வைட்டமின் டி பெறுவதற்கான மாற்றுவழிகள்

by முரளிராஜா Mon Oct 28, 2013 10:31 am

உடலுக்குத் தேவைப்படும் வைட்டமின்களில் டி சக்தியானது எலும்புகளின் வளர்ச்சிக்கு இன்றியமையாதது என்று பள்ளிப்பாடங்களில் படித்திருப்போம். அதேபோல் காலை வெயிலும், பால் உணவும் இந்த சக்தியை உடலுக்கு அளிக்குமென்றும், இந்த சத்துக் குறைவினால் என்புருக்கி நோய் தாக்கும் அபாயமும் ஏற்படும் என்றும் படித்திருக்கிறோம்.

முந்தையக் காலங்களிலும் இத்தகைய சத்துக் குறைபாடுகள் மக்களிடையே இருந்திருக்கும். ஆனால் தற்போது மக்கள் விழிப்புணர்வுடன் அதுகுறித்து ஆலோசனையைப் பெறுகின்றனர். மருத்துவர்களும் தங்களின் நோயாளிகளிடம் இதற்கான பரிசோதனையை மேற்கொள்ளுமாறு கேட்டுக் கொள்ளுகின்றனர் என்று உணவு மற்றும் ஊட்டச்சத்து வல்லுனர் சாய் கோகர் தெரிவிக்கின்றார்.

காலை வெயில் பால் மட்டும்தான் வைட்டமின் டி சக்தியை கொடுக்கும் என்றில்லை. வைட்டமின் டி பெறுவதற்கான மாற்று வழிகளும் உள்ளன.

பதப்படுத்தப்பட்ட மீன் வகைகளும், புதியதாகக் கிடைக்கும் மீன்களும், வெயில் பகுதிகளில் வளர்க்கப்பட்ட காளான்களும், வைட்டமின் டி சத்து சேர்த்து தயாரிக்கப்பட்ட ஆரஞ்சு பழரச பானங்களும், முட்டைகளும், இறைச்சி வகைகளும் கணிசமான அளவில் இந்த சத்தினைப் பெற உதவுகின்றன. குறிப்பாக இறைச்சி வகைகளில் ஈரலில் இந்த சத்து அதிகம் உள்ளதாகக் கூறப்படுகின்றது.

பெரும்பாலானோர் இறைச்சி உண்பதைத் தவிர்க்கின்றனர். ஆயினும், இதில் விருப்பம் உள்ளவர்கள் இறைச்சி உண்ணுவதன்மூலம் எளிதாக இந்த சத்தினைப் பெறலாம் என்று தெரிவிக்கப்பட்டுள்ளது.

அதேபோல் கொலஸ்டிரால், ரத்த அழுத்தம் போன்ற நோய் உள்ளவர்கள் முட்டையின் மஞ்சள் கருவினைத் தவிர்த்திட வேண்டும் என்றும் குறிப்பிடப்பட்டுள்ளது.

by முழுமுதலோன் Mon Oct 28, 2013 11:00 am

100 சதவிகித என்னைப்போன்ற சைவ மக்களுக்கு மேற்கூறியவை தவிர ஏதாவது டிப்ஸ் உண்டுங்களா ?

by sawmya Mon Oct 28, 2013 11:11 am

நன்று! நன்றி! புன்முறுவல்

by செந்தில் Mon Oct 28, 2013 11:14 am

பகிர்வுக்கு நன்றி அண்ணா கைதட்டல்

by sawmya Mon Oct 28, 2013 11:25 am

பால் மற்றும் பால் பொருட்கள்
குறைந்த கொழுப்பு சத்துள்ள பால் பொருட்களை சாப்பிட வேண்டும். சீஸ், யோகர்டு, பன்னீர், ஸ்கிம்டு மில்க் பவுடர் போன்றவற்றில் கால்சியம் காணப்படுகிறது. இவற்றை சாப்பிட்டால், எலும்புகள் பலமடையும்.
கொட்டைகள்
பாதாம், பிஸ்தா போன்ற கொட்டைகளில் உடலுக்குத் தேவையான தாது உப்புகள் உள்ளன. கால்சியம், மெக்னீசியம், மாங்கனீஸ், பாஸ்பரஸ் போன்றவைகள் காணப்படுகின்றன. இவற்றை உணவில் சேர்த்துக் கொள்வதன் மூலம் எலும்புகள் பாதிப்படையாமல் தப்பிக்கலாம்.
சத்தான காய்கறிகள், பழங்கள்
புருக்கோலி, முட்டைக்கோஸ், காலிப்ளவர், பீட்ரூட், ஓக்ரா போன்ற காய்கறிகளை தினசரி சேர்த்துக் கொள்வதன் மூலம் எலும்புகள் ஆரோக்கியமாக இருக்கும்.
வைட்டமின் சி சத்து நிறைந்த பழங்களை சாப்பிடலாம். ஆரஞ்சு, கொய்யா, ஸ்ட்ராபெர்ரீஸ், வாழைப்பழம், ஆப்பில் போன்றவை எலும்புகளை பாதுகாப்பாக வைத்திருக்கும்.
ராகி சாப்பிடுங்களேன்
100 கிராம் ராகியில் 330 முதல் 350 கிராம் கால்சியம் உள்ளது. எனவே ராகி சாப்பிடுவதன் மூலம் எலும்புகள் ஆரோக்கியமாக இருக்கும்.
பேரிச்சை நல்லது
பேரிச்சம்பழத்தில் கால்சியம், மாங்கனீஸ் உள்ளது. அதேபோல் தாமிரச்சத்துக்களும், மங்கனீசியமும் காணப்படுகின்றன. இது எலும்புகளை ஆரோக்கியமாக வைத்திருக்கிறது.
வைட்டமின் டி சத்து
எலும்புகளின் வளர்ச்சிக்கும், சருமத்திற்கும் வைட்டமின் டி அவசியம். எனவே வைட்டமின் டி சத்து நிறைந்த உணவுகளை உட்கொள்வது அவசியம். சூரிய ஒளியில் வைட்டமின் டி உள்ளது. எனவே உடலில் சூரிய ஒளி படுமாறு நிற்கலாம்.
பருப்பில் இருக்கும் சத்து
கருப்பு உளுந்து கால்சியம் சத்து நிறைந்தது. அதேபோல் சோயபீன், கொள்ளு போன்றவைகளில் கால்சியம் சத்து காணப்படுகின்றன.
அதேபோல் ஒமேகா 3 கொழுப்பு அமிலங்கள் கொண்ட மீன் உணவுகளை உட்கொள்ளலாம். உணவியல் நிபுணர்கள் கூறியுள்ள இவற்றை உணவில் சேர்த்துக்கொள்வதன் மூலம் எலும்பு உடைதல் நோய்களில் இருந்து தப்பிக்கலாம்.

மருத்துவ செய்தி -http://www.lankasritechnology.com

by Sponsored content

வைட்டமின் டி பெறுவதற்கான மாற்றுவழிகள்

வைட்டமின் டி பெறுவதற்கான மாற்றுவழிகள்

Re: வைட்டமின் டி பெறுவதற்கான மாற்றுவழிகள்

Re: வைட்டமின் டி பெறுவதற்கான மாற்றுவழிகள்

Re: வைட்டமின் டி பெறுவதற்கான மாற்றுவழிகள்

Re: வைட்டமின் டி பெறுவதற்கான மாற்றுவழிகள்

Re: வைட்டமின் டி பெறுவதற்கான மாற்றுவழிகள்