எழுதஎழுத நீண்டு கொண்டே போகிறது நவீன‌பாவங்களின் பட்டியல்

எழுதஎழுத நீண்டு கொண்டே போகிறது நவீன‌பாவங்களின் பட்டியல்


பாவத்தை கண்டால் விலகி விடு
பாதையை பார்த்து நடந்து விடு

ஒரு கவிஞன் பாவத்தை கண்டால் உமிழ்ந்து விடு என்றான்
ஒருவன் முட்டி மோதி தகர்த்து விடு என்பான்
ஆனால் அனுபவத்தில் பாவத்தை திருத்தப் போனவர் பட்ட பாடு புரியும்
ஒரு விபசார பெண்ணிடம் கற்பை போதிக்க போனவன்
தனது கற்பை காப்பாற்ற முடியாது போனான்
ஒரு திருடனைத் திருத்த முயன்ற காவலரும்
குணம் மாறிப் போனார்கள்
மது விலக்குக்கு போனவருக்கு போனஸ் கிடைத்தமதுவினால் அவரும் போதைக்கு அடிமையாகப் போனார்
அரசியலைத் திருத்தப் போன அறிஞரும்
அவமானச் சின்னமாகி போனார்.
அதனால் தான் ஒவ்வொரு மிருகத்துக்கும்
நிற்க வேண்டிய தூரத்தை அளவிட்டு சொன்னார் ஆன்றோர்
அது மிருகங்களுக்கு சொன்ன கணக்கல்ல
மிருக வேடத்திலிருந்த மனிதருக்கும் விலகி நிற்க்கும் தூரம்தானே
பாவங்கள் என்பது பாக்டீரியா,வைரஸ் போல தொற்றும் நோய்கள்
பக்கத்தில் நிற்பவரையும் தொற்றிக் கொள்ளும்
பார்த்தவரையும் அங்கேயே பற்றிக்கொள்ளும்
அதனால் தானோ பாவத்தை பார்த்தால் விலக விடு என்றான்
பாவத்தை பார்ப்பது கூட பாவமா?
பார்த்த பின்னே மறப்பதும் சுலபமல்ல
மறைப்பதும் சுலபமல்ல‌
பிறரிடம் மறைத்தாலும் அது பாவம்.
சொன்னால் அதைவிட புது பிரச்னைகள்
கண்ணை மூடிக்கொண்டு
உன் விழியைப் பார்த்துக் கொண்டு போய்விட்டு என்றாரோ
நமது பாதை வேறு
நொடியும் நிலை தவறினாலும்
நம் பாதை மாறிவிடும்
பழியில் வீழ்ந்து விடுவோம்
பாவம் பாவம் என்றாரோ அது என்ன?
தெரிந்து கொள்ளாமலே இருப்பது நல்லது
அறிந்து கொள்ளாமலே வாழ்வதும் அதைவிட நல்லது
பலர் பாவங்களை பூர்வ ஜென்ம வினை என்பார்
அது உண்மையோ தெரியாது?
ஆனால் , விழிதிறந்து
அறிவு துறந்து நாம் குழியில் வீழ்வது நம் கையில்தான்
பஞ்ச மா பாதகங்கள் என சிலர் வகைபடுத்தி பட்டியலிட்டார்
அதில் மனதை மயக்கும் மது ஒரு பாவம்
குணதை கெடுக்கும் காமம் ஒரு பாவம்
இதை முதல் பாவம் என்றே சில எச்சரித்தனர்
அடுத்து களவு,சூது,கொலை,எனத் தொடர்கிறது பட்டியல்
இன்னும் புறம் பேசுவது
பொய் பேசுவது,
பிறன்மனை நாட்டம்
சதி செய்வது,
விபசாரம்,
என எழுதஎழுத நீண்டு கொண்டே போகிறது நவீன‌பாவங்களின் பட்டியல்
சொல்லாமலே மனதுக்கு புரியும்
இவற்றை பார்க்காமலே வாழப்பழகுவோம்

by DrBALA SUBRA MANIAN

கலியுகம் தான் ...