காதல் விவகாரம் - பெற்றோர் ஓட்டம்!

by Muthumohamed Sat Sep 28, 2013 2:35 pm

தர்மபுரி: தர்மபுரி அருகே மகளின் காதல் விவகாரத்தால் பயந்து பெற்றோர் வீட்டை விட்டு ஒடிப்போய் தலைமறைவாக உள்ள சம்பவம் அப்பகுதியில் பரபரப்பை ஏற்படுத்தியுள்ளது.

தர்மபுரி மாவட்டம், பாப்பிரெட்டிப்பட்டியை அடுத்த கோபிநாதம்பட்டி கூட்டுரோட்டை சேர்ந்தவர் துரைசாமி. இவரது மனைவி விஜயா இவர்களது மகள் கவிதா. இவரும் கொக்காரப்பட்டியை சேர்ந்த பிரகாஷ் என்பவரும் காதலித்து வருகின்றனர். இருவரும் வெவ்வேறு சமுதாயத்தை சேர்ந்தவர்கள் என்பதால் இரு வீட்டு பெற்றோரும் எதிர்ப்புத் தெரிவித்துள்ளனர்.

இந்நிலையில், காதலைக் கைவிடுமாறு கவிதாவின் பெற்றோர் வலியுறுத்தினர்.. ஆனால் கவிதா தனது காதலைக் கைவிட மறுத்து விட்டார். அத்தோடு எவ்வளவு எதிர்ப்பு வந்தாலும் பிரகாஷைத் தான் மணப்பேன் என்றும் பிடிவாதமாக கூறியுள்ளார்.

இதனால் கடந்த 19ஆம் தேதி மனைவி விஜயாவுடன் வீட்டை விட்டு வெளியேறினார் துரைசாமி. ஆனால் இருவரும் இதுவரை வீடு திரும்பவில்லை. காணமல் போன துரைசாமியையும், அவரது மனைவி விஜயாவையும், பல இடங்களில் தேடியும் அவர்கள் கிடைக்காததை அடுத்து, .பள்ளிப்பட்டி காவல் நிலையத்தில் புகார் கொடுக்கப்பட்டது..

இதனை அடுத்து மகளின் காதலுக்கு பயந்து இருவரும் வீட்டை விட்டு வெளியேறி தலைமறைவாக இருக்கலாம் என்ற சந்தேகத்தின் பேரில் காவல்துறையினர் அவர்களைத் தேடி வருகின்றனர்.

நன்றி
இந்நேரம் தளம்