குதிகால் வாதம் தீர, கட்டிகள் உடைய,இருமல் குணமாக,மார்புக்கோழை தீர,காய்ச்சல் குணமாக,காய்ச்சல் குணமாக

எருக்கு (Calotropis gigantea)

எருக்கின் பழுப்பிலைகளை அனலில் வாட்டிச் சாறு பிழிந்து அதனுடன் சிறிது சுண்ணாம்பும் தேனும் கலந்து குழைத்து விடக்கடிகளின் கடிவாயில் தடவிவர ஆரம்ப நிலையிலுள்ள விடம் இறங்கும்; கட்டிகளின் மீது பூசிவரக் கட்டிகள் உடையும்; எருக்கின் பழுப்பிலையைச் சுட்ட செங்கல்லின் மீது வைத்து அதன்மீது குதிகாலைச் சூடு பொறுக்குமளவு வைக்கக் குதிகால்வாதம் (Calcaneous spur) தீரும்.


தூதுவேளை (Solanum trilobatum)

தூதுவேளையின் இலைகளை எண்ணெயில் காய்ச்சி வடித்துக் கொண்டு அதில் 10 சொட்டுகள் தினம் இருவேளை குடித்து வர இருமல் குணமாகும், பசி உண்டாகும்.


கரிசாலை (Eclipta alba)

கரிசாலை இலைகளை நன்கு கழுவி நல்லெண்ணெயில் இட்டுக்காய்ச்சி வைத்துக் கொள்ளவும். ஓரிரு துளிப் பாலில் கலந்து நாளும் இருவேளை பருகி வர மார்பில் கட்டிய கோழை இளகி வெளிப்படும்.


நில வேம்பு (Andrographis paniculata)

நில வேம்பின் சமூலத்தைக் குடிநீர் செய்து காலை, மாலை 30 மி.லி வீதம் கொடுத்து வரக் காய்ச்சல் (சுரம்) குணமாகும்.


தவசு முருங்கை (Moringia olifera)


தவசு முருங்கை இலைச் சாற்றைத் தேங்காய் எண்ணெய்யுடன் கொதிக்க வைத்துக்கொள்ளவும். இதில் ஐந்து முதல் பத்து சொட்டு கொடுக்க குழந்தையின் சளி நீங்கும். (தமிழக அரசு வெளியிட்ட 'இந்திய மருத்துவ முறைகள்' என்னும் நூலிலிருந்து)