அதிமுக - புதிய தமிழகம் கூட்டணி உறுதியானது

by Guest Tue Jul 20, 2010 9:08 am

அதிமுக - புதிய தமிழகம் கூட்டணி உறுதியானது

அதிமுக - புதிய தமிழகம் கூட்டணி உறுதியானது EmailButton

on 20-07-2010 01:36

அதிமுக - புதிய தமிழகம் கூட்டணி உறுதியானது New

Favoured : None

Published in : செய்திகள், தமிழகம்

புதிய தமிழகம் கட்சித் தலைவர் டாக்டர் க.கிருஷ்ணசாமி, அ.தி.மு.க. பொதுச் செயலாளர் ஜெயலலிதாவை சென்னை போயஸ் தோட்ட இல்லத்தில் திங்கள்கிழமை சந்தித்துப் பேசினார். இந்த சந்திப்பின் மூலம் அடுத்த ஆண்டு நடைபெறவுள்ள தமிழக சட்டப் பேரவைத் தேர்தலில் அ.தி.மு.க. கூட்டணியில் சேர்ந்து புதிய தமிழகம் கட்சி போட்டியிடுவது உறுதியாகியுள்ளது.

அதிமுக - புதிய தமிழகம் கூட்டணி உறுதியானது Krishnasamyjaya

அதிமுக - புதிய தமிழகம் கூட்டணி உறுதியானது Krishnasamyjaya

புதிய தமிழகம் கட்சியின் ஒருங்கிணைப்பாளர் பேராசிரியர் அருண், அமைப்புச் செயலாளர் வி.கே.அய்யர், மாணவர் அணிச் செயலாளர் பாஸ்கர் மற்றும் மாவட்டச் செயலாளர்கள் ராமராஜ், வி.சுப்பிரமணியம், ஐயப்பன் ஆகியோரும் இந்த சந்திப்பின்போது உடனிருந்தனர். இந்த சந்திப்பிற்கு பின்னர் செய்தியாளர்களை சந்தித்த டாக்டர் கிருஷ்ணசாமி சந்திப்பு குறித்து செய்தியாளர்களிடம் கூறியதாவது : அடுத்த ஆண்டு நடைபெறவுள்ள தமிழக சட்டப் பேரவைத் தேர்தலில் அ.தி.மு.க. அணியில் புதிய தமிழகம் கட்சி இணைந்து போட்டியிடுவது குறித்து இந்த சந்திப்பின்போது ஜெயலலிதாவுடன் விவாதித்தோம். எங்களின் கருத்துகளை ஜெயலலிதா ஆர்வத்துடன் கேட்டறிந்தார்.புதிய தமிழகம் கட்சி எத்தனை சட்டப் பேரவைத் தொகுதிகளில் போட்டியிடுவது என்பது உள்பட கூட்டணி தொடர்பான பிற விஷயங்கள் பற்றி பின்னர் நடைபெறும் அடுத்தகட்ட பேச்சுவார்த்தைகளின்போது விரிவாக விவாதிக்கப்படும் என்றார் டாக்டர் கிருஷ்ணசாமி. 2006-ம் ஆண்டு நடைபெற்ற சட்டப் பேரவைத் தேர்தலில் பகுஜன் சமாஜ் கட்சியுடன் சேர்ந்து புதிய தமிழகம் கட்சி தேர்தலைச் சந்தித்தது. 2009-ம் ஆண்டு மக்களவைத் தேர்தலில் மனிதநேய மக்கள் கட்சி, இந்திய தேசிய லீக் ஆகிய கட்சிகளுடன் சேர்ந்து அந்தக் கட்சி போட்டியிட்டது.இந்நிலையில் 2011 சட்டப் பேரவைத் தேர்தலில் அ.தி.மு.க.வுடன் அணி சேர்ந்து போட்டியிடுவது என்று புதிய தமிழகம் கட்சி முடிவு செய்துள்ளது குறிப்பிடத்தக்கது.