செவ்வாய் கிரகத்துக்கும் ராக்கெட் அனுப்புவோம்: இஸ்ரோ தலைவர் ராதாகிருஷ்ணன் பேட்டி

by ஸ்ரீராம் Sun Sep 09, 2012 3:24 pm

பி.எஸ்.எல்.வி. ராக்கெட் ஏவப்பட்ட பின்பு ஸ்ரீஹரிகோட்டாவில் இஸ்ரோ தலைவர் கே.ராதாகிருஷ்ணன் நிருபர்களிடம் கூறியதாவது:-

பி.எஸ்.எல்.வி. சி-21 ராக்கெட் மூலம் வெளிநாட்டு செயற்கைகோள்கள் விண்ணில் செலுத்தும் பணி இன்று வெற்றிகரமாக நடந்துள்ளது. 9.51 மணிக்கு ராக்கெட் செலுத்த திட்டமிடப்பட்டிருந்தது. ஆனால் விண்வெளியில் சுற்றிவரும் விண்வெளி கழிவுகளில் ராக்கெட் மோதுவதை தவிர்க்க 2 நிமிடம் தாமதமாக விண்ணில் ஏவப்பட்டது.

சந்திரனை ஆய்வு செய்யும் சந்திராயன்-2 திட்டம் 2014-ல் செயல்படுத்தப்படும். இதில் தரை இறங்கும் தொழில்நுட்பம் ரஷியாவில் இருந்து வரவேண்டும். பறக்கவிடும் தொழில்நுட்பம் நன்மை சார்ந்தது. நமது பணிகள் திட்டமிட்டப்படி நடந்து வருகின்றன. ரஷிய பணிகள் முடிந்து வந்ததும் சந்திராயன்-2 பறக்க விடப்படும்.

செவ்வாய் கிரகத்துக்கு ராக்கெட் அனுப்புவது சவால் நிறைந்தது. விண்வெளி துறையில் கடந்த 50 ஆண்டுகளாக பல சாதனைகளை இந்தியா புரிந்துள்ளது. விண்வெளி துறையில் சாதனைகள் செய்து வரும் 6 நாடுகளில் இந்தியாவும் ஒன்று. எனவே சவால்கள் நிறைந்த செவ்வாய் கிரகத்துக்கு வருங்காலத்தில் ராக்கெட் அனுப்பவும் திட்டமிட்டுள்ளோம்.

ராக்கெட் செயல்பட பயன்படும் கிரையோஜெனிக் எந்திரத்தில் முன்பு ஏற்பட்ட தோல்விக்கான காரணங்கள் கண்டறிந்து அதை சரிசெய்யும் பணிகள் நடந்து வருகின்றன. 2 ஆண்டுகளில் 33 சோதனைகள் நடந்துள்ளன. வரும் காலத்தில் இந்த திட்டத்திலும் வெற்றி பெறுவோம்.

இன்று வணிக ரீதியில் வெளிநாட்டு செயற்கை கோள்களை விண்ணில் செலுத்தியதற்கான செலவை பெற்றுவிட்டோம். நிகர லாபத்தை வெளியில் செல்ல முடியாது.

இவ்வாறு அவர் கூறினார்.

நன்றி மாலைமலர்.காம்

by முரளிராஜா Sun Sep 09, 2012 3:37 pm

ராக்கெட் செவ்வாய் கிரகத்துக்கு இந்தியாவால் அனுப்பபட்டால்
இந்தியா விண்வெளிதுறையில் நல்ல முன்னேற்றத்தை கண்டுள்ளது எனச் சொல்லல்லாம்

by ஸ்ரீராம் Sun Sep 09, 2012 3:57 pm

கண்டிப்பா சூர்யா. நீங்கள் சொல்வது முற்றிலும் உண்மை. இந்தியா விரைவில் வல்லரசாகும்.

நீங்க தள நிர்வாகி என உள்ளது, அதனால் இந்த கேள்வி: நான் பதிந்த பதிவில் என்னால் மாற்றம் செய்ய முடியவில்லையே எதனால் இப்படி?

by **Admin** Sun Sep 09, 2012 4:35 pm

அறியதந்தமைக்கு நன்றி சகோ
சரி செய்துவிடுகிறோம் சூப்பர்

by Sponsored content

செவ்வாய் கிரகத்துக்கும் ராக்கெட் அனுப்புவோம்: இஸ்ரோ தலைவர் ராதாகிருஷ்ணன் பேட்டி

செவ்வாய் கிரகத்துக்கும் ராக்கெட் அனுப்புவோம்: இஸ்ரோ தலைவர் ராதாகிருஷ்ணன் பேட்டி

Re: செவ்வாய் கிரகத்துக்கும் ராக்கெட் அனுப்புவோம்: இஸ்ரோ தலைவர் ராதாகிருஷ்ணன் பேட்டி

Re: செவ்வாய் கிரகத்துக்கும் ராக்கெட் அனுப்புவோம்: இஸ்ரோ தலைவர் ராதாகிருஷ்ணன் பேட்டி

Re: செவ்வாய் கிரகத்துக்கும் ராக்கெட் அனுப்புவோம்: இஸ்ரோ தலைவர் ராதாகிருஷ்ணன் பேட்டி

Re: செவ்வாய் கிரகத்துக்கும் ராக்கெட் அனுப்புவோம்: இஸ்ரோ தலைவர் ராதாகிருஷ்ணன் பேட்டி