ஹசிலி ஃபுசிலி /Hasili Fusilli

by priyananda Tue Jun 18, 2013 11:09 pm

ஹசிலி ஃபுசிலி /Hasili Fusilli

"ஹசிலி ஃபிசிலி என் ரசமணி
உன் சிரிப்பினில் சிரித்திடும் கதக்களி
என் இளமையில் இளமையில் பனித்துளி
குதுகளி"
என்னடா இது சமைக்க வாங்கன்னு போர்ட் போட்டுக்கிட்டு உள்ள பாட்டு வரிகள் இருக்கேன்னு பார்க்குரிங்களா?
இந்த வரியைதான் என் மாண்புமிகு மணவாளன், டிஷ் செஞ்சு முடிகிறவரை பாடிக்கிடே இருந்தார். அதனாலேயே இந்த வெறும் ஃபுசிலி க்கு ஹசிலி ஃபுசிலி ன்னு பெயர் வச்சேன்.

இது தாங்க ஃபுசிலி. அட இது எதோ வித்யசமா இருக்கே நாம எங்க போய் வாங்கறதுன்னு யோசிகிரிங்களா. அப்படி எல்லாம் ஒன்னும் இல்லங்க. இந்த ஃபுசிலி, பாஸ்தா வோட ஒரு வகை. நான் ஜெர்மனில வசிக்கிறேன். இங்க நிறைய விதமான பாஸ்தா வகைகள் கிடைக்கும். அதுல ஒன்னு தான் இந்த ஃபுசிலி. அதனால நீங்க தாராளமா பாஸ்தாவையே உபயோகிச்சுக்கலாம். இல்ல நீங்க வசிக்கிற ஊர்ல, அல்லது நாட்டுல, என்ன வகை பாஸ்தா கிடைக்குதோ அதை யூஸ் பண்ணுங்க.இன்னைக்கு நான் பாஸ்தாவை நம்ம ஊர் ஸ்டைல்ல எப்படி செய்தேன்னு காட்டி இருக்கேன். இன்னொரு பதிவில சைனீஸ் ஸ்டைல்லயும் ,ஐரோப்பயியன் ஸ்டைல்ளையும் எப்படி செய்றதுன்னு சொல்றேன்.
சரி இப்போ நாம செய்ய தேவையானதை பாப்போம். இது ரெண்டு பேருக்கான அளவு.

தேவையான பொருட்கள் :

ஃபுசிலி / பாஸ்தா - 250 கிராம்
வெங்காயம் - 1
பச்சை குடைமிளகாய் - பாதி
மஞ்சள் குடை மிளகாய் - பாதி
கேரட் - 1
முட்டைகோஸ் - 1 கப் அளவு
வெங்காயத்தாள் - 2 தண்டு
பச்சை மிளகாய் - 1
நூடுல்ஸ் மசாலா - 1/2 பேக்கட்
இஞ்சி பூண்டு விழுது - 1 டீஸ்பூன்
கரம் மசாலா - 1 டீஸ்பூன்
உப்பு - தேவைக்கு
எண்ணெய் - 1 டேபுள்ஸ்பூன்

செய்முறை:

பாஸ்தாவை 1/2 மணி நேரம் ஊற வச்சுகனும். பிறகு ஒரு பாத்திரத்தில் தண்ணிய நல்லா கொதிக்க வச்சுட்டு அதுல கொஞ்சம் உப்பு,1/2 டீஸ்பூன் எண்ணெய் விட்டு ஊறவச்ச பாஸ்தாவை போட்டு வேக விடுங்க.

10 நிமிஷம் கழிச்சு அடுப்பை அனைச்சுட்டு பாஸ்தாவை நல்ல வடிசுட்டு மறுபடியும் குளிர்ந்த தண்ணீர்ல அலசனும்.அப்புறம் தண்ணி இல்லாம ஓட்ட வடிகட்டிக்கணும்.

இப்போ ஒரு கடாயில் 1 டேபுல்ஸ்பூன் எண்ணெய் ஊற்றி காயவிடுங்க.நல்லா சூடான பிறகு இஞ்சி பூண்டு விழுது சேர்த்து பச்ச வாசனை போக ஃப்ரை பண்ணனும்.பிறகு வெங்காயம் சேர்த்து வதக்கணும்.