மக்கள்தொகை கணக்கெடுப்பில் பிச்சைக்காரர்கள், விபசாரிகள் வரிசையில் இல்லத்தரசிகளா?

கடந்த 2001-ம் ஆண்டு எடுக்கப்பட்ட மக்கள்தொகை கணக்கெடுப்பில் இல்லத்தரசிகளாக இருக்கும் பெண்கள் `வேலை செய்யாதவர்கள்' என்ற பட்டியலின் கீழ் சேர்க்கப்பட்டனர். மேலும், அவர்களை பிச்சைக்காரர்கள், விபசாரிகள், கைதிகள் வரிசையில் சேர்த்துள்ளதாக தகவல்கள் வெளியாகின.

ஒரு வழக்கு விசாரணையின்போது இந்த விவகாரம் சுட்டிக் காட்டப்பட்டபோது, இதற்கு சுப்ரீம் கோர்ட்டு கடும் கண்டனம் தெரிவித்தது. ஆனால், அந்த தகவலை மத்திய அரசு மறுத்துள்ளது.

இது தொடர்பாக, பாராளுமன்றத்தில் எழுப்பப்பட்ட கேள்விக்கு பதிலளித்த மத்திய உள்துறை இணை மந்திரி அஜய் மாக்கன் கூறுகையில், "எந்தவித பாலின பாகுபாடும் இருக்கக் கூடாது என்பதற்காக மக்கள்தொகை கணக்கெடுப்பின் ஒவ்வொரு கட்டத்திலும் சிறப்பு நடவடிக்கை எடுக்கப்பட்டுள்ளது. இல்லத்தரசிகளாக இருக்கும் பெண்கள், `வேலை செய்யாதவர்கள்' என்ற பட்டியலின் கீழ், வகைப் படுத்தப்பட்டுள்ளனர். அந்த பட்டியலானது மாணவர்கள், இல்லத்தரசிகள், சார்ந்து இருப்பவர்கள், ஓய்வூதியதாரர்கள், பிச்சைக்காரர்கள், மற்றவர்கள் என ஆறு பிரிவாக பிரிக்கப்பட்டுள்ளது. கடந்த மக்கள்தொகை கணக்கெடுப்பின் படி, இந்த பட்டியலில் 13 கோடி பெண்களும், 45 லட்சம் ஆண்களும் உள்ளனர்" என்றார்.

;)