நீண்ட ஆரோக்கியம் பெற-பீன்ஸ் பொரியல்

by முழுமுதலோன் Thu Sep 26, 2013 12:34 pm

தேவையானவை:
பீன்ஸ்- 3 கிண்ணம்
தேங்காய்- 2 தேக்கரண்டி
தாளிக்க:
எண்ணெய்- 2 தேக்கரண்டி
கடுகு- 1 மேசைக்கரண்டி
கடலைப்பருப்பு- 1 மேசைக்கரண்டி
வெள்ளை உளுத்தம்பருப்பு- 1 மேசைக்கரண்டி
மிளகாய்வற்றல்- 2
கறிவேப்பிலை- 1/2 இணுக்கு
உப்பு, மஞ்சள்தூள்- தேவையான அளவு
செய்முறை:
1. பீன்ஸை நன்றாக அலம்பி நுனிகளைத் திருத்திக் கொள்ளவும்.
2. பிறகு பொடியாக நறுக்கிக் கொள்ளவும்
3. அடுப்பை ஏற்றி வாணலியில் எண்ணெய் இட்டு தாளிசப்பொருட்களைத் தாளிசம் செய்து கொள்ளவும்.
4. பொடியாக நறுக்கிய பீன்ஸ், உப்பு, மஞ்சள்தூள் சேர்த்துத் தண்ணீர் சிறிதளவு விட்டு மூடி வைக்கவும்.
5. இடையிடையே கிளறி விடவும்.
6. தயாரானதும் தேங்காய்த் துருவலைப் போட்டு பிரட்டி விடவும்.

நீண்ட ஆரோக்கியம் பெற-பீன்ஸ் பொரியல் 3-french-cut-beans-poriyal1

இன்னொரு முறை:
மேற்கூறிய முறையிலேயே தேங்காய்த்துருவலிற்குப் பதில் பீன்ஸ் வெந்ததும் 1 தேக்கரண்டி சாம்பார்பொடி போட்டுப் பிரட்ட காரசாரமான பீன்ஸ் பொரியல் தயார்.
பிரெஞ்ச் கட் பீன்ஸ் போல பீன்ஸை நீளவாக்கில் நறுக்கியும் மேற்கூறிய முறையில் பொரியல் செய்யலாம்(பிரெஞ்ச் கட் பீன்ஸ் கடையில் விற்கும், அதை வாங்கிக் குளிர்சாதனப்பெட்டியின் உள்ளறையில் வைத்துக் கொண்டு, அவசர நேரத்தில் பயன்படுத்திக் கொள்ளலாம்)விலை மலிவாகக் கிடைத்தாலும் இதில் சத்துக்கள் அதிகம்.
பீன்ஸ்-மருத்துவ குணங்கள்:
மனிதர்களுக்குத் தேவையான அனைத்து உயிர்ச் சத்துக்களும் கீரை, காய், கனி, விதை இவற்றில் உள்ளன. இதில் மனிதன் தினமும் உணவுக்காக அதிகம் உபயோகிப்பது காய்களையே..
வேகவைத்த காய்களைத்தான் மனிதக் குடலானது எளிதில் சீரணிக்கும். மற்றும் அதன் சத்துகளை எளிதாக உட்கிரகிக்கும்.அத்தகைய காய்களில் பீன்ஸ் வகையும் ஒன்று. இது அவரை இனத்தைச் சேர்ந்தது. பீன்ஸை இங்கிலீஷ் காய் என்பர். காரணம் ஆங்கிலேயர்கள் தங்கள் உணவில் அதிகம் சேர்த்துக்கொள்ளும் காய்களில் இதுவும் ஒன்று.
பீன்ஸ் குச்சி போல் நீண்டு சற்று பருத்து காணப்படும். பயறு வகை காய்களைப் போல் விதைகள் உள்ளிருக்கும்.
பச்சையாகப் பறித்த பீன்ஸில் கலோரி அளவு குறைவாக உள்ளது. இது எளிதில் சீரணமாகக்கூடியது. வைட்டமின், தாதுக்கள் அதிகம் நிறைந்துள்ளது
100 கிராம் பீன்ஸில் நார்ச்சத்து 9 சதவீதம் உள்ளது. இந்த நார்ச்சத்தானது குடலின் உட்புறச் சுவர்களைப் பாதுகாத்து நச்சுத் தன்மைகளை வெளியேற்றும் தன்மை கொண்டது. புற்று நோயைக் குணப்படுத்தும் தன்மை பீன்ஸ்க்கு உண்டு என்று அண்மையில் ஆராய்ச்சியாளர்கள் கண்டுபிடித்துள்ளனர்.
இந்த நார்ச்சத்தானது இரத்தத்தில் உள்ள கொலஸ்ட்டிராலைக் குறைத்து அதைச் சத்தாக மாற்றுகிறது.
இதில் வைட்டமின் ஏ சத்து நிறைந்துள்ளதால் கண்பார்வை தெளிவடையச் செய்கிறது. அதுபோல் ப்ளேவனாய்டு பாலிபினோலிக் ஆண்டி ஆக்ஸிடென்ட், லூட்டின், ஸியாசாந்தின், கரோட்டின் இருப்பதால் உடலுக்கு நோய் எதிர்ப்பு சக்தியை அதிகரிக்கச் செய்கிறது.
இது சருமத்தையும், கண்களையும், புறஊதாக் கதிர்களின் பாதிப்பிலிருந்து தடுக்கிறது.
இதிலுள்ள வைட்டமின் பி 12 உடன் இணைந்து கருவுற்ற பெண்களுக்கு கருவில் குழந்தை நன்கு வளரவும், நரம்பு பாதிப்புகள் ஏதும் பாதிக்காதவண்ணமும் தடுக்கிறது.
பீன்ஸில் வைட்டமின் பி6, தையமின், வைட்டமின் சி, இருப்பதால் உடலுக்கு நோய் எதிர்ப்பு சக்தியைக் கொடுக்கிறது.
பீன்ஸில் இரும்பு, கால்சியம், மக்னீசியம், மாங்கனிசு மற்றும் பொட்டாசியம் நிறைந்துள்ளது. மக்னீசியம் உடலின் வளர்சிதை மாற்றத்தில் முக்கியப் பங்கு வகிக்கிறது. பொட்டாசியம் இதயத் துடிப்பை சீராக்குகிறது. இரத்த அழுத்தத்தைக் குறைக்கிறது.
பீன்ஸில் உள்ள இசோபிளவோன்ஸ் எனப்படும் உயிர்த்தாது உடலுக்கு வலுவைக் கொடுக்கும் தன்மை கொண்டது.
பீன்ஸைச் சிறிதாக நறுக்கி நீரில் கொதிக்கவைத்து, அந்த நீரை அருந்தி வந்தால் வாய்ப்புண், வயிற்றுப்புண், குடல்புண் ஆறும்.
பீன்ஸைப் பொரியலாகச் செய்து சாப்பிட்டு வந்தால், செரிமான சக்தியை அதிகரிக்கும். வாயுத் தொல்லையை நீக்கும். இதில் உள்ள நார்ச்சத்து மலச்சிக்கலைப் போக்கும். மூலநோயால் பாதிக்கப்பட்டவர்களுக்குச் சிறந்த உணவாகும்.
பீன்ஸ் இரத்தத்தில் உள்ள கொழுப்பைக் கரைத்து இரத்தத்தை சுத்தமாக்குகிறது. இரத்தக் குழாய் அடைப்புகளைப் போக்குகிறது. உயர் இரத்த அழுத்தத்தைச் சீர்செய்கிறது. இதய அடைப்பு, இதய நோய் ஏற்படாமல் பாதுகாக்கிறது.
மேலும் உடலில் உள்ள தேவையற்ற கொழுப்பைக் கரைத்து, அதிக உடல் எடையைப் போக்குகிறது.
பீன்ஸைக் கொதிக்கவைத்து ஆறிய நீரில் முகம் கழுவி வந்தால் முகம் பளபளப்பாகும்.
பீன்ஸ் சருமத்தைப் பாதுகாக்கும். வியர்வையைத் தூண்டும்.
தொண்டைப்புண், வறட்டு இருமல், நாவறட்சி இவற்றைப் போக்கும்.
கை, கால் நடுக்கத்தைப் போக்கும்.
நீரிழிவு நோயாளிகள் பீன்ஸை அடிக்கடி உணவில் சேர்த்து வந்தால் நோயினால் உண்டான பாதிப்புகள் குறையும்.
பல் வலியைப் போக்கும். உடலுக்கு குளிர்ச்சியைக் கொடுத்து, வாத, பித்த, கபம் என்னும் முக்குற்றத்தை சீராக வைத்திருக்கும்.
நீண்ட நாள் ஆறாத புண்களின் மீது, பீன்ஸ் வேகவைத்த நீரை ஆறவைத்து புண்களை அலம்பி வந்தால் புண்கள் விரைவில் ஆறும்.
பீன்ஸைப் பொரியல், அவியல், சாம்பார் எனப் பலவாறு சமைத்து உண்ணலாம்.
பீன்ஸைப் பயன்படுத்தி நீண்ட ஆரோக்கியம் பெறுவோம்.
தகவலுக்கு நன்றி : இன்று ஒரு தகவல் பக்கம்

