குழந்தைகள் விரல் சூப்புவது எதனால்?

by முழுமுதலோன் Fri Jun 07, 2013 2:04 pm

குழந்தைகள் விரல் சூப்புவது எதனால்?

பெரும்பாலான குழந்தைகளுக்கு இந்த விரல் சூப்பும் பழக்கம் இருப்பதை பார்க்கலாம், ஆனால் அவை ஒரு குறிப்பிட்ட காலகட்டத்திற்குள் மாறியிருக்க வேண்டும், சில குழந்தைகள் பள்ளிக்கூடம் போக ஆரம்பிக்கும் போதிலிருந்தே இந்த பழக்கத்தை விட்டுவிடுவார்கள் சில குழந்தைகள் அதற்கு பின்பும் தொடருவார்கள்.
பொதுவாக இப்பழக்கத்தைப் போக்குவது சற்று கடினம் தான் என்றாலும் பெற்றோர் மிகவும் பொறுமையுடன் அப்பழக்கத்தை விடுவிக்க உதவிபுரிய வேண்டும், மாறாக குழந்தையை அடிப்பது, மிரட்டுவது, தண்டனைகள் தருவது போன்றவைகள் பலன் தாராது இன்னும் மோசமான விளைவுகளை தான் எற்படுத்தி விடும். மேலும்
அக்குழந்தைகளுக்கு இப்பழக்கம் நீண்ட காலம் நீடிப்பதே ஒரு வித பாதுகாப்பின்மையால் ஏற்பட்ட மன அழுத்தம் மேலோங்கி இருப்பதாலும் தான், சில வீடுகளில் தனிமையில் விடப்பட்ட முதல் குழந்தைக்கு இப்பழக்கம் அதிகரிக்கும், சில இடத்தில் இரண்டாவது குழந்தைக்கு இப்பழக்கம் இருக்கும், ஆக இவை முழுக்க முழுக்க மன நிலையை சார்ந்த செயலாகவே கூறப்படுகின்றது. ஆகவே பொறுமையிழந்த பெற்றோர்களால் கூட அக்குழந்தைகளின் சுபாவமும் மோசமாகிவிடக் கூடும்,ஆக அப்பழக்கத்தை மிகவும் இலகுவாக போக்க பெற்றோரின் பங்கு மிகவும் அவசியமாகிறது அதற்கு
1. குழந்தைகளிடம் பொறுமையை கையாள வேண்டும்,
2. இதனால் பின்னாளில் ஏற்படும் சீரற்ற பற்களின் அமைப்பு, பேச்சி திறனில் பாதிப்பு போன்ற தீமையை பொறுமையாக எடுத்து சொல்ல வேண்டும்,.
3. கூடுமானவரை குழந்தையை தனிமையில் விட கூடாது.
4. அதீத அன்பும் அரவணைப்பும் நல்க வேண்டும்.
5. வீட்டில் பாதுகாப்பான சுழ்நிலையை உருவாக்க வேண்டும்.
6. கைகளுக்கு வேலை கொடுக்கும் விதமாக அவர்களை விளையாட்டில் ஈடுபடுத்துவது.
7. வீட்டில் இருக்கவிடாமல் அடிக்கடி வெளியில் அழைத்து செல்வது.
8. மற்ற குழந்தைகளுடன் விளையாட விடுவது.
9. இவ்வாறான குழந்தைகள் முன்பாக பெற்றோர் தங்கள் சண்டைகளை தவிர்க்க வேண்டும்.
10. எல்லாவற்றிற்கும் மேலாக அப்பழக்கத்திற்கு அதிக முக்கியத்துவம் காட்டாமல் இருந்தாலே நாளடைவில் அப்பழக்கத்தை தானாகவே மறந்து விடுவார்கள் என்பது என் கருத்து. என்றாலும், ஒரு 5அல்லது 6 வயது வரையிலான குழந்தைகளுக்கு மேற் கூறியுள்ள ஆலோசனைகள் பொருந்தும். அதற்கும் மேற்ப்பட்டு அப்பழக்கம் தொடர்ந்தால் கட்டாயம் குழந்தை நல மருத்துவரிடம் கலந்தாலோசித்து சிகிச்சை பெறுவது நல்லது.

http://www.manoharimandram.com/