மனசோர்வினால் உருவாகும் ஆபத்தான அறிகுறிகள் என்ன?

by முழுமுதலோன் Tue Sep 17, 2013 12:18 pm

மனசோர்வினால் உருவாகும்
ஆபத்தான அறிகுறிகள் என்ன?

மனசோர்வு ஒரு மனிதனின் மன நலத்தை மட்டும்பாதிப்பதில்லை
அவனது கல்வி,கலவி,‍பொருளாதாரம்,உழைப்பு,
குடும்ப நலம்,நட்பு,முன்னேற்றம்
போன்ற பலவிதபாதிப்புக்களை ஏற்படுத்துகிறது.

ஆனால் இவை எல்லாவற்றையும் விட உடனடியாக
அவசரமாக தீவிரமாக கவனிக்கப்படவேண்டிய அறிகுறி
தற்கொலை எண்ணங்களாகும்.

சாதரணமாக எல்லோர்க்கும் சலிப்பிலும்,
ஏமாற்றத்திலும் கோபத்திலும் தற்கொலை எண்ணங்கள்
ஏற்படுவது இயல்பு

எனவே நாம் மற்றவர் தற்கொலைஎண்ணங்களை
வெளிப்படுத்தும் போது அதை பொருட்படுத்துவதில்லை
அல்லது ஏளனம் செய்கிறோம்,உதாசீன படுத்துகிறோம்
பல நேரங்களில் எதிர் மறையாக தூண்டி விடுகிறோம்
சிலர்உற்சாக படுத்துவது கூட உண்டு.

ஆனால் மனசோர்வினால் ஏற்படும்
தற்கொலைஅறிகுறிகளை சுலபமாக எடுத்து கொள்வது ஆபத்தானதாகும்

பெரும்பாலும் இவர்கள் நான் வாழ்ந்து என்ன பயன்?
நான் எதற்க்கும் உபயோகமில்லாதவன்?நான்வாழ விரும்பவில்லை

மரணம் வந்தால் எனக்கு விடுதலை யாராவது
என்னைகொன்று விடுங்கள்,
நான் தற்கொலை செய்து கொள்ள்போகின்றேன்,
இறைவா எனக்கு மரணம் கொடு
எனநேரடியாகவோ,

இறந்தவர்கள் தன்னை அழைக்கிறார்கள்,
என்னை தற்கொலை செய்து கொள்ள தூண்டுகிறார்கள்
கட்டளையிடுகிறார்கள்.
இறைவன் கட்டாயப்படுத்துகிறான்
என்பது போன்று மறைமுகமாகவோ
தனது தற்கொலைஎண்ணங்களை வெளிப்படுத்துகிறார்கள்

பலமுறை சிறிதாகவோதீவிரமாகவோ
தற்கொலை முயற்சிகளில் இறங்குகிறார்கள்

சிலர் உணவை மறப்பது,மறுப்பது போன்ற‌
மறைமுக செயல்களும் மற்றும்
தீவிர மது,விபத்து போன்ற‌
எதிர்மறையான செயல்களும் தற்கொலை முயற்சியே.

பல நேரங்களில்இவை மரணத்திலும் முடியும்.

Posted by DrBALA SUBRA MANIAN