பெற்றோர்கள் மற்றும் அரசு கவனத்திற்கு

ஒரு நாள் மாலை கல்லூரி முடித்து
விட்டு அரசு மாணவர்கள் சிறப்பு பேருந்தில் வீட்டிற்க்கு வந்து கொண்டிருந்த
போது நடந்த சம்பவம்.சில மாணவர்கள் செய்யும் தகாத செயல்களை கண்டு
வருந்தினேன். பள்ளியில் படிக்கும் 8 முதல் 12 ஆம் வகுப்பு மாணவிகள்,
மாணவர்களுக்கு போட்டி போட்டு கொண்டு டிக்கெட் எடுப்பதும், சிரித்து அரட்டை
அடிப்பதும், பின் மாணவர்கள், மாணவிகள் கையைப் பிடித்து இழுப்பதும்
பக்கத்தில் உட்கார வைத்து சிலுமிழம் செய்வதும் பார்க்க முடியவில்லை.அதிலும்
சில மாணவர்கள் மது அருந்தி கொண்டு வந்து இருந்தினர்.இதனை கண்டு கொள்ளாமல்
இருக்க மனம் வரவில்லை.எனவே பெற்றோர்கள் பிள்ளைகளை கண்டிகுமாறு கேட்டு
கொள்கிறேன்.மற்றும் அரசே, இதுவே பொது மக்கள் பேருந்து என்றாலும் ,
ஆசிரியர்களை அனுமதித்தாலும் அவர்களுக்குள் ஒரு பயம் இருக்கும்.விசாரிக்க
விரும்பினால் ஓர் நாள் அரசு பேருந்தில் வந்து பாருங்கள்.டிக்கெட் விலை 1
ரூபாய் என்பதால் கூடுதல் அலட்சியம்.நல்ல எண்ணங்களை மனதில் கொண்டு அரசு
இப்படி சலுகைகளை வழங்குகிறது. இதனை தவறான வழியில் பயன்படுத்தினால் கெடுதல்
நம் நாட்டிற்கும் வீட்டிற்க்குமே!.



மாணவர்கள் சமுதாயம் எங்கே போகிறது.....

வேதனையான விசயம்தான் என்பதில் மாற்று கருத்து இல்லை .
தொழில் நுட்ப வளர்ச்சியாலும் நாகரிக (?) மாற்றத்தாலும் இது போன்ற அநாகரிக செயல்கள் இனி மேலும் அதிகரிக்குமே தவிர குறைய வாய்ப்பில்லை என்பது என் கருத்து.

இன்றைய காலகட்டத்தில் தேவையான பதிவு

இதை நாம் அலட்சியப்படுத்தாமல் மனித உரிமைகள் கமிஷனில் புகார் செய்தோமேயானல் நிச்சயம் நல்லது நடக்கக் கூடும்

ரொம்ப சரியா சொன்னீர்கள் சகோதரி... நான் தினமும் மெரினா பீச்சில் 25G பிடித்து லிபர்டியில் உள்ள அலுவலகம் செல்வது வழக்கம்.

பஸ் ஐஸ்அவுஸ் சென்றதும் ஒரு பத்து பதினைந்து காலஜ் பசங்க ஏறுவாங்க அதற்க்கு அப்புறம் அவங்க வைத்ததுதான் சட்டம், பெண்களை கிண்டல் கேலி செய்து பாட்டு பாடி பேருந்தையும் அடித்து தாளம் போடுவார்கள். தாங்க முடியாது. சிலர் அழுததை கூட பார்த்துள்ளேன். யாரும் எதிர்த்து பேசமுடியாமல் இது தினம் தினம் நடக்கும் கூத்து. பின்னர் காவல்துறை தலையீட்டு இந்த விஷயத்தை கொஞ்சம் அடக்கி இருந்தார்கள்.

நாடு இன்னும் முழு சுதந்திரம் அடையவில்லை என தோன்றும்.

உண்மை சகோதரி. பள்ளி பேருந்துகளிலும், வகுப்புகளிலும் இதே கூத்துதான். வேதனையாக உள்ளது.