சிம்பு-தயாரிப்பாளர் திடீர் மோதல்!

சமீபகாலமாக ஆன்மீகத்தில் தனது மனதை திருப்பியுள்ளார் சிம்பு. இந்த மாற்றத்தின் மூலம் என்னை நான் அடையாளம் காண முடிகிறது என்றும் செய்தி வெளியிட்டிருந்தார் அவர். இந்த நிலையில், இமயமலை சென்று திரும்பியுள்ள சிம்பு, வாலு, வேட்டை மன்னன் என்ற இரண்டு படங்களில் நடித்து வந்தவர், அப்படத்தயாரிப்பாளருடன் தனக்கு ஏற்பட்ட பிரச்னை காரணமாக, நடிக்காமல் ஒதுங்கியிருப்பதாக தனது டுவிட்டரில் தெரிவித்திருந்தார்.

ஆனால் சிம்புவின் இந்த முடிவினால் அப்படங்களின் தயாரிப்பாளர் அதிர்ச்சியடைந்து போனாராம். இரண்டு படங்களும் முடிவடையும் தருவாயில் இருக்கும்போது இந்த பிரச்னை எதற்கு என்று நட்பு வட்டாரமும் கூடி பேசி அவர்களை சமாதானம் செய்து வைத்திருக்கிறார்களாம்.

அதனால், இதுபற்றி, தயாரிப்பாளருடனான பிரச்னை தீர்ந்துவிட்டது. மீண்டும் வாலு, வேட்டை மன்னன் படங்களில் கலந்து கொள்கிறேன் என்று டுவிட்டரில் எழுதியுள்ள சிம்பு, இந்த பேச்சுவார்த்தையில் நான் உடன்பட என்னை மாற்றியதும் ஆன்மீகம்தான் என்றும் தெரிவித்துள்ளார்.

தினமலர்

இந்த பேச்சுவார்த்தையில் நான் உடன்பட என்னை மாற்றியதும் ஆன்மீகம்தான் என்றும் தெரிவித்துள்ளார்.