இந்து மன்னர்களிடம் இருந்து திருடிய நிலத்தில்தான் தாஜ்மகால் அமைந்துள்ளது: சுப்பிரமணியன் சுவாமி

புதுடெல்லி:
இந்து மன்னர்களிடம் இருந்து திருடிய நிலத்தில்தான் தாஜ்மகால்
அமைந்துள்ளதாகவும், இதற்கான ஆதாரத்தை விரைவில் தாம்
ஊடகங்களுக்கு வழங்கவுள்ளதாகவும் பாரதிய ஜனதாவின்
மூத்த தலைவர் சுப்பிரமணியன் சுவாமி கூறியுள்ளார்.

பத்திரிக்கை ஒன்றுக்கு பேட்டியளித்த அவர், முகலாய மன்னர்
ஷாஜகான், ஜெய்ப்பூர் ராஜாக்களிடம் வலுக்கட்டாயமாக
தாஜ்மகால் இருந்த இடத்தினை வாங்கியுள்ளார். அதற்கு ஈடாக
40 கிராமங்களை வழங்கியுள்ளார்.
ஆனால் தாஜ்மகால் நிலத்துக்கு இணையான மதிப்பு இது அல்ல
என்று கூறியுள்ளார்.

இது தொடர்பான ஆவணங்கள் தம்மிடம் உள்ளதாக கூறியுள்ள
சுப்பிரமணியன் சுவாமி, அவற்றை விரைவில் ஊடகங்களுக்கு
வழங்கவுள்ளதாகவும் கூறியுள்ளார்.

மேலும், தாஜ்மகால் அமைந்துள்ள இடத்தில் கோவில் இருந்துள்ளது.
அது இடிக்கப்பட்டு தாஜ்மகால் கட்டப்பட்டதா என தெரியவில்லை.
முஸ்லீம்கள் ஆட்சியின்போது ஆயிரக்கணக்கான கோவில்கள்
இடிக்கப்பட்டன. அதற்காக, தாஜ்மகாலை இடிக்கவேண்டும் என
கூறவில்லை.

அதேநேரத்தில், அயோத்தி, காசி, மதுராவில் கோவில்களை கட்ட
வேண்டும் என்றுதான் கூறுகிறோம் என சுப்பிரமணியன் சுவாமி
கூறியுள்ளார்.
-
---------------------------
தினகரன்