உயர்வைத் தருவது ஒழுக்கம் ஊரும் உலகும் மதிக்கும்

உயர்வைத் தருவது ஒழுக்கம்
ஊரும் உலகும் மதிக்கும்

தவறுதல் மனிதனின் பழக்கம்
உணர்ந்தால் மன்னிப்பு கிடைக்கும்
நவீன வாழ்வின் மதிப்பீடுகள் மாறிக் கொண்டே வருகின்றன
புதுமையென்ற பெயரில் பழமை சுத்தமாக துடைத்தெறியப்படுகின்றன
மாறுதல் ஒன்றே மாறாதது என்பார்கள்
மாற முடியாதவர் மாண்டு போகிறார்
மாற முயன்றவர் வென்று வருகிறார்
மாற செய்பவர் தலைவர் ஆகிறார்
ஆனால் மாற்றங்களை கொண்டு வரும் போது போகிப்பண்டிகைக்கு பழையதை தீயிட்டு கொளுத்துகிறோம்
மறக்காமல் உபயோகமுள்ளதை காப்பாற்ற தவறக் கூடாது
மதிப்பீடுகள் என்பவை காலம் என்ற உரைகல்லில் உரைத்து
தங்கம் என தரம் பிரிக்கப்படுக்கிறது
அவை ஒழுக்கம் என்ற பெயரில் போற்றி பாதுகாக்கபடுகிறது
அந்த மதிப்பீடுகள் சமூக வாழ்வுக்கு அத்திவாசயமானவை
ஒழுக்கம் என்ற கோட்பாடு ஒழுங்கு எனப்படுகிற சமுதாய ஒப்பந்தத்தின் மிகமிக நுட்பமான அடிப்படை கொள்கையாகும்
கோடானுகோடி சிற்றெறும்பினங்கள் செல்லும் அழகான அணிவகுப்பை பார்க்கும் போது மனம் சிலிர்க்கிறது
அதே நேரம் ஆறறிவுள்ள பகுத்தறிவு மிருகம் ஓட்டுகின்றன வாகனங்கள் நகரத்தின் சாலைகளில் தாறுமாறாக பார்த்தால் மனம் சிரிக்கிறது
எறும்பினங்கள் மற்றும் பறவையினங்களின் சமூக வாழ்வு மனிதத்தை விட பலனூறு மடங்கு பரிணாம வளர்ச்சியுடன் காணப்படுகிறது
இதன் ஆதாரம் ஒழுங்கு என்ற மகத்தான சுயகட்டுபாடு
சாலை விதிகளையே ஒழுங்காக கடைபிடிக்காத சமூக மிருகம் குடும்ப,சமூக,சமுதாய தேச,உலக சட்ட திட்டங்களை எப்படி மதிக்கபோகிறது
சில விதிகளை எழுதி புத்தகம் புத்தகமாக அச்சடித்து அலமாரிகளில் அடுக்கி
நீதி மன்றங்களில் அமல்படுத்தி காவல் நிலையங்களில் காப்பற்றபடலாம்
ஆனால் பல நடைமுறை வாழ்வில் எழுதப்படாத சட்டங்களாக,சம்பிரதாயங்கள்,ஒப்பந்தங்களாக,ஒற்றுமை உண்ர்வாக
ஒத்த சிந்தனையாக,இன்னும் பல பல பெயர்களால் பாதுகாக்கபடுகிறது.
இவை யாவும் ஒழுக்கம் என்றும் பெயரிடப்ப‌ட்டு பெற்றோரால்,ஆசிரியரால்,அயலாரால்,கலாசார இலக்கிய,கலை ஙட்பங்களால் வழிவழியாக பாரம்பர்யமாக போதிக்கப்பட்டு போற்றப்பட்டு காப்பாற்றபடுகிறது
ஒழுக்கம் என்பது நீதி,நேர்மை,நியாயம்,வாய்மை,உண்மை,
வாக்கு தவறாமை,ஒழுக்கம்,நேரம் தவறாமை,கண்ணியம்,கட்டுபாடு என்று ஆயிரமாயிரம் அர்த்தமுள்ள ஙணுக்கமான கட்டமைப்புகளால் ஆன ஒரு பளிங்கு கல் கோட்டை
அது பல்லாயிரம் ஆண்டு மனித குல மனநல பரிணாம வளர்ச்சியின் முழமை
அதிலும் பாலியல் கலவியல் ஒழுக்கம் என்பது கற்பு என்ற சிறப்பு பெயரால் பொக்கிஸமாக போற்றி பாதுகாக்கபடுகிறது
அது இரயில் வண்டிளின் தண்டவாளத்தில் பயணம் போன்றது

பாதை மாறும் திசை மாறும் பறவைகள்
முட்டி மோதி சாவதை கண்கூடாக பார்க்கிறோம்

ஒழுக்கமே உயிரைக்காக்கும்

Posted by DrBALA SUBRA MANIAN