தினமும் ஒரு குறள்

by ஸ்ரீராம் Wed Sep 12, 2012 11:34 pm

First topic message reminder :

அதிகாரம் : கடவுள் வாழ்த்து
குறள் : 1

அகர முதல எழுத்தெல்லாம் ஆதி
பகவன் முதற்றே உலகு.

பொருள்: எழுத்துக்கள் எல்லாம் அகரத்தை அடிப்படையாக கொண்டிருக்கின்றன. அதுபோல உலகம் கடவுளை அடிப்படையாக கொண்டிருக்கிறது.

by முரளிராஜா Mon May 20, 2013 8:03 pm

நன்றி ஸ்ரீ ராம்

by மகா பிரபு Tue May 21, 2013 10:49 am

நன்றி அண்ணா

by Muthumohamed Tue May 21, 2013 1:04 pm

நல்ல தொடர் பதிவு நன்றி அண்ணா

by ஸ்ரீராம் Mon May 27, 2013 2:48 pm

அதிகாரம் : ஒப்புரவறிதல்
குறள் : 216

பயன்மரம் உள்ளூர்ப் பழுத்தற்றால் செல்வம்
நயனுடை யான்கண் படின்.

பொருள் : ஒப்புராவாகிய நற்பண்பு உடையவனிடம் செல்வம் சேர்ந்தால் அஃது ஊரின் நடுவே உள்ள பயன் மிகுந்த மரம் பழங்கள் பழுத்தாற் போன்றது.

by ஸ்ரீராம் Mon May 27, 2013 2:48 pm

அதிகாரம் : ஒப்புரவறிதல்
குறள் : 217

மருந்தாகித் தப்பா மரத்தற்றால் செல்வம்
பெருந்தகை யான்கண் படின்.

பொருள் : ஒப்புரவாகிய பெருந்தகைமை உடையவனிடத்து செல்வம் சேர்ந்தால் அஃது எல்லா உறுப்புகளுக்கும் மருந்தாகிப் பயன்படத் தவறாத மரம் போன்றது.

by ஸ்ரீராம் Mon May 27, 2013 2:49 pm

அதிகாரம் : ஒப்புரவறிதல்
குறள் : 218

இடனில் பருவத்தும் ஒப்புரவிற்கு ஒல்கார்
கடனறி காட்சி யவர்.

பொருள் : ஒப்புரவு அறிந்து ஒழுதலாகியத் தன் கடமை அறிந்த அறிவை உடையவர், செல்வ வளம் இல்லாத காலத்திலும் ஒப்புரவுக்குத் தளர மாட்டார்.

by ஸ்ரீராம் Thu May 30, 2013 11:16 am

அதிகாரம் : ஒப்புரவறிதல்
குறள் : 219

நயனுடையான் நல்கூர்ந்தா னாதல் செயும்நீர
செய்யாது அமைகலா வாறு.

பொருள் : ஒப்புரவாகிய நற்பண்பு உடையவன் வறுமை உடையவனாதல், செய்யத்தக்க உதவிகளைச் செய்யாமல் வருந்துகின்ற தன்மையாகும்.

by ஸ்ரீராம் Sat Jun 01, 2013 11:21 am

அதிகாரம் : ஒப்புரவறிதல்
குறள் : 220

ஒப்புரவி னால்வரும் கேடெனின் அஃதொருவன்
விற்றுக்கோள் தக்க துடைத்து.

பொருள் : ஒப்புரவால் கேடு வரும் என்றால் அக் கேடு ஒருவன் தன்னை விற்றாவது வாங்கிக்கொள்ளும் தகுதி உடையதாகும்.

by ஸ்ரீராம் Sat Jun 01, 2013 11:22 am

அதிகாரம் : ஈகை
குறள் : 221

வறியார்க்கொன்று ஈவதே ஈகைமற் றெல்லாம்
குறியெதிர்ப்பை நீர துடைத்து.

பொருள் : வறியவர்க்கு ஒரு பொருளைக் கொடுப்பதே ஈகை எனப்படுவது, மற்றவர்க்குக் கொடுப்பதெல்லாம் பயன் எதிர்பார்த்து கொடுக்கும் தன்மை உடையது.

by ஸ்ரீராம் Sun Jun 02, 2013 2:05 pm

அதிகாரம் : ஈகை
குறள் : 222

நல்லாறு எனினும் கொளல்தீது மேலுலகம்
இல்லெனினும் ஈதலே நன்று.

பொருள் : பிறரிடம் பொருள் பெற்றுக் கொள்ளுதல் நல்ல நெறி என்றாலும் கொள்ளல் தீமையானது, மேலுலகம் இல்லை என்றாலும் பிறக்குக் கொடுப்பதே சிறந்தது.

by ஸ்ரீராம் Mon Jun 03, 2013 9:52 am

அதிகாரம் : ஈகை
குறள் : 223

இலனென்னும் எவ்வம் உரையாமை ஈதல்
குலனுடையான் கண்ணே யுள.

பொருள் : யான் வறியவன் என்னும் துன்பச் சொல்லை ஒருவன் உரைப்பதற்கு முன் அவனுக்கு கொடுக்கும் தன்மை, நல்ல குடி பிறப்பு உடையவனிடம் உண்டு.

by முரளிராஜா Mon Jun 03, 2013 8:16 pm

குறள் பகிர்வுக்கு நன்றி

by மகா பிரபு Mon Jun 03, 2013 9:40 pm

தொடர் பகிர்வுக்கு நன்றி அண்ணா.

by ஸ்ரீராம் Tue Jun 04, 2013 11:41 am

அதிகாரம் : ஈகை
குறள் : 224

இன்னாது இரக்கப் படுதல் இரந்தவர்
இன்முகங் காணும் அளவு.

