பல் துலக்கும் முறை.

by செந்தில் Sat Oct 19, 2013 1:10 pm

பல் துலக்கும் முறை.

[You must be registered and logged in to see this image.]

பச்சிளம், பல் முளைக்காத குழந்தைகளுக்கும் ஆள்காட்டி விரலில் ஈரத் துணி சுற்றி ஈறுகளில் இதமாக தடவி துடைத்து விட வேண்டும்.

சிறுவர்களுக்கு பல் மற்றும் ஈறுகளில் பிரஷ்ஷால் வட்ட வடிவில் சுழற்சி முறையில் தேய்க்க அறிவுறுத்த வேண்டும்.சிறுவர்களுக்கு ஒரு பட்டாணியின் அளவிலான பற்பசையினை உபயோகித்தாலே போதுமானது. ஏனெனில் சில சிறுவர்கள் அதிக பற்பசை வைத்தால் துலக்கும்போது விழுங்கிவிட வாய்ப்புண்டு. இது அவர்களுக்கு உடலில் அதிக அளவிலான புளூரைடு நிறைந்து பாதிப்பை ஏற்படுத்தும்.

பெரியவர்கள் பிரஷ்ஷை 45 டிகிரி கோணத்தில் ஈறுகளின் மேல் சாய்த்துப் பிடித்து, சுழற்றும் முறையில் தேய்க்க வேண்டும். மேல் தாடையின் வலது, இடது, உள், வெளிப் பக்கங்களிலும், அதே போல் கீழ் தாடையிலும் வலது, இடது, உள், வெளிப் பக்கங்களிலும் தேய்க்க வேண்டும். இச் சுழற்சியினை சுமார் 15 முதல் 20 முறைகள் ஒவ்வோர் இடத்திலும் மேற்கொள்ள வேண்டும்.

முன் பற்களுக்கு மட்டும் பிரஷ்ஷை செங்குத்தாக பிடித்து 45 டிகிரி கோணத்தில் மேலும் கீழும் நகர்த்தி, உள்ளும் வெளியும் தேய்த்து விட வேண்டும். கடைவாய் பற்களின், மெல்லும் மற்றும் கடிக்கும் பகுதிகளில் பிரஷ்ஷை நன்றாக அழுத்திப் பிடித்து முன்னும் பின்னுமாகத் தேய்த்து விட வேண்டும்.

டங் கிளீனர் கொண்டு நாக்கு பகுதியையும் சுத்தம் செய்ய வேண்டும்.அப்போதுதான் வாய் துர்நாற்றம் வீசக் காரணமான கிருமிகளை அகற்ற முடியும்.

உடலிலேயே மிக மிகக் கடினமானது, கெட்டியானது எதுவென்றால் அது பல்லின் வெளிப்புறமுள்ள எனாமல் பகுதிதான். இது எலும்பை விட உறுதியானது.

தவறான, முறையற்ற வகையில் பல் துலக்கும் பழக்கம் இந்த உறுதியான எனாமலையும் தேய செய்து விடும்.இதனால் பல் கூச்சம் உண்டாகும். எப்பொழுதும் மிருதுவான பிரஷ் கொண்டு பல் துலக்குவது நன்று. மூன்று மாதத்திற்கு ஒருமுறை பிரஷ்ஷை மாற்றிவிட வேண்டும்.ஆறு மாதத்திற்கு ஒரு முறை பல் மருத்துவரிடம் சென்று பற்களை செக் அப் செய்து கொள்ள வேண்டும்.

nandri -Ilayaraja Dentist