மகாவீர் நிர்வாண் நாள்; இறைச்சி விற்பனை கூடாது: சென்னை மாநகராட்சி உத்தரவு

-

சென்னை மாநகராட்சி ஆணையர் இன்று(17/10/17) வெளியிட்டுள்ள
அறிக்கை வருமாறு:

”மகாவீர் நிர்வாண் நாளை முன்னிட்டு, வருகின்ற அக்டோபர்19
(வியாழக்கிழமை) அன்று அரசு உத்தரவின்படி சென்னை
மாநகராட்சி, பொதுசுகாதாரத்துறை (கால்நடை மருத்துவப்பிரிவு)
கட்டுப்பாட்டில் இயங்கும் அனைத்து இறைச்சிக்கூடங்களும்
மூடப்படுகின்றன.

இதேபோல் ஆடு, மாடு, இதர இறைச்சி விற்பனை, பல்பொருள்
அங்காடிகள் மற்றும் வணிக வளாகங்களில் பதப்படுத்திய
இறைச்சி விற்பனை ஆகியவை தடை செய்யப்பட்டுள்ளன.

எனவே, அரசு உத்தரவின்படி 19.10.2017 (வியாழக்கிழமை) அன்று
அனைத்து இறைச்சிக்கூடங்கள், பல்பொருள் அங்காடிகள் மற்றும்
வணிக வளாகங்களில் பதப்படுத்திய இறைச்சிகளை கண்டிப்பாக
விற்பனை செய்ய வேண்டாம் என அறிவுறுத்தப்படுகிறது.

அரசு உத்தரவினை செயல்படுத்த வியாபாரிகள் அனைவரும்
முழு ஒத்துழைப்பு வழங்க வேண்டும்”. என சென்னை
மாநகராட்சி ஆணையர் கார்த்திகேயன், தெரிவித்துள்ளார்.
-
--------------------------
தி இந்து