"நாள்தோறும் நாலடியார்"

by முழுமுதலோன் Fri Apr 19, 2013 5:07 pm

நாலடியார்

கடவுள் வாழ்த்து

வான்இடு வில்லின் வரவறியா வாய்மையால்
கால்நிலம் தோயாக் கடவுளை - யாம்நிலம்
சென்னி யுறவணங்கிச் சேர்தும்எம் உள்ளத்து
முன்னி யவைமுடிக என்று.

வானிலே தோன்றும் வானவில்லின் தோற்றமும் மறைவும் அறிதற்கா¢து; அதுபோலவே, பிறப்பு இறப்பு கியவற்றின் இயல்புகளை அறிதலும் அரிதாம். இ·து உண்மையாதலால், பாதம் பூமியில் படியாத (பூ மேல் நடந்த) அருகக் கடவுளை, 'எமது மனத்திலே நினைத்தவை நிறைவேற வேண்டும்' என்று பக்தியுடன் தரையில் தலை பொருந்துமாறு தாழ்ந்து பணிந்து தொழுவோமாக! (வானவில் இன்னவாறு தோன்றும் என்பதனை யாரும் அறியார். அதுபோலவே வாழ்க்கையில் துன்பங்கள் இன்னவாறு தோன்றும் என்பதனையும் யாராலும் அறிய இயலாது. இந்த உடம்பு எப்போது அழியும் என்பதும் அறிதற்கு அரிது. யின் அழிவு உறுதி. அப்படி அது அழிவதற்குள் நல்ல செயல்கள் கைகூடும்படி கடவுளைத் தொழுவோம் என்பது கருத்து)

by கவியருவி ம. ரமேஷ் Fri Apr 19, 2013 8:47 pm

தொடர் பதிவை எதிர் பார்க்கிறேன்...

by ஸ்ரீராம் Fri Apr 19, 2013 8:49 pm

அருமையான தொடரை தொடக்கி இருக்கறீர்கள் அண்ணா...

by முரளிராஜா Fri Apr 19, 2013 9:22 pm

நல்லதொரு ஆரம்பம் அண்ணா

by ஸ்ரீராம் Fri Apr 19, 2013 11:23 pm

முழுமுதலோன் அண்ணா,

தங்களின் நாலடியார் தமிழ் தொடருக்காக/தொண்டுக்காக அமர்க்கள நிர்வாகம் தனி பகுதியை உருவாக்கி தந்துள்ளது. அந்த பகுதியின் பெயர் நாலடியாரும் அதன் விளக்கமும் ஆகும். இது முகப்பு பக்கத்தில் தமிழ் இலக்கியங்கள் பகுதியில் உள்ளது...

"நாள்தோறும் நாலடியார்" Naladiyaarimg

உங்கள் மேற்கண்ட திரியை அதற்க்கு மாறி விட்டேன்... அதில் உங்கள் திரிகளை எழுதலாம்....

by மகா பிரபு Sat Apr 20, 2013 7:51 am

நல்ல தொடர்.

by முழுமுதலோன் Sat Apr 20, 2013 11:04 am

அறத்துப்பால்

துறவற இயல்

1.செல்வம் நிலையாமை

நூல்

அறுசுவை யுண்டி அமர்ந்தில்லாள் ஊட்ட
மறுசிகை நீக்கியுண் டாரும் - வறிஞராய்ச்
சென்றிரப்பர் ஓரிடத்துக் கூழ்எனின், செல்வம் ஒன்று
உண்டாக வைக்கற்பாற் றன்று. 1

ஆறு வகைச் சுவை உணவை அன்புடன் மனைவி உண்பிக்க, ஒரு கவளமே கொண்டு, மற்றவற்றை நீக்கியுண்ட செல்வர்களும் வறியராகி, வேறோர் இடம் போய், எளிய கூழ் உணவை இரந்து உண்பர். ஆதலால் செல்வம் நிலையானது என்று கருதத்தக்கதன்று.

by முழுமுதலோன் Sun Apr 21, 2013 9:30 am

அறத்துப்பால் {துறவற இயல்}

1.செல்வம் நிலையாமை
பாடல் - 2

துகள்நீர் பெருஞ்செல்வம் தோன்றியக்கால் தொட்டுப்
பகடு நடந்தகூழ் பல்லாரோ டுண்க;
அகடுற யார்மாட்டும் நில்லாது செல்வம்
சகடக்கால் போல வரும்.

