"சூப்பர்-பக்" கிருமி பற்றி பயம் வேண்டாம்: தமிழக விஞ்ஞானி தகவல்

by Guest Sun Aug 15, 2010 8:49 am

இந்தியாவிலிருந்து ஐரோப்பிய நாடுகளுக்குப் பரவியதாகக் கருதப்படும் ஆபத்தான "சூப்பர்-பக்' பாக்டீரியா நோய்க் கிருமி குறித்து கவலைப்படத் தேவையில்லை என்று தமிழக விஞ்ஞானி கே. கார்த்திகேயன் கூறினார்.

சென்னை தரமணியில் உள்ள ஏ.எல்.முதலியார் முதுநிலை அடிப்படை மருத்துவ ஆய்வு மைய ஆய்வு மாணவரும் "சூப்பர்பக்' கிருமி குறித்து பிரிட்டிஷ் விஞ்ஞானி டிமோத்தி வால்ஷுடன் இணைந்து ஆய்வு செய்து முடிவை வெளியிட்டுள்ளவருமான விஞ்ஞானி கார்த்திகேயன் இது தொடர்பாகக் கூறியதாவது:

[size=9]"இந்தியாவிலிருந்து பிரிட்டனுக்கு "சூப்பர்பக்' கிருமி பரவி உள்ளதாகக் கூறும் ஐரோப்பிய விஞ்ஞானிகள், புதிய பாக்டீரியாவுக்கு "நியூடெல்லி மெட்டல்லோ-பீட்டா-லேக்டமஸ்' (என்.டி.எம்.-1) என்று பெயரிட்டுள்ளனர். இந்த நிலையில் "சூப்பர்பக்' கிருமி குறித்த எனது ஆய்வறிக்கையை திருத்தி வெளியிட்டுள்ளனர். இந்தக் கிருமி குறித்து பல நாடுகளைச் சேர்ந்த விஞ்ஞானிகள் தொடர்ந்து ஆய்வு செய்து வருகின்றனர்.

[size=9]ஒவ்வொரு நாட்டிலும் இந்த பாக்டீரியா கிருமிக்கு ஒவ்வொரு பெயர் வைக்கப்பட்டுள்ளது. மும்பையைச் சேர்ந்த மருத்துவமனை ஒன்று, ஆறு மாதங்களுக்கு முன்பு இந்தியாவிலிருந்து வெளியாகும் மருத்துவ இதழில் இந்த பாக்டீரியா கிருமி குறித்துக் குறிப்பிட்டது.

[size=9]இந்த "சூப்பர்பக்' பாக்டீரியா கிருமி காரணமாக வெளிநாடுகளிலிருந்து இந்தியாவுக்கு சிகிச்சை பெற வருவோரின் எண்ணிக்கையில் எந்தவித பாதிப்பும் ஏற்படாது. மேலும் எந்த மருந்துக்கும் இந்த பாக்டீரியா கட்டுப்படாது என்று கூறுவதிலும் உண்மை இல்லை. இந்த பாக்டீரியா கிருமி குறித்து தொடர்ந்து ஆராய்ச்சியில் ஈடுபட உள்ளேன்'' என்றார் விஞ்ஞானி கார்த்திகேயன்.

[size=9]அறிவியல் ஆதாரமற்றது: "சூப்பர்பக் பாக்டீரியா கிருமியை இந்தியாவுடன் தொடர்புபடுத்திக் கூறுவதற்கு அறிவியல் ஆதாரம் ஏதும் இல்லை' என்று அப்பல்லோ மருத்துவமனையின் தலைவர் டாக்டர் பிரதாப் சி. ரெட்டி கூறினார்.

[size=9]உடல் பருமனுக்கான அறுவைச் சிகிச்சையை மேற்கொள்வதால் ஏற்படும் பலன்கள் குறித்து வெள்ளிக்கிழமை நடைபெற்ற செய்தியாளர்கள் சந்திப்பின்போது அவர் இவ்வாறு கூறினார்.

[size=9]"இந்தக் கிருமி குறித்து பரப்பப்பட்டுள்ள தவறான கருத்துகள் குறித்து இந்திய அரசும் இந்திய மருத்துவ ஆராய்ச்சிக் கவுன்சிலும் உரிய நடவடிக்கைகளை எடுக்க ஆரம்பித்துள்ளன. குறிப்பாக மருத்துவமனைகளின் தரம் குறித்த விஷயத்தில் உரிய கவனம் செலுத்த மத்திய சுகாதார அமைச்சகம் முடிவு செய்துள்ளது குறிப்பிடத்தக்கது.

[size=9]இந்தக் கிருமி குறித்து ஆய்வு செய்து முடிவை வெளியிட்டுள்ளவர்களில் அப்பல்லோ மருத்துவமனையைச் சேர்ந்த ஆய்வாளர் ஒருவரும் ஈடுபட்டது குறித்து மருத்துவமனை நிர்வாக அளவில் விசாரணையைத் தொடங்கியுள்ளோம்'' என்றார் டாக்டர் பிரதாப் சி.ரெட்டி[/size][/size][/size][/size][/size][/size][/size]