சலூன் கடை நடத்தி வரும் இளம் பட்டதாரி பெண்

by முரளிராஜா Wed Jul 31, 2013 7:51 am

தமிழகத்தை சேர்ந்த இளம் பட்டதாரி பெண் ஒருவர், சலூன் கடை நடத்தி சாதனை புரிந்துள்ளார்.
தமிழகத்தின் திருப்பூர் மாவட்டம் பல்லடம் நகராட்சிக்கு உட்பட்ட மேற்கு பல்லடம் முனியப்பன் கோவில் வீதியை சேர்ந்த தங்கவேலு என்பவரின் மகள் தேவி(வயது 30).

பி.காம் படித்து முடித்துள்ள தேவி, சலூன் கடை நடத்தி வருகிறார். ஆண்கள் மற்றும் குழந்தைகள் என அனைவருக்கும் முடி வெட்டுகிறார்.

பெண் ஒருவர் சலூன் கடை நடத்தி வருவது அப்பகுதி மக்களிடையே ஆச்சரியத்தை ஏற்படுத்தியுள்ளது.

இதுபற்றி தேவி கூறுகையில், பலமுறை அரசு வேலைக்கு முயற்சி செய்து எவ்வித பலனும் இல்லாமல் போனது.

அப்பாவிற்கு சர்க்கரை நோய் இருப்பதால், குடும்பத்தை வறுமை வாட்டியது. எனவே அவரது தொழிலை கையில் எடுத்தேன்.

தொடக்க நாட்களில் ஆண்கள் வரவே கூச்சப்பட்டனர், சிலர் கேலியும் கிண்டலும் செய்தனர்.

ஆனால் நான் மனம் தளரவில்லை, சீரான முடிவெட்டை பார்த்து நாளுக்கு நாள் வாடிக்கையாளர்களின் எண்ணிக்கை அதிகரித்துள்ளதாக தெரிவித்துள்ளார்.

நன்றி லங்கா ஸ்ரீ