தாய் பெற்ற கடனுக்கு மகளை வன்புணர்ந்த கொடூரன்

சித்தூர் : தாய் பெற்ற கடனை திருப்பி செலுத்தாததால், மகளை வன்புணர்ந்த கொடூரன் கைது செய்யப்பட்டுள்ள சம்பவம் பெரும் பரபரப்பை ஏற்படுத்தியுள்ளது.

வேலூர், தேவராஜ் தெருவைச் சார்ந்த ஒரு பெண், அவ்வூரை சார்ந்த முபாரக் என்பவனிடம் ரூபாய் 2,000 கடன் பெற்றிருக்கிறார். குறிப்பிட்ட கால தவணைக்குள் பணத்தை திருப்பி செலுத்த முடியவில்லை. இதனால் கோபமுற்ற முபாரக், கடனை திருப்பி தர முடியாவிட்டால், தன்னுடைய கோழிப்பண்ணையில் வேலை செய்து கடனை அடைக்கும் படி வற்புறுத்தியிருகிறான்.

எனவே, வேறு வழியில்லாமல் கடனைப் பெற்ற அந்த அபலைப் பெண்ணும் தன்னுடைய 5 வயது மகளையும் உடன் அழைத்துக் கொண்டு, ஆந்திர மாநிலம் சித்தூர் அருகே உள்ள பலம்நேரு பகுதியில் முபாரக் நடத்தும் கோழிப் பண்ணைக்கு சென்றிருக்கிறார். அங்கே சில நாட்கள் தாயும், மகளும் வேலை செய்திருக்கிறார்கள். தாயின் வேலையில் திருப்திப் படாத முபாரக் அவரை வேலையிலிருந்து நீக்கி விட்டான். பணத்தை தந்து விட்டு மகளை அழைத்து செல்லுமாறு முபாரக் சொல்ல, அப்பெண் பணத்தை திரட்டுவதற்காக ஊர் சென்று பணத்துடன் கோழிப்பண்ணைக்கு திரும்பி வந்த போது தன் மகளின் நிலை கண்டு பேரதிர்ச்சி அடைந்தாள்.

தன் மகளின் உடல் முழுவதும் தீ காயங்களைக் கண்டு, மகளிடம் விசாரித்த போது, கோழிப் பண்ணை நடத்தும் முபாரக், தன்னை சூடு போட்டு சித்திரவதை செய்து, வன்புணர்ந்ததாக தாயிடம் கூறி கதறி அழுதாள். இதனையடுத்து, தாய் வலம்நேரு காவல்நிலையத்தில் புகார் செய்தார்.

இப்புகாரின் பேரில் காவல்துறையினர் முபாரக்கை கைது செய்து, விசாரணை மேற்கொண்டுள்ளனர். பாதிக்கப்பட்ட சிறுமி அரசு மருத்துவமனையில் மருத்துவ பரிசோதனைக்காக அனுமதிக்கப்பட்டிருக்கிறார்.

நன்றி
இந்நேரம் தளம்