கணவன் - மனைவி ஒற்றுமைக்கு வழிகள்

by முழுமுதலோன் Mon Feb 18, 2013 6:16 pm

கணவன் - மனைவி ஒற்றுமைக்கு வழிகள்

ஆண்களின் அன்றாட வேலைகளும், அவர்கள் சந்திக்கும் பிரச்சினைகளும் அவர்கள் மனைவியிடம் அன்பு செலுத்துவதற்கு எதிரியாக அமைகின்றன. அன்றாட வேலைகளிலும், பிரச்சினைகளிலும் தங்களிடம் இருக்கும் சக்தியையும், உற்சாகத்தையும் இழந்துவிடும் ஆண்கள், வீட்டிற்கு வரும்போது தனிமை, ஓய்வு இந்த இரண்டையும்தான் விரும்புகிறார்கள். அப்போது மனைவியிடம் இருந்து விலகுகிறார்கள். மனைவியோ தன்மீது கணவருக்கு இருந்த காதல் தீர்ந்துபோய்விட்டதோ என்று வருந்துகிறார். அப்படி வருந்தாமல் வாழ, கடைபிடிக்கவேண்டிய சில வழிமுறைகள்:

* களைப்பாக இருக்கும்போதோ, உணவு உண்ணும்போதோ பிரச்சினைக்குரிய விஷயங்களை ஆரம்பிக்காதீர்கள். அது மோதலில் முடியும்.

* திருமணமான புதிதில் இருந்த அதே அன்பை எதிர்பார்க்கும் நீங்கள் அப்போது நீங்கள் இருந்த நிலையையும் சற்று நினைவுபடுத்திப் பாருங்கள். கணவர் அது போன்ற அன்பை காட்டவேண்டும் என்று விரும்பும் நீங்கள், அதே போன்ற அன்பை செலுத்தமுதலில் தயாராகுங்கள்.

* சாப்பிட உட்காரும் போது அருகிலிருந்து பரிமாறுங்கள். அது ஒரு அன்பிற்குரிய செயல். அவர்மீது தனிப்பட்ட முறையில் நீங்கள் எடுத்துக்கொள்ளும் அக்கறையும் அதில் தெரியும்.

* புதிதாக அணியும் உடைகளை பார்த்து பாராட்டுங்கள்.

* எப்போதாவது கொடுத்த வாக்கை அவர் நிறைவேற்றாவிட்டால், உங்கள் ஏமாற்றத்தை கடுமையாக வெளிப்படுத்தாதீர்கள். அந்த நேரத்தில் நீங்கள் கையாளும் அமைதி மூலம் அவரது தவறை அவரே உணர்ந்து விடுவார்.

* பிறந்த நாள், திருமணநாள் மற்றும் முக்கிய தருணங்களை நினைவில் வைத்துக் கொண்டு உங்களால் முடிந்த ஏதேனும் ஒரு பரிசை வாழ்த்துகளுடன் அவருக்கு கொடுங்கள். அது உங்கள் அன்பை பலப்படுத்தும் செயல்.

நன்றி….WWW.மாலைமலர்.COM