மோடி - ரஜினி போஸ்டர் குறித்து லதா ரஜினி கருத்து!

by Muthumohamed Sat Sep 28, 2013 2:24 pm

சென்னை: நடிகர் ரஜினியையும் மோடியையும் இணைத்து திருச்சியில் ஒட்டப்பட்டிருந்த போஸ்டர் குறித்து ரஜினியின் மனைவி லதா ரஜினிகாந்த் கருத்து தெரிவித்துள்ளார்.

திருச்சியில் நடந்த மோடி கூட்டத்திற்கு முன்பாக ரஜினியையும், மோடியையும் இணைத்து ஒட்டப்பட்ட போஸ்டர்கள் பெரும் சலசலப்பை ஏற்படுத்தின. மேலும் ரஜினியே நேரில் வந்து மோடியைப் சந்திக்கப் போகிறார் என்றவதந்தியும் பரவின

ஆனால் ரஜினிகாந்த் தரப்பிலிருந்து இதுவரை எந்த கருத்தும் வெளியிடப்படாத நிலையில் ரஜினிகாந்த்தின் மனைவி லதா ரஜினிகாந்த் இதுகுறித்து கூறுகையில், "இதில் நாங்கள் சொல்வதற்கு ஒன்றும் இல்லை. இதற்கும், எங்களுக்கும் எந்த சம்பந்தமும் இல்லை. மேலும் நாங்கள் மீடியா வெளிச்சத்திலிருந்து விலகியிருக்கவே நாங்கள் விரும்புகிறோம்"என்று கூறியுள்ளார்.

அதுமட்டுமல்லாமல் ரஜினியைப் பொருத்தவரை இப்போது கவனம் முழுவதும் கோச்சடையான் படத்தில் மட்டுமே உள்ளது. என்றும் லதா ரஜினிகாந்த் கூறியுள்ளார்.

மேலும் மோடியின் கூட்டத்திற்கு ரஜினிக்கு அழைப்பு கூட விடுக்கப் படாத நிலையில் அந்த போஸ்டர் வெளியாகியிருப்பதாகவும் லதா ரஜினிகாந்த் தெரிவித்துள்ளார்.

நன்றி

இந்நேரம் தளம்