடியாக ரயில் நிறுத்தப்பட்டது. பின்னர் கீழே விழுந்த
கிரி பிரசாத்தை மீட்டு தாடிப்பத்திரி அரசு மருத்துவமனையில்
சேர்த்தனர். அங்கு அவருக்கு தீவிர சிகிச்சை அளிக்கப்பட்டு
வருகிறது.

இதுகுறித்து கடப்பா ரயில்வே போலீஸார் வழக்கு பதிவு செய்து
விசாரணை மேற்கொண்டு வருகின்றனர்.
-
----------------------------
தி இந்து