ஆணவம் அழிக்கும்!

            எந்த ஒரு சாதனையாளர் வெற்றிக்கு பின்னாலும் பணிவு என்ற குணம் இருந்திருக்கும்! ஒருவனிடம் ஆணவம் வந்துவிட்டால், நல்லவைகளை பார்க்கமுடியாதபடி அது அவன் கண்களை மறைக்கிறது. நல்ல விஷயங்களை கேட்க முடியாதபடி அது அவன் காதுகளை அடைக்கிறது. நல்ல மனிதர்களை கண்டுகொள்ள முடியாதபடி அறிவை குருடாக்குகிறது.
            பகவத்கீதையில், போர் புரியத் தயங்கும் அர்ஜுனனிடம் பகவான் கிருஷ்ணர் சொல்வார், "'தயங்காதே அர்ஜுனா, துருயோதனனுக்கு எப்போது ஆணவம் தலையெடுக்க தொடங்கியதோ அப்போதே அவனுக்கு அழிவு ஆரம்பித்துவிட்டது"". ஆணவம் தலைதூக்கினால் அழிவு நிச்சயம் என்பதை இறைவன் சொல்லிவிட்டார்.
            ஒரு அதிகாரியின் ஆணவத்தால் அந்த நிறுவனம் அழிவை சந்திக்கிறது, அரசியல்வாதியின் ஆணவம் பதவியை பறிக்கிறது. குடும்ப உறவுகளின் ஆணவம் சொந்தத்தை பாதிக்கிறது. ஒரு கலைஞனுக்குள் உருவாகும் ஆணவம் அவன் படைப்பாற்றலை பழுதாக்கிவிடுகிறது. ஆணவம் நம் அறிவையோ ஆற்றலையோ வளர்ப்பதில்லை. மாறாக, வாய்ப்புகளையும் வளர்ச்சியையும் தடுத்துவிடுகிறது. ஆணவத்தால் கிடைக்கும் பாராட்டு பனிமாதிரி. பணிவால் கிடைக்கும் பெருமை ஆதவன் மாதிரி!
            உண்மையான பெருமையானது என்றும் பணிவுடன் இருக்கும், சிறுமையானது தன்னத்தானே வியந்து பாராட்டிக்கொள்ளும் என்கிறார் வள்ளுவர். கல்வி, செல்வம், பதவி என்று எதனை ஆபரணங்கள் நம்மிடம் இருந்தாலும் பணிவு என்ற ஒன்றை அணிந்துகொண்டால்தான் நம் திறமை அழகு பெறுகிறது, சாதனைகள் வெளிச்சம் பெறுகின்றன!


கண்மணி சிங்

ஒரு அதிகாரியின் ஆணவத்தால் அந்த நிறுவனம் அழிவை சந்திக்கிறது, அரசியல்வாதியின் ஆணவம் பதவியை பறிக்கிறது. குடும்ப உறவுகளின் ஆணவம் சொந்தத்தை பாதிக்கிறது. ஒரு கலைஞனுக்குள் உருவாகும் ஆணவம் அவன் படைப்பாற்றலை பழுதாக்கிவிடுகிறது. ஆணவம் நம் அறிவையோ ஆற்றலையோ வளர்ப்பதில்லை. மாறாக, வாய்ப்புகளையும் வளர்ச்சியையும் தடுத்துவிடுகிறது. ஆணவத்தால் கிடைக்கும் பாராட்டு பனிமாதிரி. பணிவால் கிடைக்கும் பெருமை ஆதவன் மாதிரி!

தவிர்ப்போம்...