சனிக்கோளை பெரிய சமுத்திரத்தில் விட்டால் அது மிதக்கும்.

ஊனக் கண்ணால் பார்க்கக் கூடிய கடைசிக் கோள் சனி (Saturn). சனிக்கோள் வியாழனுக்கும், நெப்டியூனுக்கும் இடையில் சுற்றிக்கொண்டு இருக்கிறது. சனி, ஞாயிறு குடும்பத்தில் ஞாயிறில் இருந்து ஆறாவதாக அமைந்துள்ளது. ஞாயிறு குடும்பத்தில் இது இரண்டாவது பெரிய கோளாகும். வளி அரக்கக்கோள்கள் நான்கில் சனியும் ஒன்றாகும். சனிக்கோள் ஐதரசன் வளிமத்தால் முதன்மையாகவும் ஈலியம் மற்றும் ஒருசில தனிமங்களால் சிறிய அளவிலும் நிரப்பப்பட்டுள்ளது. இது பாறை மற்றும் பனிக்கட்டியாலான சிறிய உள்ளகமும் (core) அதைச் சுற்றி தடிமனான உலோக (மாழை) ஐதரசன் அடுக்கும் அதன் மேலாக வளிம அடுக்கும் கொண்டது. சனிக்கோளை பெரிய சமுத்திரத்தில் விட்டால் அது மிதக்கும். சனியில் காற்றின் வேகம் வியாழனை விடவும் அதிகம், அதாவது 1800 கிமீ/மணி வரையிலும் இருக்கக்கூடும்.


சனிக்கோளின் சிறப்பான வளையங்கள், பெரும்பான்மையாக பனித்துகள்களாலும் பாறைத்துகள்கள் மற்றும் தூசிகளாலும் ஆனவை. சனியின் நன்கறிந்த நிலவுகள் மொத்தம் 61. இதைத்தவிர, சுமார் 200 நிலவுக்குட்டிகள் (moonlets) சனிக்கு உள்ளன. சனிக்கோளின் மிகப்பெரிய நிலவான டைட்டன் (Titan), புதன் கோளை விடவும் பெரியது. சூரிய மண்டலத்திலேயே மிகப்பெரிய நிலவான வியாழனின் நிலவான கானிமீடுக்கு அடுத்தது இந்த டைட்டன். இவற்றை எல்லாம் தெரிந்தும் மூடர்கள் சனி தோசம் என்கிறார்கள். அதற்குப் பயந்து சனிக் கோளுக்கு எள்ளெண்ணை சட்டி எரிக்கிறார்கள். 142.7 கோடி கி.மீட்டர் தொலைவில் உள்ள சனிக் கோளினால் தோசம் என்பது கட்டுக்கதை. உழைக்காமல் வாழும் சோதிடர்களின் புரட்டு என்கின்றனர் அறிஞர்கள்.


நன்றி:http://www.seithy.com/