குற்றமற்ற அறவழியில் ஈட்டிய பெருஞ்செல்வம் உண்டான காலம் தொடங்கி, எருமைக் கடாக்களைப் பூட்டி உழவு செய்து பெற்ற அப்பொருளைப் பலருடன் சேர்ந்து உண்ணுக! ஏனெனில், செல்வம் யாரிடத்தும் நிலையாக நிற்காமல் வண்டிச் சக்கரம்போல் (மேல்கீழாகவும், கீழ் மேலாகவும்) மாறிவரும்.

by ஸ்ரீராம் Sun Apr 21, 2013 3:41 pm

மிகவும் அற்புதமான தொடர் அண்ணா... தொடர் பகிர்வுக்கு நன்றி

by கவியருவி ம. ரமேஷ் Sun Apr 21, 2013 8:12 pm

தங்களின் நாலடியார் தமிழ் தொடருக்காக/தொண்டுக்காக அமர்க்கள நிர்வாகம் தனி பகுதியை உருவாக்கி தந்துள்ளது. அந்த பகுதியின் பெயர் நாலடியாரும் அதன் விளக்கமும் ஆகும்.

புதிய பகுதியை தொடக்கி கொடுத்தமைக்கு நன்றி

by முழுமுதலோன் Mon Apr 22, 2013 9:48 am

அறத்துப்பால் {துறவற இயல்}

1.செல்வம் நிலையாமை
பாடல் - 3

யானை எருத்தம் பொலியக் குடை நிழற் கீழ்ச்
சேனைத் தலைவராய்ச் சென்றோரும் - ஏனை
வினை உலப்ப வேறாகி வீழ்வர்தாம் கொண்ட
மனையாளை மாற்றார் கொள.

யானையின் பிடா¢யிலே அமர்ந்து எல்லாரும் காணுமாறு குடைநிழலில் படைகளுக்கெல்லாம் தலைவராகச் சென்ற அரசர்களும், தீவினை கெடுப்பதனால், முன்னிருந்த நிலையினின்றும் வேறுபட்டு, தம் மனைவியையும் பகைவர் கவர்ந்துகொண்டு போக, வறுமையில் வீழ்வர். (நல்வினை போய், தீவினை வருமானால் அரசரும் தாழ்வடைவர். எனவே, செல்வம் உள்ளபோதே அறம் செய்க என்பதாம்.)

by ஸ்ரீராம் Mon Apr 22, 2013 9:51 am

அருமை அருமை அற்புததொடர்... பகிர்வுக்கு நன்றி அண்ணா

by கவியருவி ம. ரமேஷ் Mon Apr 22, 2013 9:57 am

தொடரட்டும் ... நன்மை பயக்கும் பதிவு கைதட்டல்

by முழுமுதலோன் Tue Apr 23, 2013 8:02 am

அறத்துப்பால் {துறவற இயல்}

1.செல்வம் நிலையாமை
பாடல் - 4

நின்றன நின்றன நில்லா எனவுணர்ந்து
ஒன்றின ஒன்றின வல்லே செயின்செய்க
சென்றன சென்றன வாழ்நாள் செறுத்துடன்
வந்தது வந்தது கூற்று.

நிற்கும் செல்வம் நிலை இல்லாதது. ஒன்றிய செல்வம் உதவும் செல்வந்தான். எனவே உதவுக. வாழ்நாள் கழிந்துகொண்டே இருக்கிறது. கூற்றுவன் வருமுன் உதவுங்கள்.

by கவியருவி ம. ரமேஷ் Tue Apr 23, 2013 8:16 am

கூற்றுவன் வருமுன் உதவுங்கள்.

ஏழ்மை ஒழியும்... ஒழியட்டும்...

by முழுமுதலோன் Wed Apr 24, 2013 6:48 am

அறத்துப்பால் {துறவற இயல்}

1.செல்வம் நிலையாமை
பாடல் - 5

என்னானும் ஒன்றுதம் கையுறப் பெற்றக்கால்
பின்னாவ தென்று பிடித்திரா - முன்னே
கொடுத்தார் உயப்போவர் கோடில்தீக் கூற்றம்
கொடுத்தாறு செல்லும் சுரம்.

ஏதாகிலும் ஒரு பொருள் தமது கையில் சேரப் பெற்றால், முதுமைக் காலத்தில் பயன்படும் என்று அதனைப் பிடித்து வைத்திராமல் அப்பொருள் அழிவதற்கு முன்பே அறம் செய்தவர்கள் தனது தொழிலில் தவறாத கொடிய எமன், பாசக் கயிற்றால் கட்டியிழுத்துச் செல்லும் பாலை வழியினின்றும், தப்பிச் செல்வர். (அறம் செய்பவர் நரகம் புகார்; துறக்கம் எய்துவர் என்பது கருத்து.)

by முரளிராஜா Wed Apr 24, 2013 8:56 am

எளிமையான விளக்கம் அண்ணா

by கவியருவி ம. ரமேஷ் Wed Apr 24, 2013 2:00 pm

நீளும் பதிவுக்குப் பாராட்டுகள்

by மகா பிரபு Wed Apr 24, 2013 2:33 pm

நல்ல கருத்துக்கள்

by முழுமுதலோன் Thu Apr 25, 2013 7:21 am

அறத்துப்பால் {துறவற இயல்}

1.செல்வம் நிலையாமை
பாடல் - 6

இழைத்தநாள் எல்லை இகவா; பிழைத்தொரீஇக்
கூற்றம் குதித்துய்ந்தார் ஈங்கில்லை; - ஆற்றப்
பெரும்பொருள் வைத்தீர், வழங்குமின் நாளைத்
தழீஇம்தழீஇம் தண்ணம் படும்.

