குழந்தைகளிடம் உங்க மனக்குறைய பகிர்ந்துக்காதீங்க!

குழந்தைகளிடம் உங்க மனக்குறைய பகிர்ந்துக்காதீங்க!


பொதுவாக குழந்தைகள் அவர்கள் வாழும் சூழ் நிலைக்கேற்ப மனரீதியாக பல பிரச்சனைகளை எதிர்க் கொண்டு வாழ்ந்து வருகின்றனர்,அதில் கல்விரீதியான பிரச்சனை முதல் பாலியல் ரீதியான பிரச்சனை போன்று பலவற்றை குறிப்பிடலாம் ஆக இவர்கள் மனதுக்குள் ஒரு பெரிய மனப் போராட்ட வாழ்க்கையே வாழுகின்றனர்,அவை போதாதென்று சில பெற்றோர்களாலும் மனநிம்மதியை இழந்து வருகின்றார்கள் என்று கூறினாலும் மிகையாகாது,

ஏனெனில் சில பெற்றோர்கள் தங்கள் மனதுக்கு ஒரு சமாதானம் கிடைக்க அதாவது அப்பா அம்மாவைப் பற்றியொ அல்லது அம்மா அப்பாவைப் பற்றியோ அவர்களின் குறைகளை யாரிடம் கூறுவது என்ற குழப்பத்தினாலேயே தங்கள் மனக்குமுறல்களை குழந்தைகளிடம் கொட்டி தீர்ப்பார்கள் இதனால் அவர்களுக்கு மனநிம்மதி கிடைக்கின்றதோ இல்லையோ அக்குழந்தைகளை மனஉளைச்சலில் ஆழ்த்துவது கொஞ்சமும் நியாயமில்லை,குடும்பத்தில் நடக்கும் எந்த பிரச்சனையும் குழந்தைகளை சென்றடையக் கூடாது என்பதில் பெற்றோர் விழிப்புணர்வோடு அவர்களின் நடவடிக்கை இருக்க வேண்டும்.தவிர குழந்தைகளை துணைக்கு அழைப்பது மிகப் பெரிய தவறு.

காரணம் குழந்தைகளுக்கு பிறர் குறைகளைக் கேட்டு தீர்வு கூற முடியாத வயதோ அல்லது பக்குவமோ அடையாத பிஞ்சு இதயம் படைத்த குழந்தைகளால், பெற்றோர்களின் மனச்சுமையை ஏற்றுக் கொண்டு ஆறுதல் வழங்க முடியாது என்பதை பெற்றோர்கள் நன்கு புரிந்துக் கொண்டு குழந்தைகளிடம் எதை எதை கூற வேண்டும் எதை மறைக்க வேண்டும் என்று தெரிந்து ஜாக்கிரதையாக செயல் பட வேண்டும்.

சில பெற்றோர்களுக்கு அவர்கள் செய்வது தவறு என்று புரிந்திருந்திருந்தாலும் தொடர்ந்து பிள்ளைகளை தொந்தரவுச் செய்து கொண்டு சுய நலமாக இருப்பார்கள், தங்களின் மனச்சுமையை இறக்கி வைக்க குழந்தையை வடிகாலாக பயன்படுத்திக் கொள்வார்கள் இது மிகவும் கண்டிகத்தக்க செயல் அவ்வாறு தங்கள் குழந்தைகளை மன உளைச்சலில் தள்ளிவிட்டு தங்களுக்கும் தீர்வு கிடைக்காமல் தவிப்பது எந்த விதத்திலும் நியாயம் இல்லை,

அவ்வாறு எப்போதும் பெற்றோர்களின் குறைகளை கேட்டு வளரும் குழந்தைகள் மனதளவில் பாதிக்கப்பட்டு வழித்தவறி போய் பின்பு அதிலிருந்து விடுபட பல தீய பழக்கங்களைத் நாடி சென்று தங்கள் வாழ்க்கையை பாழாக்கி கொள்வர், அதற்கு பெற்றோர்களின் இந்த அலட்சிய போக்கும் ஒரு காரணமாகிவிடக் கூடாது.

இன்னும் கேட்டால் இவ்வாறு குழந்தைகளிடம் பஞ்சாயத்து வைப்பதாலே பெற்றோர்களின் எந்த பிரச்சனையும் ஒருபோதும் தீராது மாறாக அக் குழந்தைகளாலே சில குடும்பங்களில் பெற்றோரின் பிரச்சனை மேலும் வலுப் பெற்று குடும்பத்தில் சமாதானமும் கெட்டு,அக்குழந்தைகளாலே பெற்றோர்கள் பிரியவும் நேரிடும்,

ஆகவே பெற்றோர்கள் தங்கள் மனக் குறைகளை குழந்தைகளிடம் வெளிக்காட்டக் கூடாது,உண்மையிலேயே அவர்களின் பிரச்சனைகளுக்கு தீர்வு வேண்டுமானால் வாழ்க்கையில் நல்ல அனுபவம் வாய்ந்த பெரியவர்கள் அல்லது சிறந்த மனநல ஆலோசகர் போன்ற வல்லுனர்களிடம் தங்கள் மனக் குறையை கூறி அதற்கு தீர்வு காண வேண்டும் அதுவே நிரந்தர தீர்வாகவும் அமையும்.

http://www.manoharimandram.com/

பயனுள்ள பகிர்வு ,நன்றி ஐயா