ரசிக்க ருசிக்க -முட்டையிலா மேங்கோ கே

by முழுமுதலோன் Tue Aug 27, 2013 12:11 pm

எக்லெஸ் மேங்கோ கேக் செய்யும் முறை

தேவையான பொருட்கள்

சன்ன ரவை - ஒரு கப்
மாம்பழக்கூழ் - ஒரு கப்
சர்க்கரை - அரை கப்
வெண்ணெய் - கால் கப் + 2 மேசைக்கரண்டி (அதாவது கால் கப்பிற்கு சற்று கூடுதலாக)
பேக்கிங் பவுடர் - ஒரு தேக்கரண்டி
ஏலக்காய் தூள் - சிறிது (விரும்பினால்)

செய்முறை :

மிக்ஸியில் மாம்பழத்தை அடித்து கூழ் எடுக்கவும். பேக்கிங் டிஷ்ஷில் வெண்ணெய் தடவி தயாராக வைக்கவும். அவனை 190 C’ல் முற்சூடு செய்யவும்.

ரவையுடன் சர்க்கரை, பேக்கிங் பவுடர், ஏலக்காய் தூள் சேர்த்து வைக்கவும்.

அதனுடன் மாம்பழக்கூழ் சேர்த்து கலக்கவும். வெண்ணெயை உருக்கி ரூம் டெம்பரேச்சரில் வைக்கவும்.

மாம்பழ ரவை கலவையுடன் உருக்கிய வெண்ணெயை சேர்த்து கலந்து கொள்ளவும். அதை அப்படியே 10 - 15 நிமிடம் வைத்திருக்கவும்.

பிறகு கலந்துவிட்டு பேக்கிங் டிஷ்ஷில் பரவலாக நிரப்பி அவனில் வைக்கவும். (இந்தக் கலவை மஃபின் கலவை போல கெட்டியாக இருக்கவேண்டும்).

20 - 30 நிமிடம் பேக் செய்து டூத் பிக்கை உள்ளே விட்டு ஒட்டாமல் வெளியே வரும் போது எடுக்கலாம்.

சாஃப்ட் & டேஸ்டி எக்லெஸ் மேங்கோ கேக் ரெடி. நன்றாக ஆறியதும் துண்டுகள் போட்டு பரிமாறவும்.

தயாரிப்பு : வனி

குறிப்பு :

ரவை மெல்லியதாக இருக்கவேண்டியது அவசியம். இல்லையெனில் வேகாது. சாஃப்ட்டாகவும் இருக்காது. விரும்பினால் பேக்கிங் டிஷ்ஷில் ரவை கலவையை நிரப்புவதற்கு முன் அடியில் மாம்பழத் துண்டுகள் போடலாம். பொடியாக நறுக்கிய மாம்பழங்களை மாவில் கலந்து பேக் செய்யலாம். நட்ஸ் சேர்க்கலாம். சர்க்கரையின் அளவை மாம்பழத்தின் இனிப்பிற்கேற்றபடி சேர்க்கவும்.

ரசிக்க ருசிக்க -முட்டையிலா மேங்கோ கே 1185992_685810368115606_616227498_n