மாநிலங்கள் வரிசை :::: கேரளா

by மகா பிரபு Mon Aug 19, 2013 5:33 pm

கேரளா மாநிலம் - அடிப்படைத் தகவல்கள்
தலைநகர்	திருவனந்தபுரம்
பரப்பு	38863 ச.கி.மீ.
மொழி	மலையாளம்
மக்கள் தொகை	31,841,374
மக்கள் அடர்த்தி	819 / ச.கி.மீ
லோக்சபை இடங்கள்	20
ராஜ்ய சபை இடங்கள்	9
சட்டசபை இடங்கள்	140
மாவட்டங்கள்	14

இணையதளம்:
[You must be registered and logged in to see this link.]

தலைமை செயலகம்
[You must be registered and logged in to see this image.]

கேரளா என்ற வார்த்தை தமிழ் வார்த்தையான “சேரளம்” (மலைச் சரிவு) அல்லது சேர நாடு என்பதிலிருந்து தோன்றியது என்பது அறிஞர்களின் கூற்று. இன்றைய கேரளா வரலாற்று காலத்தில் “சேர நாடு” என்று அழைக்கப்பட்டு வந்தது. 3ஆம் நூற்றாண்டு பேரரசர் அசோகரின் கல்வெட்டில் கேரளா - “கேரளபுத்திரர்” எனக் குறிப்பிடப்பட்டுள்ளது. மேலும், ரோமானிய வணிகன் பெரிபுளீஸின் நிலவரைபடத்தில் இன்றைய கேரளப் பகுதியை சேரபுத்ரா என்று குறிப்பிடுகின்றார். கேரள மக்கள் மலையாளிகள் என்று அழைக்கப்படுகின்றனர் மலையில் (மேற்கு தொடர்ச்சி மலைகள்) வாழ்பவர்கள் என்பது அதன் பொருள் ஆகும்.

எல்லைகள்:
கிழக்கே மேற்குத் தொடர்ச்சி மலைகள்; மேற்கில் அரபிக் கடல்; தென் கிழக்கில் தமிழ்நாடு; வட கிழக்கில் கர்நாடகம்.

ஆறுகள்:
நெய்யாறு, பம்பை, மணிமலை, பெரியாறு, பாரதப்புழை, சித்தாறு மற்றும் மூவாற்றுப்புழை ஆகியவை கேரளத்தின் முக்கிய ஆறுகள்.

பெரியாறு அணை
[You must be registered and logged in to see this image.]

சிறப்புகள்
• 5 ஏப்ரல் 1957ல் ஜனநாயக முறைப்படி, ஆசியாவிலேயே முதன் முதலாக கம்யூனிஸ்ட் கட்சி ஆட்சிக்கு வந்த முதல் மாநிலம்
• ஆதி சங்கரர் (கி.பி.788-820) பிறந்த இடம் காலடி
• இந்திய செவ்வியல் நடனவடிவம் "கதகளி"யின் பிறப்பிடம்
• ரப்பர் உற்பத்தியில் இந்தியாவின் முன்னணி மாநிலம்
• இந்தியாவின் நறுமணத் தோட்டம்
• களரிப்பயிற்று தற்காப்புக் கலையின் பிறப்பிடம்
கலைகள்
கூடியாட்டம், கதகளி, கேரள நடனம், மோகினியாட்டம், தெய்யம், துள்ளல் ஆகியவை கேரளத்தின் நாட்டிய வகைகளாகும். வர்மக்கலை, களரி போன்ற தற்காப்புக் கலைகளும் கேரளத்திலிருந்து தோன்றியவையே.