By Seetha •http://kayasandigai.wordpress.com

by sawmya Thu Sep 26, 2013 12:41 pm

பீன்ஸ் பருப்பு உசிலி வகை..ம்...ம்..ம்... ஜொள்ளு

by mohaideen Thu Sep 26, 2013 6:12 pm

தகவலுக்கு நன்றி

by Muthumohamed Thu Sep 26, 2013 11:51 pm

எனக்கும் பிடிக்குமே பகிர்வுக்கு நன்றி

by கவியருவி ம. ரமேஷ் Fri Sep 27, 2013 8:18 am

பீன்ஸில் இரும்பு, கால்சியம், மக்னீசியம், மாங்கனிசு மற்றும் பொட்டாசியம் நிறைந்துள்ளது. மக்னீசியம் உடலின் வளர்சிதை மாற்றத்தில் முக்கியப் பங்கு வகிக்கிறது. பொட்டாசியம் இதயத் துடிப்பை சீராக்குகிறது. இரத்த அழுத்தத்தைக் குறைக்கிறது.

விரும்பிச் சாப்பிடலாம்...

by Sponsored content

நீண்ட ஆரோக்கியம் பெற-பீன்ஸ் பொரியல்

நீண்ட ஆரோக்கியம் பெற-பீன்ஸ் பொரியல்

Re: நீண்ட ஆரோக்கியம் பெற-பீன்ஸ் பொரியல்

Re: நீண்ட ஆரோக்கியம் பெற-பீன்ஸ் பொரியல்

Re: நீண்ட ஆரோக்கியம் பெற-பீன்ஸ் பொரியல்

Re: நீண்ட ஆரோக்கியம் பெற-பீன்ஸ் பொரியல்

Re: நீண்ட ஆரோக்கியம் பெற-பீன்ஸ் பொரியல்