ஆயுட் காலத்தின் எல்லையைக் கடந்து எமனிடமிருந்து தப்பிக் குதித்து ஓடிப் பிழைத்தவர் இல்லை! பெரும் பொருளைச் சேர்த்து வைத்திருப்பவர்களே! அதைப் பிறருக்குக் கொடுத்து உதவுங்கள்! நாளைக்கே (விரைவில்) உங்களது பிணப்பறை 'தழீம் தழீம்' என்னும் ஓசையுடன் எழும்

by கவியருவி ம. ரமேஷ் Thu Apr 25, 2013 7:25 am

! பெரும் பொருளைச் சேர்த்து வைத்திருப்பவர்களே! அதைப் பிறருக்குக் கொடுத்து உதவுங்கள்!

முன்வர வேண்டும்...

by முழுமுதலோன் Fri Apr 26, 2013 7:41 am

அறத்துப்பால் {துறவற இயல்}

1.செல்வம் நிலையாமை
பாடல் - 7

தோற்றம் சால் ஞாயிறு நாழியா, வைகலும்
கூற்றம் அளந்து, நும் நாள் உண்ணும்; ஆற்ற
அறம் செய்து அருளுடையீர் ஆகுமின்; யாரும்
பிறந்தும், பிறவாதாரில்.

எமன், ஒளி மிக்க சூரியனை, 'நாழி' என்னும் அளவு கருவியாகக் கொண்டு, உமது வாழ்நாள்தோறும் அளந்து ஆயுள் இறுதியில் உயிரை உண்ணும்! ஆதலால் மிகுதியாக அறம் செய்து உயிர்களிடத்தில் அருளுடையவராக ஆகுங்கள்! அப்படி காதவர் மக்களாகப் பிறந்தும் பிறவாதவரே !

by கவியருவி ம. ரமேஷ் Fri Apr 26, 2013 7:44 am

மிகுதியாக அறம் செய்து உயிர்களிடத்தில் அருளுடையவராக ஆகுங்கள்!

அறத்தின் வழியே நடப்போம்... பிற உயிர்களுக்கு - மனிதர்களுக்கு அறம் செய்வோம்.

by முழுமுதலோன் Sat Apr 27, 2013 9:04 am

அறத்துப்பால் {துறவற இயல்}

1.செல்வம் நிலையாமை
பாடல் - 8

செல்வர்யாம் என்றுதாம் செல்வுழி எண்ணாத
புல்லறி வாளர் பெருஞ்செல்வம் - எல்லில்
கருங்கொண்மூ வாய்திறந்த மின்னுப்போல் தோன்றி
மருங்கறக் கெட்டு விடும்.

நாம் செல்வம் உடையயோம்!' என்ற கர்வம் கொண்டு மறுமையைப் பற்றி எண்ணாத சிற்றறிவினா¢ன் பெரும் செல்வம், இரவில் கருமையான மேகம் வாய் திறப்பதால் உண்டான மின்னலைப் போலத் தோன்றி, இருந்த இடம் தொ¢யாமல் அழிந்துவிடும்!

by முழுமுதலோன் Sun Apr 28, 2013 6:48 am

அறத்துப்பால் {துறவற இயல்}

1.செல்வம் நிலையாமை
பாடல் - 9

உண்ணான் ஒளிநிறான் ஓங்கு புகழ்செய்யான்
துன்னருங் கேளிர் துயர்களையான் - கொன்னே
வழங்கான் பொருள்காத் திருப்பானேல், அஆ
இழந்தான்என் றெண்ணப் படும்.

ஒருவன் தான் உண்ணாதவனாய், மதிப்பை நிலை நிறுத்தாதவனாய், மிக்க புகழுக்குரிய செயல்களைச் செய்யாதவனாய், நெருங்கிய உறவினா¢ன் துன்பங்களைக் களையாதவனாய், இரப்பார்க்குக் கொடாதவனாய், வீணாகப் பொருளைக் காத்திருப்பானாயின், ஐயகோ! அவன் அந்தப் பொருளை இழந்து விட்டான் என்றே கருதப்படுவான்! (செல்வம் நிலையில்லாதது. ஆதலின் இருக்கும்போதே அதனை நன்கு பயன்படுத்தாவிடின் அந்தப் பொருள் இழந்த பொருளாகக் கருதப்படும்.)

by Sponsored content

"நாள்தோறும் நாலடியார்"