மத்திய அரசு கண்டுகொள்ளாமல் இருப்பதற்கு தமிழர்களின் ஒற்றுமையின்மையே காரணம்! - டி.ராஜேந்தர்

மத்திய அரசு கண்டுகொள்ளாமல் இருப்பதற்கு தமிழர்களின் ஒற்றுமையின்மையே காரணம்! - டி.ராஜேந்தர்


மத்தியபிரதேச மாநிலத்தில், வருகிற 21-ந் தேதி நடைபெற உள்ள புத்த மத கல்வி மைய அடிக்கல் நாட்டு விழாவிற்கு இலங்கை அதிபர் ராஜபக்ச வருவதற்கு எதிர்ப்பு தெரிவித்தும், சிங்கள ராணுவத்திற்கு தமிழகத்தில் பயிற்சி அளித்தல் மற்றும் நிலக்கரி ஊழல் புரிந்த மத்திய அரசை கண்டித்தும் லட்சிய தி.மு.க. சார்பில் சென்னை சேப்பாக்கம் அரசு விருந்தினர் மாளிகை அருகே ஆர்ப்பாட்டம் நடைபெற்றது.

ஆர்ப்பாட்டத்திற்கு கட்சியின் தலைவர் டி.ராஜேந்தர் தலைமை தாங்கி பேசும்போது, தமிழகத்தில் சிங்கள ராணுவத்திற்கு பயிற்சி அளிப்பதற்கு, முதலமைச்சர் கண்டனம் தெரிவித்த பின்னும், எதிர்கட்சிகள் எதிர்த்து குரல் கொடுத்த பின்னும், மத்திய அரசு கண்டு கொள்ளாமல் இருக்கிறது. இதற்கு தமிழர்களிடையே ஒற்றுமை இல்லாததுதான் காரணம் என்று கூறினார்.

ஆர்ப்பாட்டத்தில் தென் சென்னை மாவட்ட செயலாளர் எம்.எம்.ஆர்.மதன், வட சென்னை மாவட்ட செயலாளர் எஸ்.வேதா, மாநில அமைப்பாளர் டி.வாசு, தலைமை கழக செயலாளர் எஸ்.துரை உள்பட பலர் கலந்து கொண்டனர்.