பணம் என்னடா பணம் பணம்.....

by பூ.சசிகுமார் Wed Sep 19, 2012 1:36 pm

ஒரு தரையில் ஏகப்பட்ட தங்க நாணயங்களைக் கண்ட ஒரு
துறவி எமன், எமன் என்று கதறி ஓடினார். இரு நண்பர்கள் அதைப் பார்த்து
தரையில் ஏது எமன் என்று ஆராய்ந்தார்கள். மின்னும் தங்க நாணயங்களைக் கண்ட
இருவருக்கும் சந்தோஷம் தாங்கவ
ில்லை. இதைப்
போய் எமன் என்கிறாரே, பாவம். விவரம் தெரியாத மனுஷன் என்று சிரித்துவிட்டு
இருவரும் இருட்டிய பின் தங்கத்தை ஊருக்குள் எடுத்துப் போய் பங்கு போட
முடிவு செய்தனர்.

இடையில் பசி எடுக்கவே, ஒருவர் போய் உணவு
வாங்குவது, இன்னொருவர் காவல் இருப்பது என்று முடிவாகியது. உணவு வாங்கச்
சென்றவர் திரும்ப குகைக்குள் நுழைந்த போது உள்ளே இருந்த நண்பரால்
தாக்கப்பட்டு இறந்தார். ‘அப்பாடி, இவன் ஒழிந்தான். இனி எல்லாத் தங்கமும்
எனக்குத்தான்’ என்று நினைத்த மற்றவன், நண்பன் வாங்கி வந்த சாப்பாட்டை
சாப்பிட்டான். அடுத்த நிமிடம் அலறித் துடித்து இறந்தான், அவன் சாப்பிட்ட
உணவில் விஷம் கலந்திருந்தது!

புதையல் அப்படியே இருந்தது. அதைப் பார்த்து எமன் என்று அலறிய ஞானியின் குரல் மட்டும் அந்த இடத்தில் ஒரே சத்தியமாய் ஒளிர்ந்தது.