இறைவனுக்கு கூட முதல் மரியாதையை இல்லை பக்தனுக்குதான்

by பித்தன் Sat May 25, 2013 5:30 pm

இந்த கோவிலில் இறைவனுக்கு கூட முதல் மரியாதையை இல்லை பக்தனுக்குதான்

புதுக்கோட்டை மாவட்டம், அறந்தாங்கி அருகே ஆவுடையார் கோவில்(திருப்பெருந்துறை) எனும் ஊரில் உள்ள ஆத்மநாதர் ஆலயமே இத்தனை சிறப்பு உள்ளது.

இங்கு இந்த ஆலயத்தை இறை அருளால் எழுப்பிய மாணிக்க வாசகருக்கே முதல் மரியாதை இங்கு உற்சவ காலத்தில் கூட முதலில் எழுந்து அருளுவது மாணிக்க வாசகரே.

இங்கு பூஜைகள் கூட அப்படித்தான். ஆக உலகில் பக்தனுக்கு பூஜை நடக்கும் ஒரே திருத்தலம் திருப்பெருந்துறை எனும் ஆவுடையார் கோவில் மட்டுமே.

மேலும் சிறப்பு தகவல்கள்:

1. இங்கு இறைவன் லிங்க வடிவில் இல்லை, ஆத்மநாதர் லிங்க வடிவம் இல்லாமல் ஆவுடை மட்டுமே உள்ளதாக அமைந்து உள்ளது.
(இதில் மிகப்பெரிய தத்துவார்த்த சிந்தனை பொதிந்து உள்ளது)

2.1100 ஆண்டுகள் பழமை வாய்ந்த கோயில், வட்டார வழக்கில் பூதங்கள் இந்த கோயில் கட்டும் பணியில் பயன்படுத்தியதாக சொல்லப்பட்டும் அவ்வளவு பெரிய கற்பாறைகள் கொண்டு வடிவமைக்கப்பட்டது.

3. இங்கு உள்ள கோயில் கொடுங்கை சிற்ப வேலைப்பாடு அதி அற்புத மானது. வேறு எங்கும் காண இயலா சிறப்பு வடிவமைப்பு.

4. உருவம் இல்லை
கொடி மரம் இல்லை
பலி பீடம் இல்லை
நந்தி இல்லை

5.இன்னும் சொல்லப்போனால் இங்கு வருகின்ற பக்தர்களுக்கு மற்ற கோயில்களைப் போல தீப ஆராதனையினைத் தொட்டு வணங்க அனுமதிப்பதும் இல்லை. மாணிக்கவாசகர் சோதியிலே கலந்துள்ளார் என்பதாலேயே தீபம் தருவதில்லை.

6. 27 நட்சத்திரங்களுக்கும் வடிவம் தந்து இன்றைய விஞ்ஞானத்தால் ஏற்று கொள்ளப்பட்டு சிறப்பு செய்யப்பட்டது இங்கு தான்.

தமிழ் சிறப்பு:
1.திருவாசகம் இங்குதான் சிறப்பு. தினமும் பலரும் திருவாசகம் முற்றோதல் நிகழ்ச்சி நடந்து கொண்டே தான் இருக்கிறது.

2. மாணிக்கவாசகரின் தமிழ்பணி ஈடு இணை இல்லாதது.

எல்லாவற்றையும் விட இங்கு தெய்வம் கொண்டுள்ள சிறப்பை விட பக்தனுக்கே சிறப்புகள் அதிகம்.

by முரளிராஜா Sat May 25, 2013 5:37 pm

உங்கள் பதிவை படித்தவுடனேயே இங்கு அவசியம் செல்லவேண்டும் என ஆவலாக உள்ளது .

by பித்தன் Sat May 25, 2013 5:48 pm

முரளிராஜா wrote:உங்கள் பதிவை படித்தவுடனேயே இங்கு அவசியம் செல்லவேண்டும் என ஆவலாக உள்ளது .

இப்படித்தான் முதல் முறை தகவல் கேட்ட உடன் பித்தனும் ஆவல் மிகுதியில் வனவாசியை அழைத்து கொண்டு தரிசனம் செய்து, அந்த ஆலயத்தின் அழகை அங்குலம் அங்குலமாக ரசித்து காலத்தின் கட்டாயத்தில் கோயில் விட்டு வெளியேறினோம்.
ஆலயத்தின் வாசலில் உள்ள சிற்பத்தில் துவங்கி ஒவ்வொன்றையும் நின்று ரசித்து செல்ல வேண்டும். வாழ்நாளில் ஒரு முறையாவது தரிசிக்க வேண்டிய திருத்தலம். மேலும் சைவ சித்தாந்த தத்துவ பின் புலன் கொண்டு சிறப்பு கொண்ட திருத்தலம்.

தரிசிக்க வேண்டும் என எண்ணம் வந்ததே அவன் அருளாலே!
இறைவன் வாய்ப்பினை உங்களுக்கு வழங்கட்டும்.