20-20 உலகக் கோப்பை அணி : சில கேள்விகள், சந்தேகங்கள்

by **Admin** Fri May 07, 2010 10:09 pm

FILEமேற்கிந்திய தீவுகளில் ஏப்ரல் 30ஆம் தேதி முதல் நடைபெறவ‌ள்ள இருபது‌க்கு20 ஐ.சி.சி. உலகக் கோப்பை கிரிக்கெட் தொடருக்கான 15 வீரர்கள் கொண்ட இந்திய அணி அறிவிக்கப்பட்டுள்ளது. இந்த அணி சரியானதுதானா, உண்மையில் ஐ.பி.எல் கிரிக்கெட்டை ஒரு அளவுகோலாக வைத்துக் கொண்டார்கள் என்றால் சில கேள்விகள் பிறக்கிறது.

பியூஷ் சாவ்லா, வினய் குமார் நீங்கலாக மற்ற வீரர்கள் ஏற்கனவே தேர்வு செய்யத் தகுதி பெற்று விட்டனர் என்றால் பிறகு ஐ.பி.எல். கிரிக்கெட் துவங்கிய பிறகு அணியை அறிவிப்பது ஏன்? முன்பே அறிவித்திருந்தால் அந்த வீரர்களாவது ஐ.பி.எல். கிரிக்கெட்டில் நல்ல பயிற்சி எடுத்துக் கொண்டிருப்பார்களே?

PTIகாயமடைந்த வீரர்களை ஒரு போதும் தேர்வு செய்யவே மாட்டோம் என்று அணித் தேர்வுக் குழுத் தலைவர் கிருஷ்ணமாச்சாரி ஸ்ரீகாந்த் சமீபத்தில் சபதம் செய்தார். ஆனால் அணியில் தேர்வு செய்யப்பட்ட 4 அல்லது 5 வீரர்களின் உடல் தகுதி சந்தேகத்திற்கிடமாகவுள்ளது.

ஆனால் ஸ்ரீகாந்த் கூறுகிறார், காயமடைந்த வீரர்களின் உடற்தகுதி சான்றிதழ் வந்த பிறகே அவரகளைத் தேர்வு செய்தோம் என்று.

கம்பீர், தோனி, ஜாகீர்கான், யுவ்ராஜ், குறிப்பாக நெஹ்ரா என்று இந்தப் பட்டியல் இன்னும் ஓரிரு வீரர்களையும் உள்ளடக்கலாம். ஆனால் இவர்கள் அனைவரும் அணியில் உள்ளனர்.

ஆஷிஷ் நெஹ்ரா இன்னும் ஒரு போட்டியில் கூட இந்த ஐ.பி.எல் தொடரில் விளையாடவில்லை. மேலும் ஒரு நாள் போட்டிகளில் கூட வேறு வழியில்லாமல்தான் நெஹ்ரா அணியில் நீடித்து வருகிறார். பந்து வீச்சு திறனால் அல்ல (வேறு அனுபவ‌‌ம் ‌மி‌க்க ப‌ந்து ‌வீ‌ச்சாள‌ர் இ‌ல்லாததா‌ல்தா‌ன்). ஓவருக்கு 6 அல்லது 7 ரன்களை அவர் விட்டுக் கொடுப்பது சகஜமாக நடந்து வருகிறது.

FILE10 ஓவர்கள் வீசி 50 ரன்களை கொடுத்த நெஹ்ராவின் காலங்கள் மலையேறிவிட்டது. இப்போதெல்லாம் 6 அல்லது 7-வது ஓவரில் நெஹ்ரா தன் பந்து வீச்சில் அரை சதம் அடித்து விடுகிறார். பந்து வீச்சில் ரன்களை கொடுப்பதில் அவரது வேகம் சேவாகின் பேட்டிங்கிற்கு இணணயானதாக உள்ளது.

பியூஷ் சாவ்லா அணியில் தேர்வு செய்யப்பட்டது அடுத்தகட்ட அதிர்ச்சித் தேர்வு என்றால் மிகையாகாது. ஏனெனில் அமித் மிஷ்ரா, பிராக்யன் ஓஜா ஆகியோர் ஒட்டுமொத்தமாக குறைந்த சிக்கன விகிதமும், ஓரளவுக்கு விக்கெட் எடுக்கும் பந்து வீச்சாளர்களாகவும் உள்ளனர்.

இந்த ஐ.பி.எல். தொடரில் கூட அமித் மிஷ்ரா, பிராக்யன் ஓஜாவின் சிக்கன விகிதம் மற்றும் சராசரி, பியூஷ் சாவ்லாவைக் காட்டிலும் சிறப்பாகவே உள்ளது. இந்த நிலையில் பியூஷ் சாவ்லா எந்த அடிப்படையில் தேர்வு செய்யப்பட்டார்?