மினி ரெசிபிக்கள்:

பூண்டு துவையல்...

தேவையான பொருட்கள்: உரித்த பூண்டு - 20 பல், 
காய்ந்த மிளகாய் - இரண்டு, புளி - சிறிதளவு,
கருவேப்பிலை - ஒரு கைப்பிடி,
கடுகு, உளுத்தம் பருப்பு, ( தாளிக்க)
பெருங்காயம் - தலா கால் தேக்கரண்டி, 
உப்பு, 
நல்லெண்ணெய் - தேவையான அளவு.
செய்முறை: வாணலியில், 
சிறிது நல்லெண்ணெய் விட்டு பூண்டு, 
காய்ந்த மிளகாய், புளி, கறிவேப்பிலை,
உப்பு சேர்த்து நன்கு வதக்கி,
மிக்சியில் நைசாக அரைக்கவும். 
இன்னொரு வாணலியில், கொஞ்சம் நல்லெண்ணெய் விட்டு,
கடுகு, உளுத்தம் பருப்பு, பெருங்காயம் தாளிக்கவும். அரைத்த துவையலில், 
தாளித்தவற்றை சேர்த்து, ஒரு கிளறு கிளறி பரிமாறவும்.
-தினமலர்

தக்காளி தொக்கு

தேவையான பொருட்கள்: தக்காளி - 500 கிராம்,  
மஞ்சள் தூள் - அரை தேக்கரண்டி,
தனியா தூள் - 3 தேக்கரண்டி,  
பூண்டு - 20 பல், இஞ்சி - ஒரு அங்குல துண்டு
நல்லெண்ணெய் - 3/4 கப், மிளகாய்த்தூள் - 2 தேக்கரண்டி,                            
கறிவேப்பிலை - ஒரு கொத்து

செய்முறை: இஞ்சியை தோல் சீவிக் கொள்ள வேண்டும். 
பூண்டை தோல் உரித்து எடுத்துக் கொள்ள வேண்டும். 
இஞ்சி பூண்டு இரண்டையும் அம்மியில் வைத்து ஒன்றிரண்டாக நசுக்கி வைத்துக் கொள்ள வேண்டும்.
ஒரு பாத்திரத்தில் தக்காளியை போட்டு, 
அதில் மூழ்கும் அளவு தண்ணீர் ஊற்றி 3 நிமிடம் வேக வைத்து, 
தோல் சற்று சுருங்கியவுடன் எடுத்து விட வேண்டும்.
பிறகு தக்காளியின் தோலை உரித்து விட்டு 
மிக்ஸியில் போட்டு அரைத்து விழுதாக எடுத்துக் கொள்ள வேண்டும்.
வாணலியில் எண்ணெய் ஊற்றி காய்ந்ததும் நசுக்கி வைத்திருக்கும் இஞ்சி, 
பூண்டைப் போட்டு பச்சை வாசனை போகும் வரை வதக்க வேண்டும்.
பிறகு அதில் மஞ்சள் தூள், தனியா தூள், மிளகாய் தூள், 
உப்பு போட்டு 30 நொடி கிளறி விட வேண்டும்.
கிளறிய பின்பு, அதில் அரைத்து எடுத்து வைத்திருக்கும் 
தக்காளி விழுதை ஊற்றி மேலும் ஒரு நிமிடம் கிளறி விட வேண்டும்.
அதன் பின்னர் ஒரு நிமிடம் கழித்து தக்காளி விழுதுடன் 
மசாலா எல்லாம் ஒன்றாக கலந்ததும் ஒரு தட்டை வைத்து 15 நிமிடம் மூடி வைக்க வேண்டும்.
15 நிமிடம் கழித்து, 
தண்ணீர் வற்றி எண்ணெய் மேலே வரும்பொழுது கறிவேப்பிலை தூவி இறக்க வேண்டும். 
இது ஒரு வாரம் வரைக்கும் கெடாமல் இருக்கும்.
- கண்ணன்

குளிர் காலம் வந்துவிட்டது, சூப்பர் சூப்...

இது போல் சூப் செய்து குடிப்பது தொண்டை கர கரப்புக்கு , 
இதில் இஞ்சி சேர்ந்து இருபப்தால் சளிக்கு எல்லாம் மிகவும் நல்லது.

எளிய முறையில் தயாரித்து விடலாம்.இது குழந்தைகளுக்கு ரொம்ப பிடிக்கும்.
குழந்தைகள் என்றில்லை பெரியவர்களுக்கும் , 
கர்பிணி பெண்களுக்கும் உகந்தது... ஆகா என்ன ருசி...

 குளிர்காலத்தில் இந்த சூப்பை குடித்தால் உங்கள் தொண்டை சொல்லுமே ஆஹா...

    தேவையானவை
தக்காளி = நான்கு
இஞ்சி = இரண்டு அங்குல துண்டு
சின்ன வெங்காயம் = 10

தாளிக்க
வெண்ணை = ஒரு தேக்கரண்டி
மிளகு = தேவைக்கு
உப்பு = தேவைக்கு

கார்ன் பிளார் மாவு = இரண்டு தேக்கரண்டி

செய்முறை


தக்காளியில் பொடியாக அரிந்த இஞ்சி, வெங்காயம் சிறிது உப்பு சேர்த்து நன்கு குக்கரில் 5 விசில் விட்டுவேகவிடவும்.
குக்கரின் ஆவி அடங்கியதும்  வெந்ததை ஆறவைத்து
முக்கால் பாகம் அரையுமாறு மிக்சியில் அரைத்து பெரிய துளையுள்ள வடிகட்டியில் வடிக்கவும்.

கடைசியாக ஒரு பேனில்  வெண்ணை  சேர்த்து தாளித்து தக்காளி கலவையை ஊற்றி கொதிக்க விட்டு கார்ன் மாவை கரைத்து ஊற்றவும்.

கடைசியாக தேவைக்கு மிளகு தூள் , உப்பு தூள் தூவி குடிக்கவும்.

இது சிம்பிள் சூப் குழந்தைகள் முதல் பெரியவர்கள் வரை குடிக்கலாம்,
வருகிற குளிர் காலத்துக்கு தொண்டைக்கு மிக இதமாக இருக்கும்.

-அகிலா.

வாழைத்தண்டு சாலட்!



தேவையானப் பொருட்கள்: 
பொடியாக நறுக்கிய வாழைத்தண்டு - ஒரு கப், 
ஊற வைத்த பயத்தம் பருப்பு - கால் கப், 
கொத்த மல்லி இலை - சிறிதளவு, 
மிளகுத் தூள்- கால் தேக்கரண்டி, 
எலுமிச்சை சாறு - ஒரு மேஜைக் கரண்டி, 
உப்பு - தேவையான அளவு.


செய்முறை: 

வாழைத்தண்டுடன் வேக வைத்த பயத்தம்பருப்பு, 
எலுமிச்சை சாறு, 
உப்பு, 
மிளகுத்தூள் சேர்த்து கலக்கவும்.
கொத்தமல்லி இலை தூவி பரிமாறவும். 
இந்த சாலட் சீறுநீரகத்தை பலப்படுத்தும். 
உடம்பில் உள்ள கூடுதல் உப்பை வெளியேற்றும். மலச்சிக்கல் சரியாகும்.

-அகிலா