சித்த மருத்துவக் குறிப்புகள் சில..!

• நெல்லிக்கனிகளை தொடர்ந்து உண்ண பெண்களின் கருப்பை கோளாறுகள் நீங்கும்.

• பல் ஈறு வீங்கி வலி ஏற்பட்டால் நெல்லிக்காயை நசுக்கி ஈறுகளில் தேய்த்தால் வலி நின்றுவிடும்.

• கொத்தமல்லிக்கீரை ரத்தத்தை சுத்தப்படுத்தும். வாய், உதடு, வயிற்றில் புண் இருந்தாலும் ஆற்ற வல்லது. கொத்தமல்லிக் கீரை கண்களுக்கு தெளிவை அளிப்பதோடு கண் எரிச்சல் வராமலும் இருக்கிறது.

• முருங்கைக் கீரையைத் தொடர்ந்து சமைத்து சாப்பிட்டு வந்தால் ரத்த சோகை நீங்கும்.

• கோதுமை மாவை பொன்னிறமாக வறுத்து, சிறிது தேனைக் கலந்து வாரம் ஒருமுறை சாப்பிட்டு வந்தால் இடுப்பு வலி, கை-கால் குடைச்சல் நீங்கும்.

• காலில் பித்த வெடிப்பு உள்ளவர்கள் உணவில் பாசிப்பயிறை சற்று அதிகமான அளவில் சேர்த்துக் கொண்டால் பித்த வெடிப்பு நீங்கும்.

• இஞ்சியை நறுக்கி தேனில் ஊறவைத்து 48 நாட்கள் சாப்பிட்டு வர உடலில் நோய் எதிர்ப்புசக்தி அதிகமாகும்.

• முளைக் கீரை வளர்ந்து பெரிதானால் தண்டுக் கீரை. தண்டுக் கீரையில் இரண்டு வகைகள் உண்டு. ஒன்று வெளிர் பச்சை மற்றொன்று சிவப்பு. இதில் சிவப்பு நிறத் தண்டுக் கீரை சத்தும் ருசியும் அதிகமுள்ளது.

• வெண்கீரைத் தண்டில் இரும்புச் சத்தும் சுண்ணாம்புச் சத்தும் இருக்கிறது.

• வெண்கீரைத் தண்டைச் சமைத்துச் சாப்பிடுவதால் நீர்க்கடுப்பு நீங்கும். மூலச்சூடு தணியும், உடல் குளிர்ச்சியாகும்.

• சிவப்பு நிறக் கீரைத் தண்டு பெண்களின் மாதவிடாய் கோளாறுகளைக் குணமாக்குகிறது.

• சிவப்பு கீரை சூட்டைத் தணிக்கும், மலச்சிக்கலைப் போக்கும், குடற்புண்ணை ஆற்றும்.

• வெண்கீரைத் தண்டை தொடர்ந்து சாப்பிட்டு வந்தால் தொந்தி கரையும். வாதம் உள்ளவர்கள் வெண்கீரைத் தண்டை சாப்பிடக் கூடாது.

ஈகரை தமிழ் களஞ்சியம்