ஜப்பானில் கோவை டாக்டருக்கு விருது

கோவை, செப்.9 உணவுக்குழாய் நோய் பற்றி ஜப்பானில் நடந்த மாநாட்டில் சிறந்த சிகிச்சை விருதை கோவை ஜெம் மருத்துவமனை டாக்டர் பழனிவேலு பெற்றுள்ளார்.

ஜப்பானில் உள்ள காகோசிமா நகரில், உணவுக்குழாய் நோய்கள் பற்றிய 12வது சர்வதேச மாநாடு நடந்தது.

செப்.2 முதல் 5ஆம் தேதி வரை நடந்த மாநாட்டில், பல்வேறு நாடுகளைச் சேர்ந்த 750 டாக்டர்கள் பங்கேற்றனர்.450மருத்துவ ஆய்வு கட்டுரைகள் மாநாட்டில் சமர்ப்பிக்கப்பட்டன.இதில் பங் கேற்ற கோவை ஜெம் மருத்துவமனை டாக்டர் பழனிவேலுக்கு, பன்னாட்டின் சிறந்த சானையாளர் விருதும், இவர் சமர்ப்பித்த கட்டுரை சிறந்ததாக தேர்வு செய்யப்பட்டு 5,000 டாலரும் பரிசாக வழங்கப்பட்டது.

இதுபற்றி ஜெம் மருத் துவ மனை டாக்டர் பழனிவேலு கூறியதாவது:உணவுக்குழாய் புற்று நோய்,மற்ற நோய்களைக் காட்டிலும் கொடுமையானது. 1995ல், நுரையீரல் மயக்க மருந்து மற்றும் வாய்வு நிரப்பி செய்யும் முறை அறிமுகப்படுத்தப்பட்டது. கோவையில் அறிமுகப் படுத்தப்பட்ட இச்சிகிச்சை முறையால் அமெரிக்கா, சீனா, இத்தாலி மற்றும் இங்கிலாந்து நாடுகளில் கவுரவ பேராசரியராக நியமிக்கப்பட்டேன். அந்நாடுகளில் மருத்துவர்களுக்கு பயிற்சியாளராகவும் ஆனேன். குணப் படுத்த முடியாத நோய் பட்டியலில் இருந்த உணவுக்குழாய் புற்று நோயை தற்போது, வலி, ரத்தசேதம், சிரமம் இன்றி குணப் படுத்த முடியும். சிகிச்சை முடிந்து அடுத்த சில நாட்களில் அன்றாட பணிகளை மேற்கொள்ளலாம். எவ்வித பாதிப்பும் வராது.

இவ்வாறு டாக்டர் பழனிவேலு தெரிவித்தார்

suppar