மத்திய அமைச்சர்களின் சொத்து மதிப்பு வெளியீடு : பிரதமரின் சொத்து மதிப்பு இரு மடங்கானது

மத்திய அமைச்சர்களின் சொத்து மதிப்பு வெளியீடு : பிரதமரின் சொத்து மதிப்பு இரு மடங்கானது


பிரதமர் மன்மோகன் சிங்கின் சொத்து மதிப்பு கடந்த ஆண்டை விட இந்த ஆண்டு இரு மடங்காக அதிகரித்துள்ளது. கடந்த ஆண்டு அவரது சொத்து மதிப்பு 5 கோடியே 11 லட்சமாக இருந்தது. தற்போது அது, 10 கோடியே 73 லட்சமாக உள்ளது. இந்த தகவலை பிரதமர் அலுவலக இணையதளம் வெளியிட்டுள்ளது. பிரதமருக்குச் சொந்தமாக டெல்லியிலும், சண்டிகரிலும் இரு பிளாட்டுகள் உள்ளன. அவற்றின் மதிப்பு 7 கோடியே 27 லட்ச ரூபாய் என தெரிவிக்கப்பட்டுள்ளது. வங்கிக் கணக்குகள் மற்றும் முதலீடுகளாக 3 கோடியே 46 லட்சம் ரூபாயும் உள்ளன.
பிரதமர் மன்மோகன் சிங்கிற்கு ஒரு மாருதி காரும், இரண்டே முக்கால் லட்சம் ரூபாய் மதிப்புள்ள 150 கிராம் தங்க நகைகள் இருப்பதாகவும் தெரிவிக்கப்பட்டுள்ளது. இரு பிளாட்டுகளின் மதிப்பு அதிகரித்ததே, அவரது சொத்து மதிப்பு இரு மடங்காக உயர்ந்துள்ளதாகத் தெரிவிக்கப்பட்டுள்ளது. மத்திய அமைச்சர்களில் தேசியவாத காங்கிரஸ் கட்சியைச் சேர்ந்த பிரபுல் படேல் தான் அதிக சொத்துகள் உள்ளவர். அவரது சொத்து மதிப்பு 52 கோடி ரூபாயாகும். அதற்கு அடுத்தபடியாக, கபில் சிபலுக்கு 45 கோடியே 33 லட்சம் சொத்துகளும்,சரத் பவாருக்கு 22 கோடி ரூபாய் மதிப்பிலான சொத்துகளும் உள்ளன.
மத்திய நிதி அமைச்சர் ப. சிதம்பத்துக்கு 11 கோடியே 96 லட்ச ரூபாய்க்கும்,மு.க. அழகிரிக்கு 9 கோடியே 50 லட்சம் ரூபாய்க்கும் சொத்துகள் இருப்பதாக பிரதமர் அலுவலக இணைய தளம் தெரிவித்துள்ளது. மத்திய உள்துறை அமைச்சர் சுஷில் குமார் ஷிண்டேவுக்கு 5 கோடி ரூபாய் சொத்துகளும் உள்ளன. வெளியுறவு அமைச்சர் எஸ்.எம். கிருஷ்ணாவுக்கு 1 கோடியே 89 லட்சம் ரூபாய் சொத்துகளும் உள்ளன. மத்திய அமைச்சர்களிலேயே மிகவும் குறைவான சொத்து உள்ளவர் பாதுகாப்பு அமைச்சர் ஏ.கே. அந்தோனிக்கு தான். அவருக்கு 55 லட்ச ரூபாய்க்கு சொத்துகள் இருப்பதாக அந்த இணைய தளத்தில் தெரிவிக்கப்பட்டுள்ளது.நன்றி -புதிய தலைமுறை

அதெல்லாம் சரிதான்
ஆனா யார் ஆட்சிக்கு வந்தாலும் நம்ம நிலைமைதான் அதோ கதியா இருக்கு

சூர்யா wrote:அதெல்லாம் சரிதான்
ஆனா யார் ஆட்சிக்கு வந்தாலும் நம்ம நிலைமைதான் அதோ கதியா இருக்கு

ரொம்ப சரியா சொன்னீர்கள் சகோ. :112:

நம்ம வரிப்பணம் முன்றில் ஓரு பங்கு பாதுகாப்பு துறைக்கு செலவு செய்வதாக சொல்லுறாங்க ஆனா நம்ம அந்தோணி இன்னமும் கடைசி இடத்தில் தான் இருக்கார் :002: