கடத்தல்காரர்களிடமிருந்து மாணவனை மீட்ட துப்பாக்கி பெண்

-

-
புதுடில்லி:

டில்லியில் கடத்தல்காரர்களை துப்பாக்கியால் சுட்டு
மாணவனை மீட்டுள்ளார் ஒரு பெண். டில்லி
பல்கலைக்கழக மாணவர் ஆசிப். 21 வயதான இவரை
முகமது ரபி, ஆகாஷ் ஆகியோர் காரில் கடத்தி சென்றனர்.

போனில் மிரட்டல்

ரூ.25 ஆயிரம் பணம் கொடுத்தால் தான் ஆசிப்பை உயிரோடு
விடுவோம் என்று கடத்தல்காரர்கள் மாணவனின் பெற்றோருக்கு
போன் செய்து மிரட்டி உள்ளனர். இந்நிலையில், அவர்கள்
போலீஸ் கட்டுப்பாட்டு அறைக்கு கடத்தல் குறித்து தகவல்
கொடுத்தனர்.

போலீசாரும் கடத்தல் காரர்கள் சொன்ன பஜ்ரங்புரா என்ற
இடத்துக்கு பணத்தை கொண்டு செல்லுமாறும், தாங்கள் பின்
தொடர்ந்து வருவதாகவும் கூறினர்.

இதை தொடர்ந்து ஆசிப்பின் சகோதரர் பலக் ஆலமும், அவரது
மனைவி ஆயிஷாவும் பணத்துடன் சென்றனர். அத்துடன்
ஆயிஷா பிஸ்டல் வகை துப்பாக்கி ஒன்றை மறைத்து எடுத்துச்
சென்றார்.

இந்நிலையில் திடீரென ஆயிஷா தன் கையில் இருந்த
துப்பாக்கியால் கடத்தல்காரர்கள் இருவரையும் சரமாரியாக
சுட்டார்.இதில் ஒருவனுக்கு இடுப்பு பகுதியிலும் மற்றொருவனுக்கு
தலையிலும் காயம் ஏற்பட்டது.

கடத்தல்காரர்களை சுட்டு மாணவனை ஆயிஷா மீட்டார்.குண்டு
காயம் அடைந்த கடத்தல்காரர்கள் அங்கிருந்து தப்பி ஓட
முடியவில்லை. பின்னால் வந்த போலீசார் அவர்களை பிடித்தனர்.

துப்பாக்கி பயிற்சியாளர்

ஆயிஷா தேசிய அளவிலான துப்பாக்கி சுடும் போட்டியில்
பங்கேற்றவர். தற்போது பயிற்சியாளராகவும் இருக்கிறார்.
அவர் துணிச்சலாக செயல்பட்டு தனது உறவினரை
கடத்தல்காரர்களிடம் இருந்து மீட்டு உள்ளார்.

இது தொடர்பாக போலீஸ் இணை கமிஷனர் ரவிந்திர யாதவ்
கூறும் போது இது தொடர்பாக விசாரணை நடக்கிறது.
தற்காப்புக்காகவும், ஆசிப் உயிரை காப்பாற்றவும் துப்பாக்கியால்
சுட்டுள்ளார். அவர் தைரியமாக செயல்பட்டு தனது உறவினரை
மீட்டுள்ளார் என்றார்.
-
---------------------------------
தினமலர்