சிங்கம்புணரி சேவுகப்பெருமாள் அய்யனார் கோவில் தேரோட்டம்

by Manik Mon May 27, 2013 7:39 pm

சிவகங்கை மாவட்டம் சிங்கம்புணரி அருள்மிகு ஸ்ரீ சேவுகப்பெருமாள் அய்யனார் கோவில் வைகாசி விசாக தேரோட்டம் திங்கள்கிழமை நடைபெற்றது.

திருவிழாவில் 5ம் நாள் நிகழ்ச்சியாக சுவாமிக்கு திருக்கல்யாணமும், 7ம் நாள் நிகழ்ச்சியாக கழுவன் திருவிழாவும் நடைபெற்றது. திருவிழாவின் முக்கிய நிகழ்ச்சியாக திருத்தேரோட்டம் திங்கள்கிழமை நடைபெற்றது. தேரோட்டத்தையொட்டி முன்னதாக பூரணை புஷ்கலை உடனுறை சேவுகப்பெருமாள் அய்யனாருக்கு சிறப்பு அபிஷேகங்கள், சிறப்பு பூஜைகள் செய்யப்பட்டன. பின்னர் சிறப்பு அலங்காரம் செய்யப்பட்டது. அதனைத் தொடர்ந்து உற்சவமூர்த்தி தேருக்கு எழுந்தருளும் நிகழ்ச்சி நடைபெற்றது. பின்னர் மாலை 4 மணிக்கு பக்தர்கள் வடம் பிடிக்க தேர் நான்கு ரத வீதிகளில் வலம் வந்து மாலை 5.30 மணிக்கு நிலைக்கு வந்தடைந்தது. தேர் நிலைக்கு வந்தவுடன் பக்தர்கள் நேர்த்திக்கடனுக்காக ஆயிரக்கணக்கான தேங்காய்களை உடைத்தனர். தேர் திருவிழாவைக் காண சுற்றுவட்டார கிராம பொதுமக்கள் ஏராளமானோர் கூடியிருந்தனர்

சிங்கம்புணரி சேவுகப்பெருமாள் அய்யனார் கோவில் தேரோட்டம் 954670_540036212710167_2110292347_n