நினைப்பு

அது காதல் வந்த தருணம்
புரண்டு படுத்தும் தூக்கம் இல்லாததால்
விடிவதற்கு நேரம் கடந்த
அது ஒரு நீண்ட இரவு ........

இருள் மட்டும் நிறைந்திருக்கும்
மனம் அங்கே தனித்திருக்கும்
பேசியதை நினைவு கூறும்
பேசபோவதை மனம் தேடும் ........

அவனுடன் கழித்த சிறு நேரம்
அகிலமும் மறந்த அந்த நேரம்
வாழ்க்கையில் அதுதான் புதுசாரம்
வசந்தகாலமாய் அதுவே என் நேரமும் ......

அவனது கண்கள் அசையும் அழகு
அவனது புருவத்தின் கம்பீர வளைவு
அவனது மீசையின் ஆண்மை முறுக்கல்
அவனது உதட்டின் சிகப்பு சாயல் .......

அவனிடம் ரசித்த வியர்வை வாசம்
அவனுடன் பகிர்ந்து சுவாசித்த மூச்சு
அவனுடன் பகிர்ந்த உணவு வகைகள்
அவனுடன் ரசித்த இயற்க்கை காட்சிகள் ........

ரசனையில் நனைந்த காதல் கடிதங்கள்
அன்பாய் கிடைத்த பிறந்த நாள் பரிசு
ஆசையாய் வாங்கி தந்த சிகப்பு ரோஜா
முதன் முதலாய் வாங்கிய புது துணி ........

சட்டென பேசாத அவனது மௌனம்
பட்டென விழாத அவனது வார்த்தை
தொட்டதும் தொடாததுமாய் அவனது நெருக்கம்
தெரிந்தும் தெரியாததுமாய் அவனது உரசல் ......

அவனுடன் சுற்றிய அந்த நாட்கள்
அவனது வாகனத்தில் பறந்த வேகம்
பிடித்தும் பிடிக்காத உடலின் மோதல்
மெல்ல கசிந்த அவனது காதல் ........

ஸ்பரிசம் கலந்த அவனது சிரிப்பு
இலக்கணம் நிறைந்த நேர் கொண்ட பார்வை
வீரநடை போடும் அவனது கால்கள்
நான் இதமாய் சாயும் அவனது தோள்கள்..........

பிடித்த நேரங்கள் அவனுடன் இருந்தது
பிடிக்காத நேரம் அவனில்லாமல் கழிந்தது
அவனது கையை பிடித்து நடக்கையில்
உலகம் மறந்தேன் சிறு குழந்தையாய் ரசித்தேன் ....

என்றும் இருக்கும் என்னவன் நினைப்பு.

முகதளம்

கலக்கல் கவிதைதான் விக்கி