பொருள் : பொருள் வேண்டும் என்ற இரந்தவரின் மகிழ்ந்த முகத்தைக் காணும் வரைக்கும் (இரத்தலைப் போலவே ) இரந்து கேட்கப்படுவதும் துன்பமானது.

by ஸ்ரீராம் Wed Jun 05, 2013 10:04 am

அதிகாரம் : ஈகை
குறள் : 225

ஆற்றுவார் ஆற்றல் பசிஆற்றல் அப்பசியை
மாற்றுவார் ஆற்றலின் பின்.

பொருள் : தவ வலிமை உடையவரின் வலிமை பசியை பொறுத்துக் கொள்ளலாகும், அதுவும் அப் பசியை உணவு கொடுத்து மாற்றுகின்றவரின் ஆற்றலுக்குப் பிற்பட்டதாகும்.

by முழுமுதலோன் Wed Jun 05, 2013 10:25 am

குரலின் குறள் மிகவும் நன்று

by Muthumohamed Wed Jun 05, 2013 11:03 am

அருமை அருமை விளக்கமும் குறளும்

by ஸ்ரீராம் Sun Jun 16, 2013 10:46 pm

அதிகாரம் : ஈகை
குறள் : 226

அற்றார் அழிபசி தீர்த்தல் அஃதொருவன்
பெற்றான் பொருள்வைப் புழி.

பொருள்: வறியவரின் கடும்பசியைத் தீர்க்க வேண்டும் அதுவே பொருள் பெற்ற ஒருவன் அப் பொருளைத் தனக்குப் பிற்காலத்தில் உதவுமாறு சேர்த்து வைக்கும் இடமாகும்.

by ஸ்ரீராம் Sun Jun 16, 2013 10:47 pm

அதிகாரம் : ஈகை
குறள் : 227

பாத்தூண் மரீஇ யவனைப் பசியென்னும்
தீப்பிணி தீண்டல் அரிது.

பொருள்: தான் பெற்ற உணவை பலரோடும் பகிர்ந்து உண்ணும் பழக்கம் உடையவனை பசி என்று கூறப்படும் தீயநோய் அணுகுதல் இல்லை.

by ஸ்ரீராம் Sun Jun 16, 2013 10:49 pm

அதிகாரம் : ஈகை
குறள் : 228

ஈத்துவக்கும் இன்பம் அறியார்கொல் தாமுடைமை
வைத்திழக்கும் வன்க ணவர்.

பொருள்: தாம் சேர்த்து வைத்துள்ள பொருளைப் பிறருக்குக் கொடுக்காமல் வைத்திருந்து பின் இழந்து விடும் வன் கண்மை உடையவர், பிறர்க்கு கொடுத்து மகிழும் மகிழ்ச்சியை அறியாரோ.

by முரளிராஜா Mon Jun 17, 2013 9:18 am

நன்றி ஸ்ரீ ராம்

by ஸ்ரீராம் Mon Jun 17, 2013 10:39 am

அதிகாரம் : ஈகை
குறள் : 229

இரத்தலின் இன்னாது மன்ற நிரப்பிய
தாமே தமியர் உணல்.

பொருள்: பொருளின் குறைபாட்டை நிரப்புவதற்க்காக உள்ளதைப் பிறர்க்கு ஈயாமல் தாமே தமியராய் உண்பது வறுமையால் இறப்பதை விடத் துன்பமானது.

by ஸ்ரீராம் Mon Jun 17, 2013 10:41 am

அதிகாரம் : ஈகை
குறள் : 230

சாதலின் இன்னாத தில்லை இனிததூஉம்
ஈதல் இயையாக் கடை.

பொருள்: சாவதை விடத் துன்பமானது வேறொன்றும் இல்லை, ஆனால் வறியவர்க்கு ஒரு பொருள் கொடுக்க முடியாதநிலை வந்தபோது அச் சாதலும் இனியதே ஆகும்.

by ஸ்ரீராம் Tue Jul 02, 2013 9:18 am

அதிகாரம் : புகழ்
குறள் : 231

ஈதல் இசைபட வாழ்தல் அதுவல்லது
ஊதியம் இல்லை உயிர்க்கு.

பொருள் : வறியவர்க்கு ஈதல் வேண்டும் அதனால் புகழ் உண்டாக வாழ வேண்டும், அப் புகழ் அல்லாமல் உயிர்க்கு ஊதியமானது வேறொன்றும் இல்லை.

by ஸ்ரீராம் Tue Jul 02, 2013 9:19 am

அதிகாரம் : புகழ்
குறள் : 232

உரைப்பார் உரைப்பவை எல்லாம் இரப்பார்க்கொன்று
ஈவார்மேல் நிற்கும் புகழ்.

பொருள் : புகழ்ந்து சொல்கின்றவர் சொல்பவை எல்லாம் வறுமையால் இரப்பவர்க்கு ஒரு பொருள் கொடுத்து உதவுகின்றவரின் மேல் நிற்கின்ற புகழேயாகும்.

by Sponsored content

தினமும் ஒரு குறள்

தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்